“Son proseslər göstərdi ki, manatın məzənnəsi dünya bazarlarındakı neftin qiymətindən birbaşa asılıdır. Maliyyə Nazirliyinin pessimist ssenarisində olduğu kimi neftin dünya bazarlarındakı qiymətinin 40 dollar olması birmənalı şəkildə manata təzyiqi artırır və milli valyutanın dəyərsizləşməsinə gətirib çıxarır”.

Bunu Modern.az saytına iqtisadçı Vüqar Bayramov insanları narahat edən 3-cü devalvasiya təhlükəsini şərh edərkən deyib.

“Azərbaycanda “üzən məzənnə” rejimini tətbiq etmək mümkün deyil”

V.Bayramov bildirib ki, hökumət və Mərkəzi Bank tərəfindən lazımi tədbirlər görülməzsə, 3-cü devalvasiya qaçılmaz olacaq:

“21 dekabrda baş verən devalvasiya həddindən artıq böyük faizlə ifadə olundu. Ümumilikdə manatın məzənnəsi son bir ildə iki dəfə aşağı düşüb. Neftin qiymətinin aşağı həddə qalması 3-cü devalvasiyanı gündəmə gətirir. Neftin qiymətinin aşağı düşməsi fonunda son bir ildə ölkəyə daxil olan valyutanın həcmi də 3 dəfə azalıb.

“Üzən məzənnə” rejiminə keçməsinə baxmayaraq Mərkəzi Bank hər gün bazardadır. Mərkəzi Bankın bazarda olması və daim dollar təklif etməsi ondan xəbər verir ki, “üzən məzənnə” rejimini tam olaraq tətbiq etmək mümkün deyil. Bu isə dollara tələbin yüksəlməsilə bağlıdır”.

Xarici borclanma mütləqdir

Ekspert deyib ki, çıxış yollarından biri xarici borclanmaya gedilməsidir:

“Növbəti devalvasiyadan qaçmaq üçün təklif edirik ki, hökumət xarici borclanmaya getsin. Nəzərə alaq ki, hazırda Azərbaycanın xarici borcu 6,7 milyard dollardır. Bu, Ümumi Daxili Məhsulun (ÜDM) 19 faizini təşkil edir. Ölkənin əlavə olaraq 10 milyard dollara yaxın borc cəlb etmək limiti var. Paralel olaraq islahatların sürətlənməsi, qeyri-neft sektorunun ixrac potensialının artırılması vacibdir.

Mərkəzi Bankın valyuta ehtiyatlarının 3 milyarda düşdüyünü nəzərə alsaq, xarici borclanmaya gedilmədiyi halda 3-cü devalvasiya baş verəcək. Devalvasiyanın hansı faizdə olacağını söyləmək isə çətindir. Çünki, devalvasiya faizini Mərkəzi Bank müəyyənləşdirir. Amma növbəti devalvasiya banklar və biznes üçün heç bir halda arzuolunan deyil. Bu, bank fəaliyyəti və biznes imkanlarını daraldacaq. Ona görə də Mərkəzi Bank və hökumət qeyd edilən variantlardan istifadə edərək, 3-cü devalvasiyanın qarşısını ala bilər”.

“Mərkəzi Bank devalvasiyadan daha çox manat qazanır”

V.Bayramov hesab edir ki, hökumət və Mərkəzi Bank manatın ucuzlaşmasında maraqlı deyil:

“Müstəqil iqtisadçı olaraq düşünmürəm ki, Mərkəzi Bank və ya hökumət devalvasiyada maraqlıdır. Çünki, devalvasiya bütünlükdə ölkə iqtisadiyyatına zərbə vurur.

Buna baxmayaraq, Mərkəzi Bank devalvasiya ilə az dollarla çox həcmdə manatı dövriyyədən çıxarır. Məsələn, 21 fevral devalvasiyasından sonra Mərkəzi Bank 1 milyon dollar müqabilində 1 milyon 50 min manat götürürdüsə, hazırda bazara 1 milyon dollar təklif edəndə 1milyon 600 mindən artıq manat çıxarır. Bu da təbii ki, Mərkəzi Banka dollarlaşma və daha çox manatın bazardan çıxarılması üçün əlverişlidir. Amma devalvasiya dollara tələbi artırır və Mərkəzi Bankın valyuta ehtiyatlarının azalmasına gətirib çıxarır. Nəzərə alsaq ki, Dövlət Neft Fondunun gəlirləri dollar, ödənişləri manatladır, devalvasiya fonda qənaət edilməsinə imkan yaradır. Bütün hallarda devalvasiya arzuolunan deyil, amma valyuta azaldıqca devalvasiya qaçılmaz hal alır”.

Türkiyənin on illərdir başına bəla olan kürdlərin PKK terror təşkilatı bu gün də öz iyrənc əməllərindən çəkinmir. Terror təşkilatının Türkiyənin parçalanmasına yönələn bu addımlarının arxasında kənar qüvvələrinin rolunun olduğu danılmazdır. Heç kəsə sirr deyil ki, məhz həmin qüvvələrin siyasi və hərbi dəstəyindən yararlanan PKK Türkiyənin bölünməsi istiqamətində hər gün müxtəlif iryənc üsullara əl atır. Modern.az saytının Türkiyə mediasına istinadən verdiyi xəbərə görə, PKK-ya dəstək verən ölkələr bunlardır.

Rusiya

Rusiyadan PKK-ya yeni il hədiyyəsi olaraq Sam mərmiləri, RPG raketləri, 60 millimetrlik hava topu və buna aid sursat, uzaqdan partladılan minalar, gecəgörən durbinlər və “Kalaşnikov” avtomatları göndərilib.
Terror təşkilatının “Kalaşnikov” silahı ilə təminatının 70 faizini Rusiya reallaşdırır. Bu ölkə PKK-nı mina ilə təmin etməkdə ikinci sıradadır. Raketlərdə də vəziyyət dəyişmir. PKK-nın xəstəxanalara belə, atmaqdan çəkinmədiyi raketlərin mənşəyi araşdırıldığında ünvan yenə Rusiya çıxır. Təsbitlərə görə, PKK-nın istifadə etdiyi raketlərin 65 faizi Rusiyaya aiddir.
Tapança və əl qumbaralarının bir çoxunda da Rusiya imzası var.

İngiltərə

Krallığın hərbi hava qüvvələrinə aid yük təyyarələri vasitəsilə raketatanlar PKK-ya təslim edilir. Türk ordusunun ələ keçirdiyi digər bəzi silahların İngiltərə istehsalı olduğu da təsbit edilib.

Almaniya

Almaniya kod nömrələrini ordu inventarının xaricində tutaraq PKK-ya mərmi göndərir. İtaliyanı minalar mövzusunda izləyən digər ölkə isə Almaniyadır. Almaniya ayrıca PKK terrorçularına siyasi təhsilin verildiyi bir ölkədir.

ABŞ

Silahların ardıcıl nömrələrini silən ABŞ PKK-ya hər cür silah ötürür. Ələ keçirilən digər silahların ABŞ istehsalı olduğu təsbit edilib. ABŞ-ın PKK-ya birbaşqa dəstəyi isə əl qumbaraları ilə bağlıdır.

İtaliya

İtaliya da ABŞ kimi silahların ardıcıl nömrələrini silərək PKK-ya verir. Son on ildə Türkiyə təhlükəsizlik güclərinin PKK-ya qarşı keçirdiyi əməliyyatlarda ələ keçirilən minaların 60 faizi İtaliyaya aid olub. Tapançalarda da İtaliya imzası var. İtaliya həm də PKK terrorçularına siyasi təhsilin verildiyi bir ölkədir.

Çin

Çin də ABŞ və İtaliya kimi silahların ardıcıl nömrələrini silərək, PKK-ya verir. Rusiyadan sonra “Kalaşnikov” avtomatının təminatında ikinci sıradadır.

İspaniya

PKK-nı ardıcıl nömrələri silinən silah və tapança ilə təmin edir. Bu ölkədə PKK terrorçularına siyasi təhsilin verilməsi faktı da var.

İsrail

PKK-nı ardıcıl nömrələri silinən silah və tapança ilə təmin edir.

Suriya

PKK terrorçularının düşərgələrinin olduğu bu ölkədə terror təhsili üçün kəşfiyyat materialları verilir.

İraq

PKK terrorçularına terror təhsili üçün kəşfiyyat materialları verilir.

Ermənistan

PKK terrorçularına terror təhsili üçün kəşfiyyat materialları çatdırılır.

Hollandiya

PKK terrorçularına siyasi və hərbi təhsil verilir.

Belçika

PKK terrorçularına siyasi və hərbi təhsil verilir.

İsveçrə

Terrorçulara siyasi və hərbi təhsil verilir.

Yunanıstan

Terrorçulara siyasi və hərbi təhsil verilir.

Fransa

Terrorçulara siyasi və hərbi təhsil verilir.

Danimarka

Terrorçulara siyasi və hərbi təhsil verilir.

Serbiya

Serblər ilə PKK arasında ciddi miqdarda Balkan coğrafiyası üçün narkotik ticarəti edilir. Serblərlə PKK arasında narkotik ortaqlığı da var.

Yemək prosesini telekameralar qeydə alıb.

Avstraliyanın Melburn şəhərində kriket üzrə matçda tamaşaçı tribunasında olan uşaq iştahası ilə özünə diqqət çəkib, Daily Mail məlumat yayıb.

"Dalğa TV" lenta.ru-ya istinadən xəbər verir ki, Tonni Şibeçinin oğlu Mitç yalnız oyundan deyil, eləcə də böyük bir qarpızdan həzz alıb.

O, matçı izləyən zaman demək olar ki, qarpızı qabığı da daxil olmaqla tam olaraq yeyib. Həmin prosesi telekameralar qeydə alıb.

Bir sıra telekanallar uşağı öz proqramlarında iştirak etmək üçün dəvət ediblər.

Türkiyədə həftənin cümə günləri namaz vaxtı iş olmayacaq.

"Dalğa TV"nin xəbərinə görə, bunu baş nazir Əhməd Davudoğlu Ədalət və İnkişaf Partiyasının (AKP) parlament qrupunun toplantısında çıxış edərkən deyib.

"Cümə günləri iş saatının ibadət azadlığımıza təsir etməyəcək şəkildə yenidən tərtib olunması üçün qərar layihəsi hazırladıq. Amma iş vaxtında hər hansı azalma olmayacaq. Allah xeyirli və mübarək eləsin, Cümə namazlarında edilən duaları da qəbul etsin", - deyə Ə. Davudoğlu söyləyib.

Estoniyanın 62 yaşlı prezidenti Toomas Hendrik İlves və onun 38 yaşlı nişanlısı, Latviya Müdafiə Nazirliyinin əməkdaşı İeva Kuptsenin toyu olub.

İlves ilə Kuptse Estoniyanın Latviya sərhəddinə yaxın Viljandima bölgəsində yerləşən kilsədə nikaha giriblər. Mediaya qapalı olan toyda cütlüyün yalnız yaxın adamları iştirak edib.

Cütlüyün 2000-ci ilin əvvəllərində Avropa Parlamentində tanış olduqları qeyd edilir. Daha əvvəl 2 dəfə evlənən prezident İlves 11 illik həyat yoldaşı Evelin İlvesdən keçən ilin aprel ayında boşanıb.