Rusiya prezidenti Vladimir Putin ölkəsinin yeni hərbi doktrinasını təsdiq edib.

ANS PRESS-in məlumatına görə, doktrinada ən əhəmiyyətli xarici təhdid olaraq NATO-nun hərbi potensialının artması göstərilib.

Yeni sənəddə Rusiyaya təhdid olan başlıca xarici faktorlar arasında NATO-nun hərbi potensialının genişləndirilməsi, strateji raket müdafiə sistemlərinin qurulması və genişləndirilməsi, qonşu ölkələrdə hərbi güc istifadə edilməsi, qonşu ölkələrdə Moskvanın maraqlarını təhdid edəcək siyasətçiləri hakimiyyətə gətirilməsi kimi faktorlar göstərilib.

Rusiyaya təhdid edən daxili faktorların başında konstitusiya quruluşunu dəyişməyə istiqamətli fəaliyyətlər, Rusiyanın bütövlüyü, birliyi və suverenliyinə qarşı terrorçu təşkilatlarının, ya da fərdlərin fəaliyyəti yer alıb. Putinin təsdiqlədiyi yeni hərbi doktrina sənədinə Rusiyanın Şimal dənizi bölgəsindəki maraqlarının qorunması, Abxaziya və Cənubi Osetiya ilə əməkdaşlığın artırılması kimi maddələr də əlavə olunub.

Ermənistan mediası dekabrın 24-dən 25-nə keçən gecə Azərbaycan Silahlı Qüvvələrinin cəbhə xəttində kəşfiyyat-diversiya cəhdi etdiyini bildirib. Ermənistan tərəfi bəyan edib ki, guya bu cəhdin qarşısı alınarkən Azərbayac ordusu itki verib. Lakin Azərbaycan Müdafiə Nazirliyi yayılan məlumatları Ermənistanın növbəti təxribatı adlandırıb və bu addımı informasiya müharibəsinin zəminində aparılan təbliğat kimi dəyərləndirib.

Cəbhə xəttində insidentin olması ilə bağlı ermənilərin tirajladığı informasiyaları Moskva Dövlət Universitetinin İnformasiya-Analitik Mərkəzinin baş direktor müavini, politoloq Andrey Petrov şərh edib.

Modern.az saytının məlumatına görə Andrey Petrov bildirib ki, Ermənistan qoşunların təmas xəttində gərginliyi artırır və sülh prosesi ilə bağlı aparılan danışıqlara zərbə vurur.

Analitik vurğulayıb ki, hər hansı kəşfiyyat-diversiya hərəkətləri ilə bağlı faktları yoxlamaq çətin deyil. Onun sözlərinə görə hansı tərəf itki verirsə, həlak olan hərbçilərin cəsədləri ortada olmalıdır.

“Ermənistan Müdafiə Nazirliyinin bəyanatlarında isə buna oxşar nəsə deyilmir. Azərbaycan Müdafiə Nazirliyi isə qoşunların təmas xəttində ölüm halı olan kimi bunu açıqlayır”.

Ekspert hesab edir ki, ATƏT diversiya hərəkətləri olduğu iddia olunan ərazilərdə yayılan xəbərləri təsdiq və ya təkzib etmək monitorinq apara bilər. Siyasi təhlilçi qeyd edib ki, “diversiyalar” yalnız kağız üzərində qalır.

Politoloqun fikrincə, Ermənistanın kəşfiyyat cəhdlərinin olması ilə bağlı yaydığı məlumatların məqsədi iqtisadi-sosial vəziyyətədən əziyyət çəkən erməni əhalisinin fikrini yayındırmaqdır.

“Faktiki olaraq Qarabağ, fəlakətli iqtisadi vəziyyətdən əziyyət çəkən Ermənistan əhalisinin fikrinin yayındırılması üçün yaxşı mövzudur. Bu gün Ermənistanın yerli KİV-i günbəgün əhaliyə ölkəndə böhran, işsizlik hökm sürür. Belə bir məqamda “bizdə şanlı ordu var və bu, diversiyanı zərərsizləşdirdi” kimi informasiyalar dövriyyəyə buraxılır. Çünki Ermənistanın özündə heç kəs bu cür məlumatları, xüsusilə Ermənistan ordusunda itkilərin olmadığı haqqında informasiyaları yoxlamayacaq. Dağlıq Qarabağ münaqişəsi Ermənistan rəhbərliyinin imicinə müsbət təsir göstərir”,-deyə Andrey Petrov şərh edib.

Almaniyanın məşhur "Bild" qəzeti Türkiyəni İŞİD terror qruplaşmasına yardım etməkdə ittiham edib.

ANS PRESS-in məlumatına görə, qəzetdə dərc olunan "İŞİD gənc qızları belə aldadır" başlığı altında verilən məqalədə bildirilir ki, başda İngiltərə olmaq üzrə aldadılan gənc qızlar Almaniya və Türkiyə üzərindən Suriya və İraqa çatdırılır: "Türk sərhədləri nisbətən asan keçilən sərhəd kimi qəbul edilir. Sərhədi qoruyanlar rüşvətə meyllidir, hətta bəziləri də terror təşkilatı üzvlərinə simpatiya ilə yanaşır"

"Bild" İŞİD-in Türkiyəyə neft satdığı barədə deyilənləri təkrar gündəmə gətirib. Alman qəzeti hesab edir ki, İŞİD neft satışından və "fidyə" pullari ilə gənc qızların aldadılması üçün sosial şəbəkələrdə geniş təbliğat apara bilir.

Məqalədə deyilir ki, dünyanın müxtəlif ölkələrində aldadılaraq Suriya və İraqa aparılan gənc qızlar İŞİD yaraqlıları ilə evləndirilir....

Qəzet İŞİD-ə bu yolla aldadılaraq qoşulan qızlara nümunə olaraq Vyanadan 16 yaşlı Sabina Selimoviçi, 17 yaşlı Samra Kesinoviçi, Bristoldan 15 yaşlı Jusra Husseini və Stockvelldən gedən 17 yaşlı Samia Dirieyi nümünə kimi göstərib

Gürcüstanın baş naziri İrakli Qaribaşvili Rusiya prezidenti Vladimir Putinlə görüşməyə hazır olduğunu bildirib.

APA-nın “Novosti Qruziya”-ya istinadən verdiyi xəbərə görə, bu barədə İrakli Qaribaşvili bu gün jurnalistlərə bildirib.

“Biz belə bir görüşün baş tutması üçün prinsipial olaraq hazırıq. Lakin görüşün nə vaxt və hansı formatda keçirilməsi üçün yaxşı hazırlıq və vəziyyətin geniş təhlili olmalıdır”, deyə İrakli Qaribaşvili bildirib.

“Mən hesab edirəm ki, görüş xatirinə görüş keçirmək düzgün deyil, görüş konkret nəticəyə istiqamətləndirilməlidir. Mən, özüm də daxil olmaqla, Gürcüstan hökumətinin görüşdə iştirak edəcəyinə hazır olduğunu bildirirəm”, deyə Qaribaşvili qeyd edib.

Qeyd edək ki, dekabrın 18-də Rusiya prezidenti Vladimir Putin Kremlin Gürcüstan hökumətinin istənilən nümayəndəsinin Moskvaya səfərindən şad olacağını bildirmişdi. Onun sözlərinə görə, ilkin mərhələdə münasibətləri, birbaşa təmasları bərpa etmək gərəkdir.

Buna cavab olaraq, Gürcüstan Milli Təhlükəsizlik Şurasının katibi İrina İmerlişvili ötən gün jurnalistlərə dövlət başçısı Georgi Marqvelaşvilinin rusiyalı həmkarı ilə görüşməyə hazır olduğunu bildirib. Onun sözlərinə görə, belə bir görüşün baş tutacağı təqdirdə müzakirələrin əsas mövzusu Abxaziya və Cənubi Osetiya problemlərinin həlli olacaq.

Rusiya Xarici İşlər Nazirliyi ABŞ-ın tətbiq etdiyi sanksiyalara sərt münasibət bildirib.

ANS PRESS-in məlumatına görə, rəsmi Moskva Krımla bağlı tarixi hüquqa malik olduğunu əsas gətirərək ABŞ sanksiyalarını rədd edib:

"Sanksiyalar Rusiyanı Krımdan əl çəkməyə vadar edə bilməyəcək. Krım Rusiyanın tərkib hissəsidir".

Qeyd edək ki, ABŞ prezidenti Barak Obama Rusiyaya qarşı ticarət sanksiyaları tətbiq edib.

Ağ Evin bəyanatında bildirilib ki, qərar regionda bizneslə məşğul olan Amerika korporasiyalarına aydınlıq gətirir. Bəyanatda deyilib ki, prezidentin qərarı Vaşinqtonun Rusiyanın Krımı işğalını qəbul etməməsinə işarədir.

Ticarət yasaqları Ukraynanın şərq bölgəsindəki iğtişaşlarda əli olan 24 fərd və şirkətlərə şamil edilir.

Gürcü vitse-spiker Georgi Baramidze həyəcan təbili çaldı

Ukraynanın şərqində təkcə ukraynalılar yox, bütün Şərqi Avropa xalqları uğrunda mübarizə gedir.

ANS PRESS-in məlumatına görə, bu sözləri Gürcüstan parlamentinin vitse-spikeri Georgi Baramidze 5-ci kanala müsahibəsində deyib.

“Bir çox gürcülər üçün Ukrayna təkcə özünün azadlığı yox bütün Şərqi Avropa cəbhəsinin önündə durub. Biz bir başa Ukraynanın uğurlarından asılıyıq. Bu təkcə ukraynalıların deyil, eləcədə gürcü, moldovalı və digərlərinin mübarizəsidir. Ukrayna qalib gəlməsə balaca dövlətlərin yaşayacağına inam azdır”, - deyə Baramidze qeyd edib.

Bundan əlavə o bildirib ki, Donbas münaqişəsində Avropa və bütövlüklə dünyanın necə olacağı müəyyənləşir.