Cari ilin 27 aprel tarixindən etibarən Yəməndə vəba epidemiyasından ölənlərin sayı 859 nəfərə çatıb.

Dalga tv Report-a istinadən xəbər verir ki, bu barədə Ümumdünya Səhiyyə Təşkilatının (ÜST) məlumatında bildirilir.

Hesabata görə, ölüm halları Yəmənin 20 əyalətində qeydə alınıb. Vəba əlaməti ilə xəstəxanalara 116 min 700 nəfər müraciət edib ki, onların da 46 faizi yaşı 15-dən aşağı olan uşaqlardır. Yaşı 60-dan yuxarı olan əhalinin isə 33 faizi epidemiyanın qurbanı olub.

İŞİD terrorçularının İraqda Şirkat şəhərinə hücumu nəticəsində azı 30 nəfər ölüb. APA-nın “Röyters”ə istinadən verdiyi xəbərə görə, ölənlər arasında hərbçilər və dinc sakinlər var. Daha 40 nəfər isə yaralanıb.   

İraq ordusu terrorçuların həmləsinin qarşısını ala bilib, 10-dan çox silahlı öldürülüb.

Şirkat şəhəri Mosuldan 100 km cənubda yerləşir. 

 Ötən gecə İranın Huzistan vilayətinin Ramhörmüz diyarında icmalar arasında baş vermiş toqquşmalar zamanı azı 22 nəfər həlak olub.

"Report"un məlumatına görə, bu barədə "Reuters" yerli hakimiyyət orqanlarına istinadən xəbər verib.

"Təəssüf ki, ötən gecə toqquşmalar zamanı müasir ordu silahlarından istifadə olunub və 22 nəfər ölüb" – deyə yerli hakimiyyət orqanının nümayəndəsi Hidayətullah Hatəmi bildirib.

Onun sözlərinə görə, insidentin səbəbi icmalar arasında köhnə münaqişə ilə əlaqədardır.

Türkiyənin Samsun əyalətində  hərbçilərin olduğu avtobus aşıb, hadisə nəticəsində 47 hərbçi yaralanıb. 

Dalga tv Oxu.Az-a istinadən xəbər verir ki, bu barədə bu gün türk KİV-i məlumat yayıb. 

Məlumata görə, yaralıalr yaxınlıqda yerləşən xəstəxanalara çatdırılıb. 

Yaralıların vəziyyəti normal qiymətləndirilir. Hadisənin səbəbləri araşdırılır. 

İranın Həmədan şəhərində yaşayış binasında partlayış baş verib.

Dalga tv Oxu.Az-a istinadən məlumatına görə, partlayış nəticəsində 8 nəfər ölüb. 

Həmədan əyalətinin təcili tibbi yardım mərkəzinin mətbuat katibliyi elan edib ki, şəhərin mərkəzində yaşayış binasında partlayış və yanğın baş verib. Yanğınsöndürənlər 20 nəfəri təxliyə edib. Səkkiz nəfər həyatını itirib ki, onlardan bir neçəsi uşaqdır

Dünən İŞİD terror qruplaşması İranda ilk hücumunu həyata keçirdi. Son məlumatlara görə, paytaxt Tehranda parlament binası və İran inqilabının lideri Xomeyninin türbələrinə edilən hücumda ümumilikdə 17 nəfər ölüb. Həm parlamentə, həm də türbəyə hücum edən terrorçular məhv edilib.
İspaniyanın "El Mundo" nəşri terror aktlarının İranda İŞİD-in strukturunun mövcud olduğunu göstərdiyini yazıb.
İŞİD "Al-Amak" informasiya agentliyində üç bəyanat dərc edərək terror hücumlarına görə məsuliyyəti üzərinə götürdü. Agentliyin saytında həmçinin parlament binasında çəkilmiş videoyazı dərc olundu. TRAC analitik mərkəzinin direktoru Verian Xan nəşrə müsahibəsində bildirb ki, Go Pro (başa bağlanan kamera – red.) kamerasından çəkilib və bu, İŞİD-in üslubunu göstərir.
Müəllifin fikrincə, İran parlamentinə hücumun arxasında bir neçə amil dayanır.
1.İŞİD sıralarında iranlıların olması.
2.Son həftələrdə İŞİD İrana qarşı mediakampaniyanı aktivləşdirib. İŞİD-in İraq bölməsi bir videoyazı dərc edərək İranın sünni azlığını rejimə qarşı silahla mübarizəyə çağırıb. İŞİD ölkə rəhbərlərini "fəth"lə hədələyir. Amma İran sünniləri indiyə kimi bu çağırışlara xüsusi maraq göstərmirdilər.
3.İŞİD şiələrin qlobal məhvini istəyir. Təşkilatın mövqeyi həmişə bundan ibarətdir ki, onlar ya sünniliyə keçməyə, ya da ölməyə məcburdur. Şiəliyin ən tanınmış paytaxtında şiələrə qarşı bu hücum təbliğat üçün effektiv olacaq.
Məqalə müəllifinin fikrincə, bu hücumlar cari vəziyyəti nəzərə alaraq əlavə əhəmiyyət kəsb edir. ABŞ prezidenti Tramp İranı lənətləyir, həmçinin Səudiyyə Ərəbistanı İranla qarşılıqlı anlaşmaya görə Qətərə təzyiq göstərir.
"İran hökuməti hiss edəcək ki, onu İraq və Suriyada müdaxiləni genişləndirməyə məcbur edirlər. Əgər bu olacaqsa, sünnilər və şiələr arasında müharibənin eskalasiyası İŞİD-in ideoloji atəşinin üstünə yağ tökəcək", - analitik Çarli Uinter deyib.
4. Son bir ay ərzində İraq və Suriyadan kənarda - Böyük Britaniya, Filippin, İndoneziya, Misir, Avstraliya, Pakistan və İranda terror aktları baş verib. Terror aktları Suriya və İraqda diqqəti İŞİD-in itkilərindən yayındırmaq ehtiyacı ilə izah olunur.