Əfqanıstanda  paytaxtı Kabildə qəbiristanlıqda törədilən üç partlayış nəticəsində 18 nəfər ölüb. APA-nın “TOLOnews”-a istinadən verdiyi xəbərə görə, partlayışlar Əfqanıstan senatorunun oğlunun  dəfn mərasimi zamanı törədilib.

Terror aktı nəticəsində daha 30 nəfər yaralanıb.

Dəfn mərasimində rəsmi şəxslərin iştirak etdiyi bildirilir.

Terror aktlarının kamikadzelər tərəfindən törədildiyi bildirilir. 

 Almaniyanın hüquq-mühafizə orqanları Nürburg qəsəbəsi yaxınlığında keçirilən məşhur "Rock am Ring" rok festivalında xidmət göstərən şirkətin iki əməkdaşını saxlayıb.

Dalga tv "Report" -a istinadən xəbər verir ki, işçilər festival ərazisinə şübhəli əşya keçirməkdə şübhəli bilinir.

Almaniyanın "Welt" qəzetinin məlumatına görə, saxlanılanların azı birinin radikallarla əlaqəli olduğu güman edilir.

Qeyd edək ki, daha əvvəl dünyanın ən məşhur rok festivallarından biri terror təhlükəsi səbəbindən dayandırılıb. Alman polisi tamaşaçıların festival ərazisini tərk etməsinə dair göstəriş verib. Hazırda həmin ərazidə istintaq tədbirləri aparılır.

Üç günlük musiqi bayramına toplamda 87 mindən çox bilet satılıb. Quraşdırılmış dörd səhnədə 85 musiqi kollektivi, o cümlədən "die Toten Hosen", "Rammstein", "System Of A Down" kimi tanınmış qruplar çıxış etməli idi.

İranın Şiraz şəhərində baş verən güclü partlayış nəticəsində yaralananların sayı 32 nəfərə çatıb.

APA-nın RİA Novosti agentliyinə istinadən verdiyi xəbərə görə, bu barədə Fars əyalətinin təcili tibbi yardım xidmətinin başçısı Məhəmməd-Reza Əli Maneş bildirib.

“Xəsarət alanların sayı 32 nəfərə çatıb, onlardan 15-i xəstəxanaya yerləşdirilib. Xəsarət alanların vəziyyəti sabitdir. Ticarət mərkəzində baş verən partlayışın səbəbləri hələ ki, məlum deyil”, tibb rəsmisi deyib.

Qeyd edək ki, bundan əvvəl İranın Şiraz şəhərində ticarət mərkəzində güclü partlayışın baş verdiyi, 15 nəfər yaralandığı, ilkin ehtimalla  partlayışa qaz sızması səbəb olduğu bildirilirdi. 

Türkiyə, Azərbaycan və  Gürcüstan arasında elektron ticarət müqaviləsi  imzalanıb.

APA-nın Gürcüstan bürosunun gürcü mətbuatına istinadən məlumatına görə, müqavilə İstanbulda hər üç ölkənin rəsmiləri tərəfindən imzalanıb.

Türkiyə Gömrük və Ticarət naziri Bülent Tüfengçi hər üç ölkənin beynəlxalq rəqabət bazarı ilə sıx əməkdaşlığının böyük əhəmiyyət kəsb etdiyini bildirib.

Türkiyəli nazir yeni imzalanan müqavilənin üç dost ölkə arasında ticarət əlaqələrinin inkişafına töhfə olduğunu bildirib: “Yeni elektron ticarət müqaviləsinin imzalanması dünya bazarında hər hansı  ticarət əməliyyatlarında istifadə olunan yeni texnologiyaların əhəmiyyətini göstərir. Yeni texnologiyalara malik elektron kommersiyasının  ticarət əməliyyatlarında istifadə olunması ölkələrimizin dünya bazarlarına çıxışını əhəmiyyətli edir”, deyə nazir vurğulayıb.

Bu gün səhər saatlarında Moskvaya qar yağmağa başlayıb.

Dalga tv Oxu.Az-a istinadən xəbər verir ki, yağan qarın foto və videogörüntüləri Moskva sakinləri tərəfindən sosial şəbəkələrdə paylaşılıb.

Sosial şəbəkə istifadəçiləri Vatikan üzərindən qalxan qatı qara dumanın video və fotoları paylaşmaqdadırlar.

Dalga tv "Report"a  istinadən xəbər verir ki, şəkillər və videolar hadisə şahidləri tərəfindən paylaşılır.

"Mən yenicə partlayış səsi eşitdim. Vatikanda yanğın var?", – deyə istifadəçilərdən biri yazıb.

"The Mirror" nəşri qeyd edir ki, insident Vatikanın iqlim dəyişikliyi məsələsi ilə əlaqədar ABŞ-ı tənqid etməsindən sonra baş verib.