Türkiyənin “Atlas global” aviaşirkətinə məxsus İstanbul-Tbilisi reysi həyata keçirən təyyarəni ildırım vurub, təyyarə Atatürk aeroportuna geri qayıtmağa məcbur olub. 

Dalga tv Oxu.Az-a istinadən xəbər verir ki,  bazar ertəsi sərnişinlər  bu barədə jurnalistlərə məlumat verib.  

Məlumata görə, təyyarə havaya qalxdıqdan bir neçə dəqiqə sonra onu ildırım təyyarəni vurub. Təyyarə ekipajı dərhal geri qayıtmaq barədə qərar qəbul edib.

Sərnişin Kote Matitaşvili deyib: “Hadisə nəticəsində zərərçəkən olmayıb, amma məlumata görə, təyyarə zədələnib, məhz bu səbəbdən aeroporta geri qayıtmaq qərarı alınıb”. 

Aeroportun mətbuat xidmətindən jurnalistlərə bildirilib ki,  İstanbul-Tbilisi reysi hava şəraitinə görə gecikib. 

Fransada 14 ermənidən ibarət olan cinayətkar qrup saxlanıldı. 

Dalga tv Oxu.Az-a istinadən xəbər verir ki, Bordo, Nanta, Nitstse, Puatye və Parisdə 14 nəfər saxlanılıb. Saxlanılan şəxslərin hamısı ermənidir. 

“Renna polisi bir ildir ki, fahişələri silahla hədələyərək, onlardan gündəlik “vergi” alan şəxslərin təqibi üzrə cinayət işi aparır. Əməliyyat nəticəsində  14 nəfər saxlanılıb, onlardan 12-si artıq məhkəmə qarşısına çıxıb. Qrup 30-a yaxın yaşı olan kişilərdən ibarətdir. Onlar tərəfindən hədələnən fahişələr qorxudan polisə müraciət etməyiblər”, - bu barədə polis nümayəndəsi Jan-Mark Droqe bildirib. 

Səudiyyə Ərəbistanının rəhbərlik etdiyi ərəb koalisiyasına məxsus Hərbi Hava Qüvvələrinin Yəmənin şimalındakı Saad vilayətinə endirdiyi hava zərbəsi nəticəsində 24 dinc sakin ölüb.

Dalga tv Oxu.Az-a istinadən xəbər verir ki, bu barədə “Saba” agentliyi məlumat yayıb.

Məlumata görə, hadisə şənbə günü axşam baş verib. Zərbə krallıqla sərhəddəki Şad ərazisindəki Əl-Maşnak bazarına endirilib. Zərbə nəticəsində daha 1 nəfər xəsarət alıb.

Qeyd edək ki, Yəməndə vətəndaş qarşıdurması 2014-cü ilin avqustundan davam edir. Belə ki, artıq 3 ilə yaxındır hökumət qüvvələri ilə qiyamçı husilər arasındakı silahlı toqquşmalar səngimir.

Portuqaliyada meşə yanğınları nəticəsində ölənlərin sayı 57 nəfərə çatıb, 59 nəfər xəsarət alıb.

Dalga tv-nin APA-ya istinadən verdiyi məlumatına görə, bu barədə “Publico” nəşri daxili məsələlər üzrə dövlət katibi Xorxe Qomesə istinadən məlumat yayıb.

Xəsarət alanlardan 5-in durumu ağırdır. İlkin məlumata görə, 30-a yaxın şəxs avtomobillərlə fəlakət zonasından çıxmağa cəhd edərkən ölüb.

Kolumbiyanın paytaxtı Boqotada ticarət mərkəzində törədilən güclü partlayış nəticəsində ölənlərin sayı üç nəfərə çatıb, ölənlərdən biri Fransa vətəndaşıdır.
Dalga tv Sonxeber.az-a  istinadən verdiyi xəbərə görə, bu barədə Boqota meri Enrike Penyalosa bildirib. Daha 11 nəfər isə müxtəlif xəsarətlər alıb.

Ölənlərin hamısı 23-31 yaşlı qadınlardır.

Kolumbiyanın paytaxtı Boqotada ticarət mərkəzində güclü partlayış törədilib.
Sonxeber.az - ın "RİA Novosti"yə istinadən verdiyi xəbərə görə, Boqota meri Enrike Penyalosa partlayışın terror aktı olduğunu bildirib. Onun sözlərinə görə, insident nəticəsində 1 nəfər ölüb, 11 nəfər yaralanıb.

Hadisə şahidlərinin sözlərinə görə, partlayış "Centro Andino" ticarət mərkəzinin ikinci mərtəbəsindəki tualetdə baş verib.

Hadisə yerinə təcili yardım maşınları və polislər cəlb edilib.

Səudiyyə Ərəbistanında Mədinə şəhərinin yaxınlığında zəvvarları daşıyan avtobus qəzaya uğrayıb.

Dalga tv Sonxeber.az-a istinadən xəbər verir ki, qəza nəticəsində 2 zəvvar həlak olub, 36 nəfər isə xəsarət alıb.

Məlumata əsasən, avtobusda 40-dan artıq zəvvar olub və onların hamısı Asiya ölkələrindəndir. Bütün xəsarət alanlar yerli xəstəxanaya yerləşdirilib.

Qəzanın səbəbləri barədə məlumat verilmir.