Gürcüstan təsirli islahatlar həyata keçirir, demokratik institutları möhkəmləndirir, müdafiə strukturlarını modernləşdirir və korrupsiya ilə mübarizə aparır.

Dalga tv Xeber.ge-yəistinadla xəbər verir ki, bu barədə NATO-nun baş katibi Yens Stoltenberq Corc Vaşinqton universitetinin Elliot adına Beynəlxalq Əlaqalər Məktəbində çıxışı zamanı deyib.

Onun sözlərinə görə, bunların hamısı müəyyən mənada Gürcüstanın NATO-ya üzvlüyü istiqamətindəki səyləri ilə bağlıdır.

“Həmişə qeyd etmişəm ki, bu cür islahatların həyata keçirilməsi NATO ilə yaxınlaşma üçün əhəmiyyət kəsb edir, lakin bu məqsədə baxmayaraq, korrupsiyaya qarşı mübarizə aparılmalı və demokratik institutlar möhkəmləndirilməlidir”, - o qeyd edib.

Stoltenberqin sözlərinə görə, NATO-nun qapıları açıqdır və genişlənmə haqqında qərar müraciət edən ölkə və alyansın üzvləri tərəfindən qəbul edilməlidir və bu qərara heç kəsin müdaxilə etmək hüququ yoxdur.

ABŞ kəşfiyyatı İdlibə kimyəvi silah hücumuna hazırlığı müzakirə edən suriyalı hərbçilərin və kimyəvi silah mütəxəssislərinin telefon danışıqlarını ələ keçirib.

APA-nın məlumatına görə, bu barədə CNN Donald Tramp administrasiyasının yüksək vəzifəli məmuruna istinadən xəbər yayıb. Bildirilir ki, həmin danışıqların detallarına əsasən İdlibə olan hücumun bütün məsuliyyətinin Suriya prezidenti Bəşər Əsədin üzərinə düşməsinə heç bir şübhə qalmır.

Adının açıqlanmasını istəməyən məmur deyib ki, ABŞ Suriya, İraq kimi ölkələrdən hər gün böyük həcmdə kəşfiyyat məlumatları toplayır, lakin adətən bu informasiyalar hər hansı konkret hadisə baş vermədikdə emal olunmur. “Bu mövzuda danışıqlar İdlibə kimyəvi hücumdan əvvəl ələ keçirilib. Lakin bu işə görə kimin məsuliyyət daşıdığını aydınlaşdırmaq üçün insidentdən sonra bu materiallar nəzərdən keçirilib. Ələ keçirilmiş materiallara əsasən bütün məsuliyyətin Bəşər Əsədin üzərinə düşməsinə heç bir şübhə qalmır”, - deyə vəzifəli şəxs söyləyib.

Qeyd edək ki, Suriyanın İdlib vilayətinin cənubundakı Xan-Şeyhun yaşayış məntəqəsinə kimyəvi hücum aprelin 4-də baş verib. Hadisə nəticəsində 80-dən çox adam ölüb, 500-dən çox insan xəsarət alıb.

Kolumbiyada təbii fəlakət nəticəsində ölənlərin sayı 320 nəfərə çatıb.

Dalga tv Report-a istinadla xəbər verir ki, bu barədə çərşənbə axşamı Qəza Riskləri Milli İdarəsinin məlumatında bildirilir.

Bundan əvvəl ölənlərin 314 nəfər olduğu bildirilirdi. Qurbanlar arasında 118 uşaq var. Daha 332 nəfər yaralanıb. 269 meyit dəfn edilməsi üçün yaxınlarına təhvil verilib.

Aprelin 1-nə keçən gecə leysan yağışlar nəticəsində məcrasından çıxan Mokoa, Sanqoyako və Mulatos çayları Mokoa şəhərində sel axını yaradıb. Nəticədə şəhərə ciddi ziyan dəyib.

Hazırda şəhərin dağıntılardan və palçıqdan təmizlənməsi üzrə işlər davam etdirilir.

Gürcüstan Prezidenti Georgi Merqvelaşvili Pasxa bayramı münasibəti ilə 4-ü qadın olmaqla 91 məhkumu əfv edib.

Dalga tv “Report”a  istinadən xəbər verir ki, bunu Əvf Komissiyasının sədri Zviad Koridze bildirib.

Komissiya aprelin 4-dən 6-dək 579 məhkumun cinayət işini araşdırıb.

Xatırladaq ki, aprelin 16-da xristianlar Pasxa bayramını qeyd edəcəklər. 

Bu gün Dünya Kosmonavtika Günü qeyd olunur. 

Dalga tv xəbər verir ki, bu günün keçirilməsi 56 il əvvəl, 1961-ci il 12 aprel tarixində o vaxtkı SSRİ vətəndaşı Yuri Alekseyeviç Qaqarinin insanlıq tarixində ilk dəfə kosmosu fəth etməsi ilə bağlıdır. 

Qaqarin həmin gün “Baykonur” kosmodromundan “Vostok 1” kosmik gəmisində Moskva vaxtı ilə saat 9:07-də ayrılmışdır. 

108 dəqiqəlik uçuşdan sonra isə sağ-salamat geri dönür.

Yuri Qaqarinin uçuş zamanı kod adı Kedr, Yerdən onun uçuşunu koordinasiya edən SSRİ Kosmik Sənayesinin baş mühəndisi Sergey Korolyovun kod adı isə “Zarya 1” olmuşdur.

Sistemdə baş verən bir nasazlığa görə Qaqarin geriyə qayıdarkən əvvəlcədən təyin olunmuş yerə yox, Moskva vaxtı ilə saat 10:55-də Saratov vilayətinin kiçik bir kəndinin ətrafında eniş edir. Buna görə də onu nəzərdə tutulan kimi 10 minlərlə insan əvəzinə, həmin ərazidə yaşayan cəmi 2 nəfər qarşılayır. 

Məlumat üçün qeyd edək ki, o vaxt dövlətin rəsmi xəbər agentliyi olan TASS mümkün bütün variantları nəzərə alaraq uçuşun gedişatında oxumaq üçün 3 ayrı mətn hazırlamışdı. Bunlardan ilki sistemdə hər hansı bir qəza baş verərsə, yerə təcili eniş etmək üçün, ikincisi, kosmonavtın həyatını itirməsi halında oxumaq üçün və nəhayət, üçüncüsü isə Yuri Qaqarinin dünya tarixində ilk dəfə Yerin orbitini tam dövr etməsi uğurla başa çatdığı halda vermək üçün hazırlanmışdır. 

Sankt-Peterburqda törədilən terror aktı nəticəsində zərərçəkənlərdən biri xəstəxanada dünyasını dəyişib, bununla da ölənlərin sayı 14 nəfərə çatıb. 

Dalga tv  xəbər verir ki, TASS-a bu barədə şəhərin qubernatoru Anna Mityanina bildirib. 

“Bəli, təsdiq edirəm”, - o, zərərçəkənlərdən həqiqətən birinin öldüyünə dair suala cavab verərkən deyib