Xəsarət alanlar arasında polislər də var.

Türkiyənin "Haber7" qəzetinin məlumatına görə, partlayışa səbəb terror aktıdır.

Məlumata görə, terrorçu-intiharçı xarici turistlərin yanında özünü partladıb.

İlkin məlumata əsasən, partlayış nəticəsində ölənlərdən 9 nəfəri alman turistidir.

ABŞ prezidentliyinə namizəd Donald Trampın Cənubi Karolina ştatının Rok-Hill şəhərində təşkil olunan seçkiqabağı mitinqindən hicablı qadın qovulub.

"Dalğa TV" "CBS News" telekanalına istinadən verdiyi xəbərə görə, Donald Trampın çıxışı zamanı üzərində "Mən sülhlə gəlmişəm" yazısı olan geyimli 56 yaşlı hicablı qadın Trampın suriyalı qaçqınlar barəsində səsləndirdiyi ifadələrə etiraz əlaməti olaraq yerindən qəfil qalxaraq səssiz etiraz edib.

Qadının heç bir söz demədiyi qeyd olunur.

Mitinq iştirakçıları fitə basılan qadın ərazidən polis tərəfindən uzaqlaşdırılıb.

Mikaelyan adına İrəvan Cərrahiyyə İnstitutunda H1N1 ("donuz qripi") virusundan daha bir nəfər ölüb.

"Dalğa TV"nin "news.am"-a istinadən verdiyi məlumata görə, Səhiyyə Nazirliyinin mətbuat xidmətinin rəhbəri Anait Aytyan bildirib ki, ölən kişi Rusiyadan gəlib. Uzun müddət xəstəlikdən əziyyət çəksə də, həkimə müraciət etməyib.

Həmin şəxs Gümrü şəhərində xəstəxanaya yerləşdirilib, sonra isə İrəvana aparılıb.

Həkimlərin səyi nəticə verməyib və o, yanvarın 10-a keçən gecə ölüb.

Mətbuat xidmətinin rəhbəri onu da bildirib ki, bu, "donuz qripi"ndən beşinci ölüm faktıdır.

Türkiyə Avropa İttifaqı ilə imzaladığı viza sadələşdirilməsi və readmissiya sazişi çərçivəsində 2016-cı ilin iyun ayından etibarən Aİ üzvü olmayan 89 ölkəyə viza rejimi tətbiq etməyə başlayacaq.

"Dalğa TV"nin "ensonhaber.com" saytına istinadən verdiyi məlumata görə, həmin ölkələrin sırasına Azərbaycan da daxildir.

Əsas məqsəd Suriya, Əfqanıstan kimi ölkələrdən Avropaya miqrant axınını əngəlləməkdir. Türkiyə öz vətəndaşları üçün viza sərbəstliyinə nail olmağın əvəzində bu sahədə üçüncü ölkələrə yönəlmiş siyasətini Aİ normaları ilə uyğunlaşdırmaq barədə öhdəlik götürüb. Bu səbəblə, Aİ-nin viza rejimi tətbiq etdiyi bütün ölkələrə Türkiyə də viza tətbiq etməlidir.

2016-cı ildə.

Britaniyanın nüfuzlu The Guardian nəşri Gürcüstanı 2016-cı ildə səfər etmək üçün on ölkənin siyahısına daxil edib.

"Dalğa TV" "Novosti-Gruziya"ya istinadən xəbər verir ki, məşhur həftəlik jurnal top-siyahını hazırlayarkən, 2016-cı ildə yubileyləri, əlamətdar günləri qeyd etmək və sadəcə istirahət etmək üçün yeni istiqamətlər müəyyən edib.

"SSRİ-nin süqutundan 25 il sonra Gürcüstan dağlara və göllərə səfər üçün çox şey vəd edən ölkəyə çevrilib", - The Guardian-da yazılıb.

Gürcüstan turistləri ucuz aviareyslər, yeni beş, dörd və üç ulduzlu otellər, şərabların dadına baxılması mümkün olan abadlaşdırılmış restoran və barları, eləcə də mədəni əyləncələri ilə cəlb edir.

The Guardian-ın siyahısına Avstraliyadakı Böyük Sədd Rifi, eləcə də müxtəlif ölkə və şəhərlər daxil edilib: Bordo, Dublin, Rio-De-Janeyro, Hindistan, İran, Yaponiya, Lima, Kosta-Rika, Şri-Lanka, Bosniya və d.

Türkiyə prezidenti Rəcəb Tayyib Ərdoğan Səudiyyə Ərəbistanı və İran arasında baş verən edam qalmaqalına münasibət bildirib.

ANS PRESS-in məlumatına görə, Ərdoğan şiə din xadimi Nimr əl-Nimrin edam edilməsini Səudiyyə Ərəbistanının daxili işi adlandırıb.

“İraq və İran da Səudiyyə Ərəbistanı səfirliklərinə niyə raket atılmalıdır? Bu təxribatın arxasında regional güc olmaq təlaşı var. Edam olunan 46 nəfərdən 43-ü sünnidir. 3 nəfər isə şiədir. Misirdə minlərlə insan edam edilir. Dünya bunları niyə müzakirə etmir? İslam dünyasında belə qarışıqlıq yaradanlar 400 min insanın qətlə yetirilməsinə hər cür dəstəyi verir. Siz özünüzü xilas edə bilməyəcəksiz”, - deyə Ərdoğan bildirib.

Prezident bildirib ki, Suriyada vətəndaş müharibəsində faciəyə susanlar, indi Səudiyyə Ərəbistanında bir insanın edamı ətrafında səs-küy qaldırırlar.

Bu iki ölkə arasında münasibətlər Səudiyyə Ərəbistanında şiə təriqətindən olan alim Nimr əl-Nimr də daxil olmaqla "terrorçuluq və ona təhrikçilikdə" ittiham olunan 47 nəfərin edam edilməsindən sonra gərginləşib.

Rəcəb Tayyib Ərdoğanın çıxışı

İranda etirazçılar Səudiyyə Ərəbistanının Tehrandakı səfirliyinə hücum edərək binada yanğın törədiblər, həmçinin səfirliyin daxili müəssisəsini dağıdıblar. Hücumdan sonra polis 40 nəfəri saxlayıb.

Yanvarın 3-də gecə saatlarında Səudiyyə Ərəbistanı İranla diplomatik əlaqələrin kəsildiyini bəyan edib. İranda etirazçılar Səudiyyə Ərəbistanının Tehrandakı səfirliyinə hücum edərək binada yanğın törədiblər, həmçinin səfirliyin daxili müəssisəsini dağıdıblar.

Yanvarın 3-də gecə saatlarında Səudiyyə Ərəbistanı İranla diplomatik əlaqələrin kəsildiyini bəyan edib. Səudiyyə hökuməti iranlı diplomatlara ölkəni tərk etmək üçün 48 saat vaxt vermişdi.

İranda Səudiyyə Ərəbistanı səfirliyinə hücum

Səudiyyə Ərəbistanı, Bəhreyn və Sudan İranla diplomatik əlaqələri kəsib, Birləşmiş Ərəb Əmirlikləri və Küveyt Tehrandakı səfirlərini geri çağırıblar.

Malayziya və ABŞ regionda baş verənlərdən narahat olduğunu ifadə edib. Rusiya və İraq isə ölkələr arasında dialoqun yaradılmasında köməklik edib. Ruhani qeyd edib ki, Səudiyyə Ərəbistanı diplomatik əlaqələri kəsməklə " törətdiyi cinayəti" gizlədə bilməyəcək.

Türkiyə Rusiya qırıcısını vurduğu vaxt İran açıq şəkildə rəsmi Moskvanı müdafiə edib. Bundan sonra İran və Türkiyə arasında münasibətlərdə soyuqluq hiss edilir. Həmin vaxt İran Türkiyəyə siyasi təsirlərlə bərabər iqtisadi təzyiqlərdə göstərmişdi. Qırıcı qalmaqalından sonra İran Türkiyəyə ixrac etdiyi qazın təziqini azaltmaqla rəsmi Ankaranı pis vəziyyətdə qoyumuşdu. Yəqin ki, Rəcəb Tayyib Ərdoğan bu açıqlaması ilə İranın həmin vaxt tutduğu mövqeyə cavab verir.