Tbilisidə "Qurani-Kərim"in Azərbaycan dilinə tərcümə olunmuş versiyasının təqdimatı keçirilib.

APA-nın Gürcüstan bürosu xəbər verir ki, tədbir “Qurani-Kərim”dən ayənin oxunması ilə başlayıb.

Gürcüstan Müsəlmanları İdarəsinin sədri hacı Ramin İgidov "Qurani-Kərim"in bu ölkədə ilk dəfədir ki, Azərbaycan dilinə tərcümə edildiyini deyib. O, din xadimlərinin Quranın Azərbaycan dilinə tərcümə olunaraq yayılmasını təşkil etdiklərini diqqətə çatdırıb.

Gürcüstanın Dini Məsələlər üzrə Dövlət Agentliyinin sədri vəzifəsini icra edən Zaza Vaşaqmadze, Baş nazirin milli məsələlər üzrə müşaviri Savalan Mirzəyev, Qərbi Gürcüstan Müsəlmanlarının müftisi Beqlar Kamaşidze və başqaları çıxış edərək İslam dininin məziyyətlərindən, Gürcüstanda dini tolerantlıqdan danışıb, "Qurani-Kərim"in Azərbaycan dilinə tərcümə olunmasını və pulsuz paylanmasını yüksək qiymətləndiriblər.

Tədbirdə Gürcüstanın dövlət və hökumət rəsmiləri, diplomatik korpusun nümayəndələri, elm, ictimaiyyət və din xadimləri iştirak ediblər.

Gürcüstan payataxtında Mirzə Fətəli Axundov adına Azərbaycan Mədəniyyəti Muzeyində Abşeron rayonu Xırdalan şəhər musiqi məktəbinin orkestrinin iştirakı ilə 31 Dekabr - Dünya Azərbaycanlılarının Həmrəyliyi Gününə həsr olunan konsert keçirilib.

APA-nın Gürcüstan bürosunun məlumatına görə, konsertdə gürcü və Azərbaycan ictimaiyyətinin nümayəndələri iştirak edib.

Tədbiri muzeyin əməkdaşı Leyla Əliyeva açıb. Sonra İkram Manafov Abşeron rayonu Xırdalan şəhər musiqi məktəbinin direktoru İkram Manafov açaraq artıq üçüncü dəfədir ki, Gürcüstana səfər etdiklərini bildirib: "Biz neçə illərdir ki, Mirzə Fətəli Axundov adına Azərbaycan Mədəniyyət Muzeyi ilə beynəlxalq əməkdaşlıq çərçivəsində əlaələr yaratmışıq və həmçinin muzeydə həyata keçirilən tədbirlərdə uğurla çıxışlar edirik. Bu səfərimiz 31 Dekabr-Dünya Azərbaycanlılarının Həmrəylik Günü ilə əlaqədardır. biz Tiflisdə dahi sənətkarımız Rəşid Behbudovun 100 illik yubileyində də iştirak edəcəyik. Biz səfər çərçivəsində Tiflisdəki musiqi məktəbləri ilə əlaqələr yaradıb musiqimizi təbliğ edəcəyik".

Sonra Mirzə Fətəli Axundov adına Azərbaycan Mədəniyyəti Muzeydə Xırdalan şəhər musiqi məktəbinin orkestrinin iştirakı ilə çıxış edən gənc musiqiçilərdən İsmayıl İsayev, Pərvin Həsənov, Hafiz Orucov, Zaur Tağıyev və başqaları Azərbaycan, vətən haqqında, həmçinin Rəşid Behbudovun mahnılarını oxuyub, saz havaları və klassik musiqi nömrələri səsləndiriblər. Tədbirdə nağara çalanlar musiqi nömrələri ifa ediblər.

Sabah Xırdalan şəhər musiqi məktəbinin orkestri Xaşuri rayonuna yola düşəcək.

Ərdoğan vətəndaşı fikrindən daşındıra bilib və problemi ilə maraqlanıb

Türkiyə prezidenti R.T.Ərdoğanın avtomobil karvanı "Boğaziçi" Körpüsündən keçərkən qeyri-adi hadisə baş verib. "Dalğa TV" xəbər verir ki, avtomobil karvanı körpüdən keçərkən bir vətəndaş intihara cəhd etmək istəyib. Məsələdən xəbərdar olan R.T.Ərdoğan, intihar etmək istəyən şəxslə görüşmək istədiyini bildirib. Prezidentin mühafizəçiləri vətəndaşı dilə tutaraq prezidentin yanına gətiriblər. Ərdoğan vətəndaşı fikrindən daşındıra bilib və problemi ilə maraqlanıb. Həmin görüntüləri təqdim edirik:

"Bu, problemimiz həllini tapdı".

Türkiyə Cümhuriyyəti vətəndaşları 2016-cı ilin oktyabrından Şengen zonası ölkələrinə vizasız gedə biləcəklər.

"Dalğa TV" Hürriyyet-ə istinadən xəbər verir ki, bu barədə bu ölkənin Avropa Birliyi (Aİ) üzrə naziri Volkan Bozkır Samsunda iştirak etdiyi iclasda deyib.

O, Türkiyənin Aİ ilə olan əlaqələrindən də danışıb:

"Tərəflər arasında əlaqələr bundan sonra daha da sürətlənəcək. Türk vətəndaşını bu gün narahat edən məsələlərdən biri də vizadır. 1980-ci illərə qədər viza rejimi yox idi. Bundan sonra viza rejimi tətbiq edilməyə başladı.

Bununla da bir çox vətəndaşlarımız ölkədən getməkdə çətinliklə qarşılaşırdı. Artıq 2016-cı ilin oktyabrından isə bu problem həllini tapacaq. Bununla da çox önəmli problemimiz aradan qaldırılacaq", - deyə o qeyd edib.

Brüssel 2016-cı ilin ikinci yarısından başlayaraq Ukrayna, Gürcüstan və Kosovo ilə vizasız rejim tətbiq etməyə hazırlaşır.

"Dalğa TV"nin "RIA "Novosti" agentliyinə istinadən verdiyi xəbərə görə, bu barədə Avropa İttifaqının Rusiyadakı səfiri Viqaudas Uşaçkas bildirib.

"Avrokomissiyanın qərarı onu göstərir ki, Ukrayna, Kosovo və Gürcüstan vizasız rejimin tətbiq edilməsi üçün lazımi tələblərə əməl edir. Növbəti addım qanunvericilik prosesi olacaq. Avrokomissiyanın təqdim edəcəyi yeni qanunvericilik isə Avropa İttifaqı ölkələri və Avroparlament tərəfindən təsdiqlənəcək", - deyə V. Uşaçkas qeyd edib.

Bununla yanaşı, səfir bildirib ki, bunun üçün konkret vaxt demək düzgün deyil: "Lakin mən inanıram ki, gələn ilin ikinci yarısından bu ölkələr üçün vizasız rejim tətbiq ediləcək”.

Xatırladaq ki, Avropa Komissiyası adıçəkilən ölkələrin Avropa İttifaqı ilə viza liberallaşdırılması üçün bütün şərtləri yerinə yetirdiyini bildirmişdi

Azərbaycan parlamentinə ABŞ-la bütün münasibətlərin dayandırılması ilə bağlı qanun layihəsinin təqdim olunması ictimaiyyət tərəfindən qızğın müzakirə olunur.

ANS PRESS-in məlumatına görə, layihəyə əsasən, ABŞ-la bütün siyasi və iqtisadi əlaqələrin kəsilməsi nəzərdə tutulur.

Bu layihəni Milli Məclisinin hüquq siyasəti və dövlət quruculuğu komitəsinin sədr müavini Rövşən Rzayev Smitin anti-Azərbaycan qətnaməsi layihəsinə qarşı hazırlayıb.

Yeni Azərbaycan Partiyasının Siyasi Şurasının üzvü, millət vəkili Aydın Mirzəzadənin sözlərinə görə, ABŞ və Azərbaycan arasında münasibətlərin kəsilməsi mümkün deyil:

“Amma bəzi hallarda ABŞ-ın bir sıra dairələri tərəfindən Azərbaycana qarşı haqsızlıqlar edilir. Məsələn, Dağlıq Qarabağ separatçıları sərbəst şəkildə ABŞ-da tədbirlər keçirə bilir. Həmçinin Azərbaycanda insan hüquqları və demokratiya sahəsində görülən işlər nəzərə alınmır. Bir müddət əvvəl isə ABŞ konqresmeninin Azərbaycana qarşı qətnamə hazırlaması iki ölkə arasındakı münasibətlərə kölgə saldı”.

A.Mirzəzadə qeyd etdi ki, siyasi diskusiyalar formasında fikirlərin açıq şəkildə bildirilməsi Azərbaycanın hüququdur.

Millət vəkili Rasim Musabəyov isə bildirdi ki, bu qanun layihəsi heç bir komitədə müzakirə olunmayıb:

“Ümumiyyətlə, Milli Məclisə göndərilən layihələr ciddi müzakirələrdən və dəyişikliklərdən sonra qəbul edilir. Bu layihənin qəbul olunub-olunmaması ilə bağlı hər şey Smitin anti-Azərbaycan qətnaməsi layihəsinə yanaşmadan asılıdır”.

“Atlas” Araşdırmalar Mərkəzinin rəhbəri Elxan Şahinoğlunun sözlərinə görə, ABŞ-a qarşı sanksiyalar qəbul etmək Azərbaycanın xeyrinə addım olmazdı. O hesab edir ki, belə bir qərar ABŞ-Azərbaycan münasibətlərini kəskinləşdirə bilər.

"Bu qanun layihəsinin qəbul edilməsi ABŞ-la enerji və digər sahələrdəki əlaqələrə zərbə vura bilər. Konqesmen Smitin qətnamə layihəsi ilə çıxış etməsi o demək deyil ki, Azərbaycan ABŞ-ın əleyhinə qərarlar çıxarmalıdır. Kristofer Smitin qətnaməsinin müzakirəyə çıxarılmasına hələ 1 ay var. Həmin vaxta qədər müvafiq addımlar atmaq olar”.

Elxan Şahinoğlu bildirdi ki, prezident İlham Əliyevin imzalaması nəzərdə tutulan əfv fərmanı, həmçinin ABŞ-dakı səfirliyimizin konresmenlərlə əlaqələri daha da sıx qurması və digər əməkdaşlıqları gücləndirəcək addımlar Smitin qətnaməsinin qarşısını ala bilər.

Bir neçə gün əvvəl ABŞ-ın Helsinki Komissiyasının rәhbәri, konqresmen "Kristofer Smit Azərbaycana qarşı sanksiyalar layihəsi hazırlayıb. Layihədə insan haqlarının vəziyyəti ilә bağlı Azәrbaycandakı bəzi rəsmi şәxslәrә ABŞ vizasının verilmәsinin dayandırılması ilə bağlı təklif də var.

Millət vəkili Rövşən Rzayev hazırladığı layihədə isə Birləşmiş Ştatlarla ticarət, energetika, hərbi və təhlükəsizlik sahəsində əməkdaşlığa son qoyulması, İSAF çərçivəsində Əfqanıstandakı əməliyyatlarda iştirakın dayandırılması, Birləşmiş Ştatların hərbi və digər təyinatlı yüklərinin Azərbaycan üzərindən daşınması və bu məqsədlə yerli infrastrukturdan istifadə edilməsinin qadağan olunması, Birləşmiş Ştatların ATƏT-in Minsk Qrupunun həmsədrliyindən geri çağırılması ilə bağlı müvafiq prosedurlara başlanmasına çağırış edilir.

Rövşən Rzayev - millət vəkili
ABŞ-ın Azərbaycandakı səfirliyi də hazırlanan qanun layihəsinə münasibət bildirib.

“Biz qanun layihəsini hələ görməmişik. Lakin həmişə Azərbaycanla insan hüquqları məsələləri üzrə müzakirələrin aparılması imkanlarını alqışlamışıq. Heç bir ölkə mükəmməl deyil. İnsan haqları və demokratik prinsiplərin qorunmasının təmin olunması, təkmilləşdirilməsi sahələri davamlı dialoq və təhlilin aparılmasını tələb edir. Biz hər iki ölkənin faydası naminə bu məsələlərlə bağlı səmimi dialoqa açığıq”, - deyə səfirlikdən ANS PRESS-ə bildirildi.

ABŞ, demək olar ki, dünya iqtisadiyyatının çox hissəsinə nəzarət edir. Rusiya Krımı işğal etdiyi üçün ABŞ ona sanksiya tətbiq etdi. Hətta Rusiya kimi güclü dövlət belə ABŞ-a adekvat cavab verə bilmir.

Nəzərə almaq lazımdır ki, ABŞ ATƏT-in Minsk Qrupunun həmsədridir. Bu baxımda problemin həllinə böyük təsir edə bilən dövlətdir. ABŞ-la Azərbaycan arasındakı gərginliyin Qarabağ münaqişəsinin həllinə təsir edəcəyi real görünür.