Azyaşlının ölümünün ilkin səbəbləri məlum oldu.

LifeNews Moskvada dörd yaşlı uşağın ölümünün ilkin səbəblərin öyrənib.

Telekanalın məlumatına görə, ilkin ekspertizanın nəticəsinə əsasən, dayə azyaşlı qızın başını kəsməzdən əvvəl onu boğaraq öldürüb.

"Uşaq, çox güman ki, yatdığı zaman öldürülüb. Müəyyən olunub ki, onun başı qətlə yetirildikdən sonra mətbəx bıçağı ilə kəsilib", - telekanalın istintaq orqanlarındakı mənbəsi bildirib.

Mütəxəsisslər qeyd ediblər ki, ölümün dəqiq səbəbləri məhkəmə-tibbi ekspertizasının rəyindən sonra məlum olacaq.

17:51

Moskvada uşağın başını kəsmiş dayənin kimliyi müəyyən edilib.

"Dalğa TV" "Moskovski komsomolets"ə istinadən xəbər verir ki, bu əslən Özbəkistanın Səmərqənd vilayətindən olan 38 yaşlı Gülçöhrə Bobokulovadır.

Gülçöhrə Bobokulovanın Rusiyada qanunsuz işlədiyi bildirilir.

Qeyd edək ki, Bobokulova 4 yaşlı qızı öldürdükdən sonra onun başını kəsib və "Narodnoye Opolçeniye" küçəsində yerləşən mənzili yandırıb. Daha sonra əlində uşağın kəsilmiş başı ilə "Oktyabrskoe pole" metrostansiyasına gedərək ətrafdakıları özünü partladacağı ilə hədələyib. Bobokulovanı polis əməkdaşları saxlayıb.

14:29

Moskvada mənzildə yanğından sonra başsız bədəni tapılan uşağın qətlində şübhəli bilinən qadın metrostansiya yaxınlığında saxlanılıb.

"Dalğa TV" Lenta.ru-ya istinadən xəbər verir ki, bu barədə Rusiya İstintaq Komitəsinin Moskva üzrə rəsmi nümayandəsi Yuliya İvanova bildirib.

"Moskvanın "Oktyabrskoye pole" metrostansiyası yaxınlığında uşağı qətlə yetirməkdə şübhəli bilinən dayəsi saxlanılıb", - İvanova bildirib.

Uşağın kəsilmiş başı əlində olan hicablı qadın ətrafdakıları özünü partlatlmaqla hədələyib.

Yanğın fevral ayının 29-da Narodnoe Opolçenie küçəsində yerləşən hündürmərtəbəli binada səhər saatlarında baş verib. Yanğınsöndürənlər alovu dəf ediblər. Dörd nəfər xilas edilib. Hadisə yerində tapılmış başı kəsilmiş uşağın 3-4 yaşı olub.

İlkin məlumata görə, uşaq öldürülüb, mənzil isə bilərəkdən yandırılıb. İstintaq Komitəsi baş verənlərə dair araşdırmaya başlayıb.

"Sərhədi açın!".

Yüzlərlə miqrant Avropaya düşmək üçün Yunanıstan və Makedoniya sərhədinə hücum ediblər.

"Dalğa TV" Reuters-ə istinadən xəbər verir ki, sərhədi keçməyə cəhd göstərənlərin əksəriyyəti İraq və Suriyadan olan qaçqınlar olub.

Aralarında qadın və uşaqların da olduğu kütlə "Sərhədi açın!" şüarını səsləndiriblər.

Makedoniya polisi miqrantalrın qarşısını almaq üçün gözyaşardıcı qazdan istifadə edib.

Qazaxıstanda kuryoz hadisə baş verib.

"Dalğa TV" yerli KİV-lərə istinadən xəbər verir ki, Atıray şəhərində yol polisi müfəttişləri tərəfindən saxlanılan brakonyer onlardan intiqam almaq qərarına gəlib. Böyük miqdarda balıqla birlikdə tutulan brakonyer polis tərəfindən döyüldüyü barədə şikayət etsə, 210 kq balıq brakonyerliyinin unudulacağını düşünüb.

Müfəttişlər tərəfindən döyülmədiyini görən şəxs cəsarətini toplayaraq özü-özünü döyməyə başlayıb. Bu zaman, saxlanılan şəxs maşında videoregistrator olduğuna əhəmiyyət verməyib.

Lakin, heç nəyə baxmayaraq, 36 yaşlı Qazaxıstan sakini yerli ulduza çevrilməyi bacarıb

Ümumrusiya İctimai Fikrin Öyrənilməsi Mərkəzi Türkiyəyə qarşı tətbiq edilən sanksiyalarla bağlı vətəndaşlar arasında sosial sorğu keçirib.

"Dalğa TV" Rusiya KİV-nə istinadən xəbər verir ki, rəyi soruşulanların 63%-i sanksiyaların saxlanmasına tərəf çıxıblar. incə, Ankara bu sanksiyalardan daha çox əziyyət çəkib.
21% respondent sanksiyaların ləğvini, 11%-i isə Türkiyə ilə münasibətlərin dərhal bərpasını istəyib.

Rəyi soruşulanların 78%-i isə Türkiyənin Su-24 təyyarəsini vurmasına görə rəsmən üzr istəməyincə əlaqələrin bərpa olunmasına qarşı çıxıb.

Sorğu Rusiyanın 46 regionundakı 130 yaşayış məntəqəsində 1600 nəfər arasında keçirilib.

Fevralın 25-də Almaniyanın Köln şəhərində Xocalı soyqırımının 24-cü ildönümünə həsr olunmuş "Soyqırım cinayəti, reallıqlar və faktlar" mövzusunda konfrans keçirilib.

AzNews.az xəbər verir ki, konfrans Avropa Türk İslam Birliyinin salonunda baş tutub.

Tədbir soyqırımı qurbanlarının xatirəsinin bir dəqiqəlik sükutla yad edilməsi ilə başlayıb.

Daha sonra tədbiri açan Alman Azərbaycan Mədəniyyət Evinin icraçı direktoru Rəşad Quliyev Xocalı soyqırımı cinayətlərindən danışıb.

O bildirib ki, Xocalı soyqırımının dünyada tanıdılması istiqamətində effektiv işlər görülməlidir.

“Düşünürəm ki, bu dəhşətli cinayətin dünyaya tanıdılması baxımından çox böyüklər işlər görülür. Parlament Jurnalistlər Birliyinin sədri, Modern.az saytının baş direktoru Elşad Eyvazlının ssenari və ideya müəllifliyi əsasında çəkilən `Böyüməyən uşaqlar" filmi və eyni adlı kitab bu faciənin şahidlərin öz dili dünyaya çatdırılması baxımından görülmüş vacib işlərdən biridir. Ona görə də biz filmi dublyaj edərək daha 5 ölkədə təqdimatını, yayımını həyata keçirəcəyik”.

R.Quliyev onu da vurğulayıb ki, Xocalı cinayəti məhz Xocalı faciəsinin il dönümündə deyil, daima xatırlanmalı və təbliğ edilməlidir.

Aparılan müzakirə və çıxışlardan sonra film nümayiş etdirilib.

Filmin nümayişindən sonra çıxış edən Alman Türk Yazarlar Birliyinin sədri Orhan Aras bu cinayətə beynəlxalq aləmdə hüquqi statusun verilməsi məsələsindən danışıb.

“Film gerçəkdən də hər kəs kimi mənə də çox təsir etdi. Hər birimiz bu qanın yerdə qalmaması üçün ciddi işlər görməliyik və beynəlxalq aləmdə bu cinayətə hüquqi statusun verilməsinə çalışmalıyıq. Düşünürəm ki, film Almaniyanın bütün şəhərlərində təqdim olunmalıdır”.

Sonda O.Aras bu işlərin daha yüksək səviyyədə təşkilinə nail olmaq üçün Alman Azərbaycan Mədəniyyət Evinə əməkdaşlıq da təklif edib.

Türkiyənin "Cümhuriyyət" qəzetinin baş redaktoru Can Dündar və qəzetin Ankara müxbiri Erdem Gül həbsdən azad ediliblər.

"Dalğa TV" Türkiyə mətbuatına istinadən verdiyi məlumata görə, ötən il noyabrın 26-da həbs olunan jurnalistlər dünən azadlığa buraxılıblar.

Qeyd edək ki, onlar silahlı terror təşkilatına üzv olmadan dəstək vermək və dövlət sirrini yaymaqda təqsirləndiriliblər. Jurnalistlər bu həbslə mətbuat azadlığının və onların şəxsi hüquqlarının pozulmasını əsas gətirərək, azadlığa buraxılmaları üçün ölkənin Konstitusiya Məhkəməsinə müraciət ediblər. Məhkəmə müraciətə baxıb və jurnalistlərin şikayəti təmin olunub.

Xatırladaq ki, jurnalistlər Türkiyədən Suriyaya silah daşıyan TIR-larla bağlı yaydıqları xəbərə və görüntülərə görə prokurorluğa dəvət olunublar. Onlar ifadə verdikdən məhkəmədə barələrində həbs qətimkan tədbirinin seçilib. Həmin vaxt prokurorluğun qərarı ilə bu mövzunun mediada işlənilməsinə rəsmən qadağa qoyulub.