Dövlət Sərhəd Xidmətinin (DSX) hərbi qulluqçuları tərəfindən külli miqdarda qaçaqmalın dövlət sərhədindən keçirilməsinin qarşısı alınıb.

DSX-nin mətbuat mərkəzindən  bildirilib ki, Qazax rayonunun Babakər yüksəkliyi istiqamətində yerləşən sərhəd zastavasının xidməti sahəsindən Gürcüstandan Azərbaycana qaçaqmalın keçirilməsi barədə daxil olmuş məlumat əsasında ehtimal olunan ərazidə axtarış tədbirləri həyata keçirilib. Dövlət sərhəd xəttinin yaxınlığında dövlət nömrə nişanı 35 BH 057 olan "KamAZ"; markalı nəqliyyat vasitəsinə 5-6 nəfər tərəfindən iri buynuzlu mal-qaranın və müxtəlif ölçülü bağlamaların yüklənməsi aşkarlanıb.

Axtarış qrupu tərəfindən yaxalanarkən havanın qaranlıq və dumanlı olmasından istifadə edən sərhəd pozucuları qaçaqmalı hadisə yerində qoyaraq Gürcüstan istiqamətində geri qaçmağa müvəffəq olublar. Avtomobilin sürücüsü sərhədçilərin havaya xəbərdarlıq atəşinə məhəl qoymayıb, avtomobili yüksək sürətlə hərbi qulluqçuların üzərinə sürərək onların həyat və sağlamlığı üçün ciddi təhlükə yaradaraq, hadisə yerindən uzaqlaşmağa çalışıb.

Sərhədçilər tərəfindən məlumatlandırılmış DYP əməkdaşlarının saxlama tələbinə tabe olmayan nəqliyyat vasitəsinin sürücüsü qurulmuş maneəni vurub keçib, avtomobilin yük yerindəki qaçaqmalı yerə salaraq onu təqib edənlər üçün maneə yaratmaqla qaçmağa cəhd göstərib.

Həyata keçirilmiş tədbirlər nəticəsində "KamAZ" markalı nəqliyyat vasitəsi Ağstafa rayonunun Poylu kəndi ərazisində saxlanılıb. Avtomobilin sürücüsünün Qazax rayonu Daş Salahlı kənd sakini, 1980-ci il təvəllüdlü Süleymanov Samir Siyavuş oğlu olduğu müəyyənləşib. Əməliyyat-axtarış tədbirləri nəticəsində 6 baş at, 30 baş buzov və 12 bağlamada 90 adda 44 374 ədəd müxtəlif dərman preparatlarından ibarət qaçaqmal aşkarlanıb.

Türkiyə və Səudiyyə Ərəbistanı Silahlı Qüvvələrinin Suriyaya hücumu istisna edilmir.

AzNews.az-ın ans press-ə istinadən məlumatına görə, bu sözləri Suriya prezidenti Bəşər Əsəd "Frans Press" agentliyinə müsahibəsində deyib.

O, ölkəsinin tamamilə azad olunana qədər terrorçularla mübarizəni davam etdirəcəyini bəyan edib. "Əgər Suriya belə bir hücumla qarşılarşarsa, ölkəsinin hərbi hava qüvvələri tam gücü ilə müqavimət göstərəcək. Bizim əsas məqsədimiz Hələb şəhəri Türkiyə arasında olan nəqliyyat yoluna nəzarəti bərpa etməkdir", - deyə Əsəd bildirib.

Bəşər Əsəd onu da əlavə edib ki, Suriya müharibəsi üzrə sülh danışıqlar davam edərkən də hücumlar davam etdiriləcək.

Suriyada 2011-ci ildən silahlı münaqişə davam etməkdədir. Birləşmiş Millətlər Təşkilatının verdiyi açıqlamalara görə, indiyənə qədər münaqişə zəminində 220 mindən çox insan həlak olub. Türkiyə prezidenti Rəcəb Tayyib Ərdoğan isə bəyan edib ki, Bəşər Əsədin əli 400 min insanın qanına batıb.

İŞİD əsasən İraq və Suriya ərazisində fəaliyyət göstərən silahlı paramilitar terror qruplaşmasıdır. 3 yanvar 2014-cü il tarixində müstəqilliyini, 29 iyun 2014-cü il tarixində isə yeni xilafət yarandığını elan etmiş terror təşkilatıdır.

Dağıntı altında qalanların olduğu bildirilir.

Türkiyənin İstanbul şəhərinin İstiqlal caddesindəki Kurabiyə küçəsində 5 mərtəbəli iki bina naməlum səbəblərdən uçub.

"Dalğa TV" Türkiyə mətbuatına istinadən xəbər verir ki, hadisə yerinə çoxlu sayda təcili yardım və xilasedici maşınları gəlib.

Dağıntılar altında qalanların olduğu bildirilir.

Şahidlərin sözlərinə görə, həmin iki bina bir müddət əvvəl boşaldılsa da, onların altındakı mağazalar hələ də işləyirmiş.

Fevralın 11-də Tiflisdəki İran İslam Respublikasının səfirliyinin təşkilatçılığı ilə ölkənin milli bayramı-İran İslam İnqilabının 37-ci ildönümü qeyd olunub.

"Dalğa TV"nin məlumatına görə, tədbiri İranın Gürcüstandakı səfiri Abbas Talebifar açaraq İslam İnqilabının tarixindən söhbət açaraq, qeyd edib ki, İran həmişə Gürcüstanın dostu olub və onun ərazi bütövlüyünü tanıyıb, indən belə də onun yanında olacaq.

Sonra Gürcüstan xarici işlər nazirinin müavini David Çalaqaniya şıxış edərək İran İslam İnqilabının 37-ci ildönümü münasibətilə ürək sözlərini və təbrikini söyləyib.

Bayram tədbirində Gürcüstan parlamentinin sədri David Usupaşvili, digər nazirlər, diplomatik korpus nümayəndələri, Kvemo Kartli bölgə qubernatoru, gürcü və müsəlman din xadimləri, müxtəlif QHT rəhbərləri, jurnalistlər iştirak ediblər.

Sonda bayram süfrəsi açılıb.

Baş verənlərin səbəbi aydınlaşdırılır.

ABŞ Silahlı Qüvvələrinin general-mayoru Ceyms Martin mətbuat konfransında huşunu itirib.

"Dalğa TV" xəbər verir ki, video CNN-in YouTube-dakı rəsmi akkauntunda yerləşdirilib.

Qeyd edildiyi kimi, general ən yeni "F-35" qırıcılarının istehsalı proqramının maliyyələşməsi barədə danışarkən özündən gedib.

Hazırda baş verənlərin səbəbi aydınlaşdırılır.

"Mən heç kimdən və heç nədən qorxmuram".

Odessa vilayətinin qubernatoru Mixail Saakaşvili ölkənin Təhlükəsizlik Xidmətinin rəhbəri Vasili Qritsaka mühafizədən imtina etdiyini bildirən məktub ünvanlayıb.

"Dalğa TV"nin məlumatına görə, bu barədə o öz Facebook səhifəsində yazıb.

Onun təhlükəsizliyini "Alfa" xüsusi dəstəsinin əməkdaşları təmin edirdilər.

"Mən heç kimdən və heç nədən qorxmuram və bundan sonra Odessada və bütün ölkə ərazisində mühafizəçilər olmadan hərəkət edəcəyəm", - Saakaşvili yazıb.