Rusiya Hava Qüvvələrinə məxsus SU-34 təyyarəsinin Türkiyə hava məkanını pozub.

AzNews.az APA-ya istinadən xəbər verir ki, Məlumata görə, bu barədə Türkiyə XİN-nin məlumatında bildirlir. Məlumata görə, insidentlə əlaqədar Rusiyanın Türkiyədəki səfiri Türkiyə XİN-nə çağırılıb.

“Türkiyə hava məkanının pozulmasına görə ortaya çıxa biləcək arzuolunmaz hallara görə məsuliyyət tamamilə Rusiya üzərinə düşəcək”, deyə Türkiyə XİN-in məlumatında bildirilir.

Məlumatda qeyd olunur kİ, Türkiyə hava məkanını pozan Rusiya təyyarəsinin heyətinə rus və ingilis dilində dəfələrlə xəbərdarlıq edilib.

Azərbaycan pasportu dünyanın ən güclü pasportları reytinqində 57-ci sırada göstərilib.

"Dalğa TV"nin "podrobno.uz" saytına istinadən verdiyi xəbərə görə, ABŞ konsaltinq firması "Arton Capital" Beynəlxalq Hava Nəqliyyatı Agentliyi və digər mənbələrin əsasında dünyanın ən güclü pasportlarının reytinq cədvəlini hazırlayıb. Pasportun gücünü müəyyənləşdirən əsas amil onun sahibinin neçə ölkəyə vizasız səyahət edə bilməsidir.

Reytinq cədvəlinə ABŞ və Böyük Britaniyanın pasportları liderlik edirlər. Bu dövlətlərin vətəndaşları dünyanın 147 ölkəsinə vizasız səfər edə bilərlər. İkinci yeri Fransa, Cənubi Koreya və Almaniya bölüşdürürlər. Bu ölkələrin sakinləri 145 ölkəyə vizasız gedə bilərlər.

Postsovet məkanı ölkələrindən Özbəkistan reytinqdə 64-cü, Rusiya 36-cı, Belarus 52-ci, Türkmənistan isə 70-ci sırada qərarlaşıb.

Səudiyyə Ərəbistanı Gürcüstan istehsalı olan zirehli maşınlar alacaq.

"Dalğa TV"nin Gürcüstanın "Kvira" nəşrinə istinadən verdiyi məlumata görə, artıq Gürcüstanla Səudiyyə Ərəbistanı arasında müvafiq saziş imzalanıb.

Sazişə əsasən, Gürcüstanın "Delta" hərbi elmi-texniki mərkəzi Ər-Riyada onlarla müasir zirehli tibbi-təxliyyə avtomobili göndərəcək. Bunun qarşılığında Səudiyyə Ərəbistanı Gürcüstana 60 milyon dollar ödəyəcək.

Qeyd edək ki, Səudiyyə Ərəbistanı Müdafiə Nazirliyinin elan etdiyi tenderdə Gürcüstan istehsalı olan zirehli maşın məşhur "Oshkosh", "Streit Group", AIG, "Steyr" və "Lenco bearcat" kimi şirkətlərin zirehli avtomobilləri ilə rəqabət aparıb. Gələcəkdə Gürcüstanın Səudiyyə Ərəbistanına yüzlərlə belə zirehli maşın göndərəcəyi bildirilir.

Gürcüstanda larinin dəyər itirməsi Azərbaycan manatının devalvasiyası ilə bağlı deyil.

ANS PRESS-in məlumatına görə, bunu Gürcüstan milli bankının sabiq prezidenti Roman Qotsiridze deyib. “Rustavi-2” telekanalına müsahibə verən Qotsiridze Gürcüstan hökümətinin milli valyutanın dəyər itirməsinin səbəbini Azərbaycanda baş verən prosesslərlə əlaqələndirilməsini yalnış mövqe hesab edib. Onun fikirincə, larinin ucuzlaşması manatın devalvasiyası ilə heç cür bağlı deyil, Azərbaycanda neftin ucuzlaşması isə Gürcüstana mənfidən çox müsbət təsir göstərir.

«Milli valyutanın ucuzlaşmasını manatın devalvasiyası ilə bağlayan ekspertlər, buna səbəb kimi son 20 gündə Gürcüstandan Azərbaycana müvafiq miqdarda məhsulların idxal olunmamasını gətirirlər. Amma bu mümkün deyil. Biz Azərbaycana əsasən 3 növ mal ixrac edirik – avtomobil, mal-qara və dərman. Ayın sonunda statistika açıqlanacaq və siz görəcəksiniz ki, ixracatın artması və ya azalması o gədər cüzidir ki, bu məbləğ heç milli bankın satdığı 20 milyon ABŞ dollarına bərabər olmayacaq” – deyə Roman Qotsiridze bildirib. 20 milyon dolları milli bank bir neçə gün əvvəl larinin məzənnəsinin düşməsinin qarşısını almaq üçün hərracda yerli banklara satıb.

Roman Qotsiridze - Gürcüstan milli bankının sabiq prezidenti

Gürcüstan Milli bankının sabiq prezidenti hesab edir ki, ixracatın azalması fonunda Azərbaycandan Gürcüstana ucuz neft və neft məhsulları gətirilir ki, bu da ölkənin ticari balansında müsbət dəyişikliklərə səbəb ola bilər.

“Yeganə neqativ tendensiya kimi, Azərbaycandan qış vaxtı Gürcüstana, xüsusən də qonşu ölkənin istirahət üçün seçdiyi Bakurianiyə gələn turistlərin sayının azalmasın göstərmək olar”, - deyə ekspert qeyd edib.

Öz “Facebook” səhifəsində mövzunu davam etdirən Qotsiridze ölkədə neqativ proseslərin inşkişaf etməsinə səbəb kimi Gürcustan hökümətinin düzgün olmayan siyasətini və onun təqdim etdiyi şişirdilmiş büdcəni göstərib.

21 il əvvəl dövriyyə buraxılan Gürcüstanın milli valyutası lari dollara qarşı ucuzlaşaraq yanvarın 22-də tarixinin minimum həddinə düşüb. 1 ABŞ dolları 2,4694 lariyə bərabər olub.

Bundan əvvəl larinin dollara nisbətdə ən ucuz məzənnəsi 1999-cu ilin fevralın 23-də qeydə alınıb - 1 dollar - 2,45 lari. Lakin həmin ilin sonuna qədər larinin kursu möhkəmlənib və dollara qarşı 1,93 təşkil edib. Bundan sonra bir neçə il ərzində larinin məzənnəsi stabil olaraq 1,75-1,80 olaraq qalıb. Gürcüstanda devalvasiya ötən ilin payızında qeydə alınıb.

Baş nazirin müavini Kaxa Kaladze larinin zəifləməsini "bütün regionda baş verən proseslərlə", xususən Azərbaycanda manatın devalvasiyaya uğraması və neftin qiymətinin düşməsi ilə izah edib.

"Azərkosmos" ASC və Gürcüstanın "The Georgian Public Broadcasting" (GPB) şirkəti arasında "Adjara TV" kanalının kommersiya yayımına dair müqavilə imzalanıb.

"Dalğa TV" xəbər verir ki , Peyk operatorundan verilən məlumata görə, 2005-ci ildən etibarən rəsmi olaraq Gürcüstanın İctimai Televiziya və Radio yayımlarını həyata keçirən GPB şirkətinə 17 televiziya və 15 radio kanalı daxildir. Şirkətin tərkibində fəaliyyət göstərən televiziya kanalları vasitəsilə əsasən, ictimai-siyasi proqramlar, musiqi verilişləri, bədii, cizgi və sənədli filmlər nümayiş olunur. "Adjara TV" 2016-cı ildən etibarən 11095/H/27500 tezliyi ilə yayımlanır.

Peyk operatoru, həmçinin, Ukraynanın "Radio 24" və "Lux FM" radio kanalları ilə müqavilə imzalayıb. Müqaviləyə əsasən, musiqili və informativ proqramların səsləndiyi radio kanallar "Azerspace-1" peyki üzərindən 2016-cı ilin yanvar ayından etibarən 11016/171 tezliyi ilə yayımlanır.

Bu muzeyin inşasını bütün müsəlman dünyası gözləyir.

Erməni mənşəli, məşhur fransız memarı, Britaniya kral memarlıq institutunun üzvü Mişel Mossesyanın rəhbərlik etdiyi Mossessian Architecture memarlıq şirkəti Səudiyyə Ərəbistanının şəhəri Məkkədə müsəlman dininin əsas muzeyinin yaradılması üzrə dünya müsabiqəsində qalib gəlib, De Zeen məlumat yayıb.

"Dalğa TV" "Novosti Armenii"ya istinadən xəbər verir ki, Londonda yaşayan erməni memara mənsub şirkət Məkkədə “İman muzeyi”nin müəllifi olacaq.

Bu muzeyin inşasını bütün dünya gözləyir. Muzey Məkkədən 7 km uzaqlıqda tikiləcək və müsəlmanlığın yaranışını simvolizə edəcək.

“İman muzeyi” 5600 km ərazini əhatə edəcək. Muzeyin virtual məscidi, audio-video zalı, 3D nümayişləri və damında bağları olacaq.

Qeyd etmək lazımdır ki, əsas binanın daşları dünyanın bütün müsəlman ölkələrindən gətiriləcək.