ABŞ prezidenti Barak Obamanın bir hərəəkəti onun helikopterini uçuşdan saxlayıb.

AzNews.az-ın məlumatına görə, yola düşməzdən az qabaq o, telefonunu ofisdə unutduğunu yada salıb və helikopterdən çəmənliyə tullanıb. Daha sonra o, oval kabinetə qaçıb.

Bir neçə dəqiqdən sonra ABŞ prezidenti geri qayıdıb və curnalistlərə əl edib. O, yeni aldığı qaceti jurnalistlərə nümayiş etdirib.

ABŞ prezidenti daha sonra helikopterə minərək Las-Veqasa uçub ki, mühacirlər barədə yeni qanunu dəstəkləsin.

Amerika Birləşmiş Ştatları Kubada yerləşən Quantanamo həbsxanasından 3 məhbusu Gürcüstana köçürüb.
AzNews.az Azadlıq Radiosuna istinadən xəbər verir ki, bu haqda məlumatı Pentaqon yayıb.

Məlumatda deyilir ki, Yəməndən olan Salah Mohammed Salih Al-Dhabi, Abdel Ghaib Ahmad Hakim və Abdul Khaled Al-Baydani Gürcüstana təhvil verilib.

Bir yəmənli və bir tunisli məhbus isə Quantanamodan Slovakiyaya köçürülüb.
ABŞ Quantanamo həbsxanasının bağlanması üçün görülən işlərə Gürcüstan hökumətinin göstərdiyi dəstəyə görə minnətdarlıq edib.

Qeyd edək ki, Gürcüstan ilk dəfə 2010-cu ildə Quantanamodan 3 məhbus alıb. Onların kimliyi hələ də açıqlanmır.

Jurnalist Ekspert Mərkəzi (JEM) “Avropa Birliyinin Şərq Tərəfdaşlığı” proqramı çərçivəsində Gürcüstanın Batumi şəhərində keçirilən Vətəndaş Cəmiyyəti Forumunda Azərbaycan əleyhinə aprılan qərəzli erməni təbliğatına etiraz bəyanatı yayıb.

Bəyanatda deyilir:
- “Avropa Birliyinin Şərq Tərəfdaşlığı” proqramı çərçivəsində Gürcüstanın Batumi şəhərində keçirilən Vətəndaş Cəmiyyəti Forumunda baş verən xoşagəlməz hadisədən təəssüfləndiyimizi bildiririk. Eyni zamanda, hesab edirik ki, bu olayın da arxasında məkrli erməni siyasəti və Azərbaycana qarşı durmadan fəaliyyət göstərən erməni təbligat maşını dayanır.

Yayılan xəbərlər, foto və video materiallardan aydın şəkildə görünür ki, Azərbaycana qarşı yönəlmiş aksiyanın təşkilatçıları arasında ermənilər var. Xüsusi fəallıq nümayiş etdirən ermənilərin bizə “ürək yandırması”, şübhəsiz ki, insan haqları, söz və mətbuat azadlığı kimi prinsiplər müstəvisində şərh oluna bilməz. Bu, indiki həssas məqamda yalnız Azərbaycanın maraqlarına, torpaqlarının işğaldan azad olunması istiqamətində atdığı addımlara xələl yetirmək, işğal olunmuş ərazilərdəki erməniləri öz vətəndaşlarımız kimi qəbul etdiyimiz barədə bəyanatlara kölgə salmaq məqsədinə hesablanıb.

Aydındır ki, Azərbaycandakı hanısısa məhbusun taleyi erməniləri qətiyyən maraqlandırmır. Onlara həmin məhbusun fotolarından yararlanıb Azərbaycanı qara rəngdə təqdim etmək və bu ölkədə yaşamağın mümkün olmadığına dair beynəlxalq ictimaiyyətin rəyini qazanmaq lazımdır.

JEM hesab edir ki, ermənilərin bu məqsədinə hesablanmış aksiyalara dəstək vermək, başqa ölkələrin QHT təmsilçilərinin əli ilə Azərbaycanın yalnız mənfi obrazının yaradılmasına hesablanmış fəaliyyət növləri ilə məşğul olmaq, elə erməni siyasətinə, Ermənistan dövlətinin maraqlarına xidmət etmək anlamına gəlir. Xüsusən indiki həssas məqamda qarşılaşdığımız bu kimi davranışlar bizə əsas hədəfimizə çatmaqda çətinliklər yaradır.

JEM Forumun işinin və dünənki asksiyanın işıqlandırlmasında yüksək peşəkarlıq göstərmiş “Yeni Müsavat” qəzetinin baş redaktoru Rauf Arifoğluna təşəkkür etməklə yanaşı, onun fəaliyyətinə kölgə salmağa yönəlmiş ittihamlara da etiraz edir. Bir jurnalistin üzərinə düşən vəzifələri yerinə yetirdiyinə görə qərəzli reaksiyalarla üzləşməsindən təəssüfləndiyimizi bildiririk. Hesab edirik ki, Rauf Arifoğlunun Forumdan, onun işini işıqlandırmaqdan imtina etməyə məcbur olması bilavasitə Avropa Birliyinin söz və mətbuat azadlığına göstərdiyi münasibətin bariz nümunəsidir. Ölkələrdən söz və mətbuat azadlığı tələb edən beynəlxalq təşkilatlar bunu birinci növbədə özləri nümayiş etdirməlidirlər. Batumi Forumu bizə əksini göstərdi”.

Gürcüstan prezidenti Georgi Marqvelaşvili 121 məhbusun əfv edilməsi haqqında sərəncam imzalayıb.

APA-nın “İnterfaks”a istinadən verdiyi məlumata görə, qərar müqəddəs Georgi bayramı öncəsi verilib.

Gürcüstanın Əfv üzrə dövlət komissiyasının sədri Zviad Koridze bildirib ki, 93 nəfər dərhal azadlığa çıxacaq, digərlərinin isə həbs müddəti azaldılacaq.

Əfv olunanlar arasında narkotiklərlə əlaqəli cinayətlərə görə həbs edilən şəxslər də var.

Xüsusi komissiya 752 işə baxıb, onlardan 350 müvafiq kriteriyalara cavab verməyib.

Çoxpartiyalı demokratiya uğrunda Niderland İnstitutu (ÇDNİ) ATƏT-in Milli Azlıqlar üzrə Ali Komissarlığının Gürcüstandakı ofisinin dəstəyi ilə azərbaycanlıların kompakt yaşadığı Marneuli şəhərində "Gürcüstanın siyasi həyatında milli azlıqların iştirakının gücləndirilməsi" adlı layihə çərçivəsində görüş keçirilib.

APA-nın Gürcüstan bürosunun məlumatına görə, görüşdə Gürcüstanda fəaliyyət göstərən 8 partiyanın təmsilçiləri, Gürcüstan parlamentinin deputatı, QHT nümayəndələri, jurnalistlər və yerli bələdiyyə üzvləri iştirak ediblər.

Tədbirdə qeyd edilib ki, görüşün əsas məqsədi "Gürcüstanın siyasi həyatında milli azlıqların iştirakının gücləndirilməsi" adlı layihə çərçivəsində ölkədə baş verən dəyişikliklər barədə yerli əhaliyə məlumat vermək, ölkənin siyasi həyatında milli azlıqların atdığı addımları müzakirə edərək mövcud problemləri təhlil etməkdir. Görüşdə ÇDNİ-nin Cənubi Qafqaz üzrə nümayəndəsi Levan Suskiridze, ATƏT-in Gürcüstan ofisinin nümayəndəsi Nino Qoqoladze, ÇDNİ-nin Kvemo Kartli bölgəsi üzrə layihə koordinatori Kamran Məmmədov və başqaları çıxış ediblər.

N. Qoqoladze ATƏT-in Gürcüstandakı fəaliyyəti və missiyası haqqında məlumat verərək bildirib ki, missiyanın məqsədi milli zəmində problemlərin baş qaldırmamasına xidmət etməkdir.

L. Suskiridze isə son illərdə milli azlıqların nümayəndələrinin Gürcüstan hakimiyyətində təmsil olunmaları haqqında düşündüklərini deyib: "Belə görüşlərin tez-tez keçirilməsini istəyirik. Düşünürəm ki, əlaqələrimizin və əməkdaşlığımızın inkişaf etdirilməsi, Gürcüstan hakimiyyətində milli azlıqların təmsil olunması Gürcüstanı demokratik və inkişaf edən bir ölkəyə gətirib çıxaracaq".

Tədbir diskussiya şəraitində davam edib. Görüş iştirakçıları müxtəlif təkliflə çıxış ediblər.

Gürcüstan ABŞ-dan silah alınması ilə bağlı danışıqlar aparır.

ANS PRESS-in məlumatına görə, bu barədə Gürcüstanda səfərdə olan ABŞ ordu generalı Frederik Hodges açıqlama verib.

ABŞ hərbi qüvvələrinin komandanı bildirib ki, danışıqların nəticə verəcəyi barədə danışmaq tez olsa da, rəsmi Tiflisə müdafiə silahlarının satılması vacibdir.

Gürcü müdafiə naziri ilə görüşən ABŞ qoşunlarının Avropa komandanı Gürcüstanın müdafiə imkanlarının gücləndirilməsi istiqamətində ikitərəfli əməkdaşlıq məsələlərinin müzakirə edildiyini deyib.