Suriyada buffer zonanın yaradılması yalnız Birləşmiş Millətlər Təşkilatı Təhlükəsizlik Şurasının qərarından sonra mümkündür.

ANS PRESS-in məlumatına görə, bunu Rusiya Xarici İşlər Nazirliyinin mətbuat katibi Aleksandr Lukaşeviç bəyan edib.

Moskvada brifinqdə jurnalistlərin suallarını cavablandıran Lukaşeviç bildirib ki, Türkiyə-Suriya sərhədində buffer zonanın yaradılması haqqında qərarı ancaq BMT TŞ verə bilər.

"İraq və Liviyada bunun necə olduğunu və hansı nəticələr verdiyini xatırlayırsınız. Ölkələrin və koalisiyaların bununla bağlı qərarları tək başına verməsi düzgün deyil", deyə Lukaşeviç bildirib.

XİN rəsmisi onu da qeyd edib ki, hər hansı ölkənin torpaqlarında terrorçuluğa qarşı əməliyyatlar keçirilirsə, bu zaman həmin dövlətin haqları və maraqlarına da diqqət yetirilməlidir.

"Türklər Qərbin yerinə çirkli işi görməyəcək. Əgər bu, kürdlərin müstəqilliyinə gətirirsə, Türkiyə ordusu İslam Dövləti yaraqlılarını əzməyəcək”.

Dalgatv Azadlıq Radiosuna istinadən xəbər verir ki, bu haqda informasiya “Daily Telegraph” qəzetində çap edilib.

Qəzet yazıb ki, Qərb İslam Dövləti yaraqlılarını dağıtmaq istəyir, ancaq “əlini batırmaq istəmir: “Ayağının yerə dəyməsi Obama və Kameron üçün tabutdur. Ona görə bütün gözlər Türkiyəyə dikilib ki, problemi Ankara həll etsin. NATO-da ikinci ən böyük ordusu olan Türkiyə İD yaraqlılarını asanlıqla əzə bilər. Ancaq ABŞın Dövlət katibi Con Kerrinin çağırışlarına baxmayaraq sərhəddə dayanan Türkiyə tankları yerindən tərpənmir. Kobani kürd şəhəridir, əsas məsələ də bundadır. Sərhəddin hər iki tərəfində kürdlər Türkiyənin hərəkət etməsini istəyir və tələb edir. Türkiyə isə gözləyir. Türkiyənin NATO tərəfdaşları üçün vəziyyət aydındır: İD problemdir və kürdləri silahlandırmaq lazımdır. Türkiyə üçünsə, kürdlərin dövlət iddiaları ölümcül təhlükədir. Reallıq budur ki, 2002-ci ildən Türkiyənin və onun Qərb müttəfiqlərinin baxışları bu məsələdə ayrılır”.

“Daily Telegraph” onu da qeyd edib ki, Ərdoğan İD yaraqlılarına zərbə endirməyə razılaşsa, bunun əvəzində nə istəyəcək?

“Suriya prezidenti Bəşər Əsəd rejimini dəyişməyə icazə verməsələr, Ərdogan hərəkət etməyə bilər. İstənilən hərəkət isə birtərəfli olacaq. Regionda diqtə edən Vaşinqton və ya London olmayacaq, yalnız Ankara olacaq. İD problemi yox olacaq. Ancaq yeni vəziyyət qaneedici olacaqmı? Məsələn, İsrail Suriyada Əsədin yerinə Türkiyə vasitəsilə “Həmas”ın gəlməsinə şad olacaqmı? Türkiyəni oyuna qoşmaq istəyənlər bütün bunları hesablamalıdırlar. İD yoxa çıxacaq, dünya isə başqa başağrısı qazanacaq”. “Daily Telegraph” belə yazıb.

Beynəlxalq koalisiya üzvlərindən Avstraliya ilk dəfə İŞİD-ə qarşı təşkil edilən hava əməliyyatlarında iştirak edib.

 Avstraliya Müdafiə Qüvvələrindən edilən açıqlamada "Super Hornet" adlı hərbi təyyarənin dünən gecə hava əməliyyatına qatıldığı və İraqdakı İŞİD üzvlərinə məxsus hədəflərə iki bomba atdığı bildirilib.

İraqda hücumlara qatılan Avstraliya Suriyadakı əməliyyatların qanuni və demokratik vəziyyətin fərqli olduğunu əsas gətirərək iştirak etmir.

Birləşmiş Ərəb Əmirliklərində 200 xüsusi hərbi personalın İraq əsgərlərinə kömək etmək üçün hazır vəziyyətdə gözlədiyini bildirən Avstraliya Baş naziri Toni Abbott ordu yeridilməsi məsələsinin də müzakirə ediləcəyini bəyan edib.

Suriyanın Türkiyə ilə sərhəddindəki Kobaniyə girən İŞİD geri çəkilməyə başlayıb.

İŞID-a ABŞ-da daxil olmaqla koalisiya güclərinin havadan müdaxiləsi davam edir.

Xarici işlər nazirinin köməkçisi İdris Nassan "Reuters"ə açıqlamasında İŞİD-ın şəhərin girişinə doğru çəkildiyini deyib.
"Bombardmanın təsiri oldu və İŞİD geri çəkildi. Bu, onların şəhərə girəndən sonra ən böyükmiqyaslı geriləməsidir. Bunu bölgədən tamamilə geri çəkilmənin başlanğıcı olaraq da qəbul edə bilərik".

Qeyd edək ki, İŞİD-ın Kobaniyə girməsindən sonra Türkiyədə də iğtişaşlar baş qaldırıb. Belə ki, son bir gündə baş verən toqquşmalarda 15 nəfər ölüb, yüzlərlə insan yaralanıb.

Türkiyə baş naziri Əhməd Davudoğlu ölkəsinin anti-İŞİD koalisiyasına qoşulması üçün şərtini açıqlayıb.

ANS PRESS-in məlumatına görə, ABŞ-ın məşhur CNN kanalının əməkdaşı Kristiyan Amanpura verdiyi müsahibəsində Türkiyə baş naziri bildirib ki, Bəşər Əsəd rejimi də koalisiya qüvvələri tərəfindən hədəfə alınmalıdır:

"Onda türkiyə anti-İŞİD koalisiyasına qoşulub, Suriyaya quru qoşunlar yeridə bilər".

Bu axşam efirə gedəcək müsahibə ilə bağlı Kristiyan Amanpur "Twitter"də paylaşdığı statusda bildirib ki, Davudoğlu Suriyada yaşayan kürdlərə humanitar yardım ediləcəyini deyib.

Bu arada Türkiyə-Suriya sərhədində yaşanan gərginliyə NATO-nun baş katibi Jens Stolberq münasibət bildirib. Onun sözlərinə görə, Türkiyəyə hər hansı bir təhdid yaranarsa NATO hərəkətə keçəcək.

Türkiyə ordusu Suriya ilə sərhəddə hazır vəziyyətə gətirildi

İŞİD terror təşkilatı Suriya ilə Türkiyə sərhədində yerləşən və kürdlərin yaşadığı Kobani şəhərinə bayrağını taxıb.

Türkiyə sərhədindən terror təşkilatının şəhərin 2 binasına bayrağını sancdığı aydın görünür.

Qeyd edək ki, Kobanidə İŞİD-lə kürd yaraqlılar arasında qarşıdurmalar davam edir. Şəhəri 3 tərəfdən mühasirəyə alan terror qruplaşması artıq Kobaninin mərkəzinə qədər irəliləyə bilib.

Kobaninin şəhərinin İŞİD-in nəzarətinə keçməsindən sonra Türkiyə Suriya ilə sərhəddə ciddi təhlükəsizlik tədbirləri görüb. Ağır silahlı texnikalar Suriya istiqamətində atəş mövqeyi seçib.