Pakistanın şərqində benzin çənində baş verən yanğını nəticəsində ölənlərin sayı 148 nəfərə çatıb.

APA-nın məlumatına görə, bu barədə “Associated-Press” agentliyi  məlumat yayıb.

Bundan əvvəl 140 nəfərin öldüyü, 49 nəfərin xəsarət aldığı açıqlanıb.

Almaniyada yaşayan, əslən türk olan 41 yaşlı Hacı Əhməd ondan boşanmaq istəyən arvadının başına olmazın oyunlar açıb.

Dalga tv Publika.az-a istinadən xəbər verir ki, bir neçə həftə əvvəl həbsxanadan çıxan kişi 8 gün sonra həyat yoldaşı 39 yaşlı Nabiləni öldürməyə çalışıb.

Kişi cinayəti əvvəlcədən planlaşdırıb. Yaxınlıqdakı yanacaqdoldurma məntəqəsindən benzin alan Əhməd evə gəlib və qadına deyib ki, əşyaların üstünə qan sıçramaması üçün mələfə sərsin.

Qadın öldürüləcəyindən şübhələndiyi üçün dostlarına mesaj atıb:

“Bir əlində benzin, bir əlində də bıçaqla gəlib. Deyəsən, məni öldürəcək”.

4 uşaq anasını evdə vəhşicəsinə döydükdən sonra bir neçə bıçaq zərbəsi vuran Əhməd bununla da kifayətlənməyib, qadının üzərinə benzin töküb yandırıb. Daha sonra sürüyərək yaxınlıqdakı xəstəxanaya aparıb.

3-cü dərəcəli yanıq xəsarətləri alan Nabilə 24 əməliyyat keçirib.

Həyatı boyu hicab geyinməyən qadın bədənindəki yara izlərini gizlətmək üçün bütün bədənini örtən burka geyinməyə məhkum olub.

Almaniya məhkəməsi qadının dostlarına atdığı mesajları cinayətin dəlili olaraq qiymətləndirib və kişiyə 14 il 6 ay həbs cəzası kəsib.

Çinin Sıçuan əyalətində torpaq sürüşməsi nəticəsində azı 100 nəfər dağıntılar altında qalıb.
İnsident iyunun 24-ü, yerli vaxtla saat 06:00 radələrində qeydə alınıb.
Torpaq sürüşməsinin aramsız yağışlardan sonra baş verdiyi bildirilir. İlkin məlumata görə, 40 yaşayış evi torpaq altında qalıb. Hadisə yerinə polis, xilasedicilər və təcili tibbi yardım briqadaları cəlb edilib.

Mənbə: publika.az

Pakistanın şimal-qərb bölgəsində baş verən partlayışlar nəticəsində 25 nəfər ölüb.

APA-nın RİA Novosti agentliyinə istinadən verdiyi xəbərə görə, ardıcıl iki partlayış Paraçinar şəhərinin ticarət mərkəzində törədilib.

Bu gün səhər saatlarında isə Kvetta şəhərində, Bəlucistan əyalətinin polis idarəsinin yaxınlığında törədilən partlayış nəticəsində 11 nəfər ölüb.

Terror aktlarına görə məsuliyyəti hələ ki, heç bir qruplaşma öz üzərinə götürməyib.

İngiltərənin paytaxtı Londonda iyunun 14-də tamamilə yanan və 79 nəfərin həyatını itirdiyi yüksəkmərtəbəli binada bir otaqda bir-birinə sarılmış halda 42 nəfərin cəsədi tapılıb.

Dalga tv Oxu.Az-a istinadən xəbər verir ki, bu haqda Reuters agentliyi bildirib.

Cəsədlərin yanğından qaçmağa çalışan, ancaq bunu bacara bilməyən və son ümid olaraq bir otağa toplanan bina sakinlərinə aid olduğu bildirilir. Ölənlərin çoxunun uşaq və qadınlar olduğu deyilir.

London polisi hadisə şahidlərinin bu iddiasını nə təsdiq, nə də təkzib edən bir açıqlama verməyib. Sual doğuran əsas məqam sözügedən 42 nəfərin 79 nəfərlik siyahıya aid olub-olmamasıdır.

Bu gün Türkiyə vaxtı ilə 07:15-də Aralık rayonunun yaxınlığındakı Kiçik Ağrı dağının ətəyində partlayış baş verib. 

Dalga tv Oxu.Az -aistinadən xəbər verir ki, hadisə nəticəsində Azərbaycan vətəndaşları Razi Aslanov və Ruslan Abışov yaralanıb.

Sərhəddə yaxın ərazilərdə olan minaları təmizləyən qrupun əslən Azərbaycandan olan üzvləri 35 yaşlı Razi Aslanov və 38 yaşlı Ruslan Abışov aşkar etdikləri minaları zərərsizləşdirmək üçün xüsusi ayrılmış məkana apararkən partlayış baş verib. 

Hadisə nəticəsində Razi Aslanov əlləri və gözündən, onun arxasınca gələn Ruslan Abışov isə ayaqları və bədənin müxtəlif yerlərindən xəsarət alıb. 

Yaralılar İğdır Dövlət Xəstəxanasına yerləşdiriliblər. 

Məlumata görə, həmin ərazilərin minalardan təmizlənməsi ilə Türkiyə, Azərbaycan və Mozambik mütəxəssisləri birgə məşğul olurlar. 

Partlayışla əlaqədar araşdırma başlayıb.