Türkiyədə ABŞ-ın 3 əsgərinin başına çuval keçirilib.

ANS PRESS-in məlumatına görə, Qara dənizdə NATO-nun keçirdiyi hərbi təlimdə iştirak edən USS ROSS (DDG71) adlı döyüş gəmisində xidmət edən 3 vəzifəli hərbçi Türkiyə Gənclik Birliyi (TGB) təşkilatının üzvlərinin "hücumu"na məruz qalıb. Təşkilat üzvləri ABŞ hərbçilərinin başına çuval keçirməklə İraqda Türkiyə əsgərlərinin başına gətirilən təhqiramiz olayın qısasını aldığını bəyan ediblər.

ABŞ əsgərlərinin başına gətirilən hadisə anbaan kameralar tərəfindən çəkilib. Görüntülərdə ABŞ əsgərlərinin qorxduğu öz əksini tapıb.

ABŞ-ın Türkiyədəki səfirliyi hadisəyə sərt təpki göstərib. Səfirliyin "Twitter" səhifəsində ABŞ əsgərlərinə qarşı edilən bu hərəkət qınanılıb. Və Türkiyə hakimiyyətinin də hadisəni pisləyəcəyini gözlədiklərini bildiriblər.

İspaniyanın Sevilya şəhərində körpünün üstündə selfi çəkmək cəhdi ölümlə nəticələnib.

GSR.fm Anspress-ə istinadən xəbər verir ki, polşalı turist Silva Rayxel körpüdən yıxılaraq həlak olub.

23 yaşlı qız gecə smartfonla özünü çəkmək istəyirdi. O, tarazlığını itirərək yıxılıb. Dörd metr hündürlükdən yıxılan qız körpünün beton sütununa çırpılıb. Hadisə yerinə gələn həkimlər Silvaya heç bir köməklik edə bilməyib.

Polşa mətbuatının verdiyi xəbərə görə, Rayxel Lublin şəhərində yaşayıb və o, tibbi təhsil alırdı. Təhsilini başa vurduqdan sonra qız daimi olaraq İspaniyada yaşamağı planlaşdırdı.

“Puente de Isabel II” körpüsü XIX əsrin ortalarında inşa edilib və Sevilyanın ən çox ziyarət olunan yerlərindən biri sayılır.

Gürcüstanın keçmiş baş naziri Bidzina İvanişvili həftədə bir dəfə öz televiziya layihəsində çıxış edəcək.

ANS PRESS-in məlumatına görə, bu barədə sabiq baş nazir özü açıqlama verib.

“"Teleproekt" 2030" həftənin cümə günləri GDC kanalında efirdə olacaq. "2030" üzvləri üç analitik olacaq və mən onlarla birlikdə həftədə bir dəfə digər analitiklərlə təhlil və müzakirələr aparacağıq", – deyə İvanişvili qeyd edib.

İvanişvili 2012-ci oktyabrından 2013-cü il ilin noyabrınadək Gürcüstan hökumətinin başçısı olub.

Suriyada qadınlardan biri saçının yarısı qara, yarısı ağ rəngdə olan uşaq dünyaya gətirib.

ANS PRESS-in məlumatına görə, Hələb şəhərində xəstəxanalardan birində dünyaya gələn uşağın saçının ön hissəsi ağ, arxa tərəfi isə qara rəngdədir.

Uşağı görən həkimlər xeyli təəccübləniblər. Həkimlərin sözlərinə görə, bu cür uşağa birinci dəfədir ki, rast gəliblər.

Ana və uşağın adı açıqlanmır. Lakin onların sağlığının çox yaxşı olduğu bildirilir.

2001-ci ildə uşaq baxmaq adı ilə Türkiyəyə gedən və öldürülən Azərbaycanlı qadının meyiti 13 il sonra müəyyən edilib. ANS PRESS-in məlumatına görə, qadının başsız bədəni Şişlidə, başı isə Bakırköy sahilində tapılmışdı.

Tapılan qalıqların İstanbulda dayəlik edən 37 yaşlı Tazəgül Daşadoşa adlı Azərbaycan vətəndaşına aid olduğu üzə çıxıb. Cinayət hadisəsi ilə bağlı 51 yaşlı kişi saxlanılıb.

Məlumata görə, qadın 21 aprel 2001-ci ildə evdən çıxıb. Bundan sonra onu görən olmayıb. Hadisədən 6 gün sonra onun 14 yaşlı oğlu anasının itkin düşməsi ilə bağlı polisə müraciət edib. Uşaq anasının Mövlud adlı bir kişi ilə birlikdə olduğunu, onun ailəni tez-tez narahat etdiyini deyib.

Polis bu istiqamətdə araşdırma aparanda başsız qadın cəsədi aşkar edilib. Cəsədin üzərində çox sayda kəsilmiş-deşilmiş xəsarətlər olub. Bundan sonra türk polisi Azərbaycana müraciət edərək qaının bəzi qohumlarının DNT nümunələrinin göndərilməsini istəyib. DNT araşdırmasından sonra ötən ilin noyabr ayında tapılan qalıqlarının Azərbaycan vətəndaşına aid olduğu bəlli olub.

Bundan sonra polis qadının oğlunun ifadəsi əsasında axtarışa başlayıb və qadının dostu olduğu iddia edilən kişini tapıb. Bəlli olub ki, qadın itən tarixdə adıçəkilən şəxs həkimdən belində sınıq olması ilə bağlı sənəd alıb. O, həkimlərə yağışlı yolda motosikletinin qəzaya uğradığını deyib.

Lakin polis onun qəzaya uğradığı yerlə qadının cəsədinin tapıldığı yerin bir-birinə çox yaxın olduğunu müəyyən edə bilib. Mövlud S. saxlanılan zaman qəribə hadisə baş verib. Belə ki, o nə üçün saxlandığını soruşub. Dedektivlər ona 3 kəlmə deyiblər "2001, İstanbul, Tazəgül". Bu sözləri eşidəndən sonra o olduğu yerdə çpküb və bir kəlmə belə danışmayıb.

Qətlin əsas şübhəlisi olan kişi bundan sonra saxlanılıb. Adı açıqlanmayan 51 yaşlı kişi məhkəmədə ifadəsindən sonra həbs edilib.

Ermənistan vətəndaşı Hraçik Muradyanın Avropa Məhkəməsinə etdiyi şikayət rəsmi İrəvanın daha bir yalanını ortaya çıxarıb.

ANS PRESS-in məlumatına görə, oğlu Suren Muradyan 2001-ci ildə Azərbaycanın işğal edilmiş Dağlıq Qarabağ bölgəsində həlak olduqdan sonra Hraçik Murayanın Avropa Məhkəməsinə şikayət edib.

Məsələ ilə bağlı qaldırılan məhkəmə işinə “Sünik vilayətinin Stepanakert rezidensiyasının ümumi yuridiksiyalı məhkəməsində” baxılıb. Sünki Ermənistanın Zəngəzur mahalında yaradılmış vilayətdir. Məhz bu, Hraçik Muradyanın məhkəməyə şikayət etməsinə imkan yaradıb.

Erməni vəkil Muşeq Şuşanyan Avropa məhkəməsinə müraciət etmək üçün Hraçik Muradyana yardım edib. Avropa İnsan haqları məhkəməsi isə məsələ bağlı İrəvana sorğu göndərib ki, hansı sənəd əsasında Ermənistan vətəndaşları Azərbayjanın Qarabağ bölgəsində xidmət edir?

Ermənistan məsələ ilə bağlı heç bir cavab verə bilməyib. Nəticədə, hadisə Avropa İnsan Haqları Kronvensiyasının pozulması kimi qeydə alınıb.