Türkiyə Silahlı Qüvvələri (TSQ) Suriyanın Afrin və Tel Abyad bölgəsində möhkəmlənən PKK/YPG qüvvələrinə qarşı hazırlıqlara başlayıb.

Daga tv Axar.az -a istinadən xəbər verir ki, ordunun tabeliyində olan texnikalar hərbi qüvvələrin hərəkətini asanlaşdırmaq üçün ərazidə yollar açmağa başlayıb.

Bundan əlavə, türklərin olduğu mövqeyə əlavə hərbi qüvvələr də cəmləşdirilib.

Qeyd edək ki, ötən gün TSQ Afrindəki YPG mövqelərini top atışları ilə hədəf almışdı.

Rusiya aprelin 27-də Qara dənizdə batan “Liman” gəmisini çıxarmaq üçün həmin əraziyə “Selicer” araşdırma-xilasetmə və SB-739 adlı yeni nəsil xilasetmə gəmilərini göndərib.

Dalga tv Axar.az-a istinadən xəbər verir ki, Rusiyadan göndərilən heyət batan gəminin mühüm cihazlarını suyun altından çıxarmağa çalışacaq.

Heyət üzvləri mümkün olduğu təqdirdə gəmini bütünlüklə sudan çıxarmaq istədiklərini bildiriblər.

Xatırladaq ki, aprelin 27-də Qara dənizdə Rusiyanın hərbi gəmisi Toqo bayrağı ilə üzən yük gəmisinə dəyərək batıb. Rusiya Müdafiə Nazirliyi hərbi gəmidə olan 78 nəfər şəxsi heyətin hamısını Türkiyənin xilas etdiyini açıqlayıb.

Ukrayna paytaxtının tədris müəssisələrindən birinin həyətində naməlum obyekt partlayıb, binanın divarı zərər çəkib. 

Dalga tv Oxu.Az-a istinadən xəbər verir ki, bu barədə Ukrayna Milli Polisinin Kiyev üzrə Baş İdarəsinin mətbuat xidməti məlumat yayıb.  

Polisin məlumatına görə, Lesya Kurbasa küçəsində yerləşən tədris müəssisəsinin ərazisində partlayış barədə polisə bazar ertəsi axşam saatlarında təsadüfən oradan keçən şəxs tərəfindən məlumat verilib. 

“Partlayış nəticəsində xəsarət alan olmayıb. Hadisə yerinə dərhal istintaq-əməliyyat qrupu yola düşüb. 

Hüquq-mühafizə orqanları əməkdaşları ərazidə partlayan əşyanın nə olduğunu araşdırırlar. Partlayış zamanı binanın divarı zədələnib”, - məlumatda deyilir. 

"Tükiyə Ərdoğanın dövründə Avropa İttifaqından üz döndərib. Hamıya aydındır ki, ən azı hal-hazırda Türkiyə Avropa perspektivindən uzaqlaşır".

APA-nın məlumatına görə, bu sözləri Avropa İttifaqının genişlənmə və qonşuluq siyasəti üzrə komissarı Yohannes Han deyib. O bildirib ki, indiki mərhələdə Aİ-Türkiyə münasibətlərinin mərkəzində üzvlük yox, başqa şeylər, böyük ehtimalla iqtisadi məsələlər dayanmalıdır: "Biz gərək baxaq görək, gələcəkdə nə edə bilərik ki, əməkdaşlığın bərpa edilə biləcəyini anlayaq".

Y. Han gələn ilin əvvəlində Türkiyənin Aİ ilə münasibətlərdə yekun statusuna dair hesabat təqdim olunacağını söyləyib. O, miqrantların Avropaya buraxılmaması məsələsində Türkiyəyə etibar etdiyini söyləyib. Bununla belə, Y. Han əlavə edib ki,  söz azadlığı məsələsində məhdudiyyətlərin tətbiqi, kütləvi həbslər və vətəndaş hüquqlarının pozulması Aİ meyarlarına uyğun deyil: "Türk tipli demokratiya ola bilməz. Vahid bir demokratiya var. Türkiyə xalqı da avropalılar kimi hüquq və azadlıqlardan faydalanmaq haqqına sahibdir".

Qeyd edək ki, Türkiyə Aİ üzvlüyünə namizəd ölkə statusuna malikdir. Lakin hazırda tərəflər arasında üzvlük müzakirələri dondurulub.

Türkiyə prezidenti Rəcəb Tayyib Ərdoğan 33 ay sonra yenidən qurucusu olduğu Ədalət və İnkişaf Partiyasının (AKP) üzvü olub.

APA-nın Türkiyənin NTV telekanalına istinadən verdiyi məlumata görə, aprelin 16-da qəbul edilən Konstitusiyaya əlavə və dəyişikliklər prezidentə partiya üzvü və partiya sədri olmaq hüququ verib.

Bu gün Ərdoğanın partiyaya üzv olması ilə bağlı Ankarada AKP-nin mərkəzi qərargahında mərasim keçirilib. Mərasimdə AKP rəhbər orqanlarının üzvləri, millət vəkilləri qatılıblar. Binəli Yıldırım Ərdoğana AKP-yə üzvlüyü ilə bağlı bəyannaməni təqdim edib və  Ərdoğan sənədi imzalayıb. Bununla da Ərdoğan partiyaya rəsmən yenidən üzv olub. Növbəti mərhələdə Ərdoğanın AKP-nin sədri seçilməsi üçün mayın 21-də növbədənkənar qurultay keçiriləcək.

Qeyd edək ki, Ərdoğan prezident seçilməsi ilə əlaqədar 2014-cü ilin avqustunda AKP üzvlüyündən və partiyanın sədri postundan istefa verib.

Xatırladaq ki, AKP 14 avqust 2001-ci ildə yaradılıb. Partiya 2002-ci il noyabrın 3-də keçirilən parlament seçkilərində qələbə çalaraq hakimiyyətə gəlib. Həmin vaxt məhkəmənin barəsində siyasətlə məşğul olmasının qadağan edilməsinə dair qərarı olduğu üçün R. T. Ərdoğan seçkilərdə iştirak edə bilməyib. Barəsindəki siyasi qadağa aradan qaldırıldıqdan sonra 9 mart 2003-cü ildə Siirtdən deputat seçilib. Bununla əlaqədar 11 mart 2003-cü ildə Abdulla Gül hökuməti istefa verib. R. T. Ərdoğanın rəhbərliyi ilə həmin il martın 14-də yeni hökumət qurulub. AKP sədri olduğu 2002, 2007 və 2011-ci illərdə keçirilən parlament, 2004, 2009 və 2014-cü illərdə bələdiyyə seçkilərində partiyası qalib gəlib. 

Ermənistanın Erebuna şəhərində yerləşən Rusiya Cənub Hərbi Bölgəsinə bağlı istehkam birliyi bu ölkədə mina təmizləmə əməliyyatına başlayıb.
Dalga tv axar.az-a istinadən xəbər verir ki, bu barədə danışan Rusiya Cənub Hərbi Bölgəsinin sözçüsü polkovnik Vadim Astafyev rusların dağlıq bölgələrdəki hərbi təlim ərazilərində minalardan təmizləmə fəaliyyətinə başladığını qeyd edib.

Əməliyyat 10 hektarlıq ərazini əhatə edəcək. Əməliyyata 100 əsgər və 10-dan çox hərbi təchizat cəlb edilib.