ABŞ Hərbi Dəniz Qüvvələrinin iki təyyarədaşıyanı təlimləri başa vuraraq Yapon dənizini tərk edib.

Dalga tv Oxu.Az-a istnadən xəbər verir ki, bu barədə NHK telekanalı Pentaqon rəsmisinə istinadən məlumat verib.

Pentaqon rəsmisinin sözlərinə görə, “Karl Vinson”  (USS Carl Vinson) və “Ronald Reyqan” (USS Ronald Reagan) üçgünlük hərbi təlimlərdən sonra həmin bölgəni tərk ediblər. 

“Karl Vinson” təyyarədaşıyanı Kaliforniyaya yola düşüb. Onu “Nimits” atom təyyarədaşıyanı əvəz edəcək. “Ronald Reyqan” təyyarədaşıyanı isə Yaponiyanın Yokosuka şəhərinə tərəf üzür. 

Bununla yanaşı, Pentaqon rəsmisi qeyd edib ki, ABŞ Şimali Koreyanın fəaliyyətini diqqətlə izləməkdə davam edəcək.

Suriyada İŞİD-in qalası kimi tanınan Rakka şəhərinə qarşı əməliyyat hazırlıqları başa çatıb.

Dalga tv Axar.az-a istinadən xəbər verir ki, hər gün yüzlərlə vətəndaş şəhəri tərk edir.

Verilən məlumatda qeyd edilir ki, əməliyyat başlayandan bu günə kimi şəhəri 10 minə yaxın rakkalı tərk edib. Onların şəhərin şimalındakı qaçqın düşərgələrinə sığındığı bildirilib.

Qeyd edək ki, ABŞ-ın rəhbərliyi altında koalisiya qüvvələri və PKK-ya bağlı YPG Rakkaya girməyə hazırlaşır.

İstanbul Güngörən rayonunda iki qrup arasında çıxan silahlı qarşıdurmada 8 nəfər yaralanıb, 1 nəfərin öldüyü bildirilir.

Dalga tv Oxu.Az-a istinadən xəbər verir ki, Menderes küçəsinə bir avtomobil ilə gələn qrup, aralarında ədavət olduğu iddia edilən başqa bir qrupun üzərinə odlu silahlarla atəş açıb. Qrupun silahlarla qarşılıq verməsindən sonra, qarşıdurmanın ardından təcavüzkarlar avtomobillə hadisə yerindən qaçıb.

Hadisə yerinə çox sayda polis və tibb briqada cəlb edilib. Qarşıdurmada yaralanan 5 nəfər tibbi maşınlarla ətrafdakı xəstəxanalara aparılıb.

Atışmadan sonra, hadisə yerinin ətrafından çoxlu  sayda patronlar götürülüb.

Təcavüzə məruz qalan qrup ilə polis dəstələri arasında mübahisə baş verməsi səbəbindən Özəl Hərəkat polisləri də zirehli texnika ilə hadisə yerinə gəlib.

Rusiyanın Tver vilayətində “50 illik Oktyabr” bağçılıq dərnəyinin 8 üzvü güllələnərək öldürülüb.

Dalga tv  APA-ya istinadən xəbər verir ki, ilkin məlumata əsasən, Konakovsk rayonunun Redkino qəsəbəsində dərnəyə elektrik işləri görmək üçün çağırılmış elektriklə mübahisə olub.

Elektrik evə qayıdaraq silah götürüb və dərnəyə gələrək 6 kişi və 2 qadını güllələyib. 8 nəfəri qətlə yetirən şəxs saxlanılıb.

Faktla bağlı araşdırma aparılır.

Şənbə günü axşam İtaliyanın Turin şəhərinin mərkəzi meydanında futbol üzrə Çempionlar Liqasının final oyununun kütləvi seyri zamanı 1000-dən çox insan xəsarət alıb.

Dalga tv Oxu.Az-a istinadən xəbər verir ki, insanlar təşvişdən yaranan basabas nəticəsində xəsarət alıblar.

Meydanda yerli “Yuventus”la Madridin “Real” klubu arasında final oynunun canlı yayımını təqribən 30 min insan izləyib. İnsident matçın 64-cü dəqiqəsində, “Real”ın “Yuventus”a vurduğu 3-cü qoldan sonra qeydə alınıb. Xaos hələ də məlum olmayan səbəbdən yaranıb.

Londonda terror aktları nəticəsində ölənlərin sayı 7 nəfərə çatıb.

Dalga tv-nin APA-ya istinadən verdiyi məlumata görə, bu barədə Skotlend-Yard (London polisi) məlumat yayıb.

Terror aktı nəticəsində 50-yə qədər insan yaralanıb.