Bu gün Gürcüstanda fəaliyyət göstərən Azərbaycan dilli mətbuat nümayəndələrinin Gürcüstanın barış ve vətəndaş bərabərliyi məsələləri üzrə dövlət naziri Paata Zakareişvili ilə göruşü keçirilib.

APA-nın Gürcüstan bürosunun məlumatına görə, görüşdə çıxış edən Gürcüstan Azərbaycanlı Jurnalistlər Birliyinin sədri Nizami Zillioğlu Gürcüstanda fəaliyyət göstərən Azərbaycan dilli mətbuat orqanlarının problemlərindən danışıb.

Gürcüstan Azərbaycanlı Jurnalistlər Birliyinin təşəbbüsü ilə baş tutan görüşdə iştirak edən jurnalistlər mətbuatın problemlərindən, informasiya qıtlığının aradan qaldırılması yollarından, habelə mətbuata qərəzli yazıların yol açmasından, jurnalist etikasından, mətbuata dövlət qayğısından və sürətli inteqrasiyaya mane olan əngəllərdən söz açıblar.

P. Zakareişvili ona verilən sualları ətraflı cavablandırıb və belə görüşlərin gələcəkdə də davam etdiriləcəyinin vacibliyini vurğulayıb.

Görüş zamanı dövlət naziri azərbaycanlıların kompakt yaşadığı bölgələrdə informasiya qıtlığının aradan qaldırılması üçün regional televiziyanın açılmasının, gürcü və Azərbaycan mətbuatında xalqlarımızın tarixi dostluğundan bəhs edən yazıların dərc olunmasının önəmini önə çəkib. O həmçinin Tiflisdə fəaliyyət göstərən Azərbaycan Dövlət Dram Teatrı barədə, Azərbaycan dilli mətbuatın durumu, mətbuata dövlət qayğısı və inteqrasiya prosesində qarşıya çıxan problemlərin həllində dövlət idarələrinin daha fəal çalışması və son vaxtlar Adigeni rayonunda dini zəmində baş verən hadisələr barədə danışıb.

Tədbirdə Gürcüstan baş nazirinin köməkçisi Savalan Mirzəyevlə barış ve vətəndaş bərabərliyi məsələləri üzrə dövlət nazirinin Kvemo-Kartli bölgəsi üzrə nümayəndəsi Zaur Darğallı çıxış edib.

Gürcüstanın Baş prokurorluğu tərəfindən saxlanılan 5 nəfər müdafiə nazirliyinin yüksək rütbəli məmurundan ikisinə ittiham irəli sürülüb.

APA-nın Gürcüstan bürosunun gürcü mətbuatına istinadən məlumatına görə, Georgi Lobjanidze və Arçil Alavidze soyadlı məmurlar böyük həcmdə dövlət vəsaitini mənimsəməkdə günahlandırılırlar .

Xatırladaq ki, oktyabrın 28-də Gürcüstanın Baş prokurorluğu müdafiə nazirliyinin 5 nəfər yüksək rütbəli məmurunun saxlanılması barədə məlumat yayıb.

Finlandiyada dəhşətli ailə faciəsi baş verib.

AzNews.az xəbər verir ki, qadın ərini öldürmək üçün minik avtomibilini ərinin içərisində olduğu sərnişin avtobusu ilə toqquşdurub.

Hadisə zamanı 33 yaşlı qadın və onun yanında olan 3 uşağı dünyasını dəyişib. Ölən uşaqların 1, 2 və 6 yaşı olduğu deyilir.

Avtobusda olan 15 sərnişindən isə 10 nəfər müxtəlif dərəcədə zədə alaraq xəstəxanaya çatdırılıb.

Qadının ərinin taleyi haqda isə xəbər verilmir.

Bu gün Gürcüstan paytaxtında iki gün keçiriləcək "Tbilisoba" ("Tiflis Günü") bayramı başlayıb.

APA-nın Gürcüstan bürosunun məlumatına görə, bayram tədbirində Gürcüstanın baş naziri İrakli Qaribaşvili və bütün Gürcüstanın katalikos-patriarxı II İlya iştirak ediblər.

Tiflisdə fəaliyyət göstərən "Ceyran" folklor rəqs ansamblı "Tbilisoba" bayramında çıxış edib və gənc azərbaycanlı rəqqasələr Azərbaycan və gürcü rəqslərindən ibarət folklor nümunələrini, o cümlədən "Sarı gəlin" rəqsini nümayiş etdiriblər.

Bayramın proqramı sabah davam edəcək, müxtəlif konsert və şou-proqramlar nümayiş olunacaq, eyni zamanda retro-avtomobillərin, rəsm əsərlərinin sərgisi, meyvə festivalı və şərab paradı keçiriləcək.

Bu gün bayram tədbirləri bölgələrdə də başlayıb. Qardabanidə "Qardabnoba" ("Qardabani Günü") adlanan bayram keçirilir.

"Tbilisoba" bayramı artıq 35-ci dəfədir ki, keçirilir. Bayramın keçirilməsinə 1979-cu ildən başlanıb və 1988-ci ildən bəri mütəmadi olaraq qeyd edilir.

Hindistanın baş naziri Narendra Modi ölkəni zibiliklərdən təmizləmək üçün qollarını çırmalamalı olub. Əlinə süpürgə alan baş nazir paytaxt Dehlidə “MyCleanIndia” (Mənim təmiz Hindistanım) aksiyasına start verib. Hind xalqına müraciət edən millətçi baş nazir ölkənin zibilliklərdən təmizlənməsi üçün hər kəsin bu kampaniyaya baş vurmasını istəyib. Bu barədə Almaniyanın “Der Spiegel” jurnalı xəbər yayıb.

Baş nazirin YouTube-da və Facebook-da paylaşdığı həmin görüntülər xalq arasında rəğbətlə qarşılanıb. Baş nazirin təkidi ilə dövlət qulluqçuları bundan sonra ildə 100 saat ölkənin təmizlənməsi üçün əlinə süpürgə götürməli olacaq.

Cənab baş nazir deyib ki, ancaq dövlət qullquçuları ilə bu iş bitməz. Hindistanın 1,25 milyard əhalisi bu işə cəlb olunmalıdır. Onun status formasında paylaşdığı bu yazını 2 milyondan çox insan “like” edib. Tweeter-də isə onun 7 milyon izləyicisi var.

Qeyd edək ki, gigiyena baxımından Hindistan dünyanın ən geridə qalmış ölkələrindən sayılır. Bu ölkədə əhalinin 700 milyona yaxını tualetdən belə istifadə edə bilmir.

Rusiyalı politoloqlar “Rusiyalılar 2015-ci ildən nə gözləməlidirlər?” mövzusunda geniş mətbuat konfransı keçirərək öz ölkələrinin gələcəyi ilə bağlı bədbin fikirlər səsləndirib. Modern.az Rusiya mətbuatına istinadən xəbər verir ki, konfans iştirakçısı, “Yabloko” Partiyasının sədri Sergey Mitroxinin fikrincə, ölkəsinin xaricdən idxalı daxili bazar hesabına əvəzləyə bilmək potensialına inanmaq sadəlövlükdür və son 20 ildə xammal ölkəsinə çevrilən Rusiyanın bu yoldan çəkilməsi inandırıcı deyil.

Rusiya Sahibkarlar və İcarədarlar İttifaqının prezidenti Andrey Buniç isə deyib ki, Qərb Rusiya rəhbərliyini qorxutmamaq üçün qəsdən sakitləşdirir: “Qərbdə qəsdən hər şeyin, o cümlədən enerji daşıyıcılarının qiymətlərinin yüksək olacağı ilə bağlı proqnozlar verilər ki, Rusiya rəhbərliyini təlaşa salmasınlar. Lakin onlar artıq çoxdan hesablayıblar ki, 2, ola bilsin 3 ildən sonra indiki neft qiymətləri hesabına Rusiya iqtisadiyyatını çökdüürsünlər”.

Buniçin sözlərinə görə, Rusiya iqtisadiyyatının indiki ağır durumu Qərb sanksiyalarının deyil, Rusiya siyasi rəhbərliyinin qeyri-effektiv idarəetməsi ilə bağlıdır: “Bizdə sabit iqtisadiyyat yoxdur və hər şey neft pulları hesabına örtülür. Kim hakimiyyətə loyaldırsa, ona büdcədən pul verilir. Hətta “Rosneft”də pul istəyir. Əvvəl-axır belə iqtisadiyyat dalana dirənəcək”.

Andrey Buniç fikrini davam etdirərək enerji daşıyıcılarının qiymətlərinin yaxın 10 ildə hazırkı səviyyədə qalacağını və Rusiyanın yaxın bir neçə il ərzində parçalanacağını proqnozlaşdırır: “Qərb politoloqları hələ 6 il əvvl Rusiyanın parçalanacağı ilə bağlı proqnoz verirdilər. Lakin bu parçalanma daha tez baş verəcək. 6 il yox, 2-3 il ərzində. Valyuta, büdcə və bank sistemindəki böhran ani məqamda hər şeyi iflasa apara bilər. 1991-ci ildə heç kim SSRİ-nin çökəcəyinə inanmırdı. Lakin bu baş verdi. İndi də eyni vəziyyətdir”.

Təhlilçi-professor İqor Nikolayev da ümumi bədbin əhval-ruhiyyəni bölüşür: “İndi pulları dollarla da saxlamaq heç nəyi sığorta etmir. Siz, sadəcə olaraq öz pulunuzu bankdan ala bilməyəcəksiniz. Yeni ildən Mərkəzi Bank da rublun məzənnəsini indiki səviyyədə saxlaya bilməyəcək”.

Onun fikrincə, bütün imkanlı şəxslər öz vəsaitlərini Rusiya banklarından çıxarıblar. Bundan zərərçəkən isə sadə rus vətəndaşları olacaq. Rusiyalı ekspert belə fikirləşir.