Avropalı klimatoloq alimlər hamısı bir ağızdan Ukrayna və Rusiya, ümumiyyətlə, Avropada son 100 ilin ən soyuq qışının yaxınlaşdığını iddia edir.

Dalga tv big.az-a istinadən xəbər verir ki, buna sübut olaraq, İrlandiyanı göstərmək olar. Belə ki, bu həftə İrlandiyada tempratur gözlənilmədəm sıfıra düşüb. Halbuki, sentyabr ayı və həmin ölkə üçün belə bir tempratur olduqca qəribədir.

Xeyr, bu heç də qlobal istilənməyə görə deyil. Sadəcə olaraq, Yer kürəsi yeni klimat dövrünə daxil olur.

Görünür, yaxın illərdə yağışla müşayiət olunan yumşaq qışa həsrət qalacağıq. Noyabr ayından artıq buzlu-şaxtalı hava bizi gözləyir. Dekabrda isə termometrlərdə mənfi 5 dərəcədən də aşağını göstərəcək.

Avropada deyil, hətta Asiyada da qar yağıntısı yüksək olacaq. Həmçinin bizə bu qış günəşli havanı da görmək az qismət olacaq. Yeri gəlmişkən, belə hava ötən əsrin 50-ci illərində müşahidə olunub.

Bu iddanı israrla irəli sürən britaniyalı klimotoloq Ceyms Meddendir. O, artıq bütün avropalıları ilin ən son isti günlərinin dadını çıxarmağa çağırıb.

"Çünki oktyabrda artıq qış fəsli olacaq.Yağış, qar, bıçaq kimi kəsən külək, aşağı tempratur başımızın üzərini kəsəcək. Qalın geyimlərinizi artırın, həmçinin evinizi isitmək məqsədilə işinizi ehtiyatlı tutun. Bizi qarşıda uzun bir qış gözləyir", - deyə, ekspert bildirir.

Maraqlıdır, görəsən, əslində nə baş verir? Nəyə görə qış bu qədər sərt keçəcək?

Buna səbəb Sakit okeanda tempraturun qəfil yüksəlməsidir. Tempratur gözlənilmədən 1 dərəcə yüksəlib və Avropa üzərində arktik hava kütlələrinin yaranmasına gətirib çıxarıb.

Sadə dillə desək, yaxın bir neçə ay ərzində soyuq şimal küləyi bütün Avropa üzərində dominantlıq edəcək.

Ekoloqlar havanın temperaturunun azalmasını bildirsələr də, "buz dövrü" haqqında danışmağın hələ tez olduğunu bildirirlər.

İraq hökuməti Mosul və Telaferi İŞİD-dən alandan sonra Suriya sərhədini də terrorçulardan təmizləmək üçün hücuma keçdiyini elan edib.

İraq ordusu cənubdakı neftlə zəngin olan Akataş şəhərinə hücuma keçib. Döyüş təyyarələri mülki əhaliyə bölgədən çıxmaqla bağlı bildirişlər atır.

Hədəfdə sərhəddəki Əl Qaim şəhəri və Fərat çayının ətrafındakı bölgələr də var. Suriya ordusu da Deyr ez Zor əməliyyatını başa vuran kimi Əl Qaimə doğru irəliləyəcək.

Beynəlxalq media İraq ordusunun hücuma keçməsi ilə bağlı xəbəri "son dəqiqə" başlığı ilə yayımlayıb.

London metrosunda baş verən partlayış zamanı çoxlu sayda insan müxtəlif yanıq xəsarətləri alıb.

APA-nın “Daily Mail”-ə istinadən verdiyi xəbərə görə, hadisə zamanı ən az 20 nəfərin yaralandığı deyilir.

Partlayışla əlaqədar əraziyə 58 yanğınsöndürən briqadası cəlb edilib.

Hadisənin terror olduğu ehtimal edilir.

ABŞ-ın Hollivud şəhərində (Florida ştatı) qocalar evində "İrma" qasırğası nəticəsində ölənlərin sayı 8-ə çatıb.

APA-nın RİA Novosti agentliyinə istinadən verdiyi xəbərə görə, bundan əvvəl 6 nəfərin öldüyü, 120 nəfərin təxliyə olunduğu bildirilirdi.

Ölüm səbəbi və hadisənin detalları hələ müəyyənləşdirilməyib. Məlumdur ki, təbii fəlakət zamanı qocalar evinə verilən elektrik enerjisi kəsilib. Polis faktla bağlı cinayət işi açılıb, araşdırma aparılır.

Beləliklə, Florida ştatında “İrma” qasırğası nəticəsində 21 nəfər, Cənubi Karolina ştatında 4, Corciyada 2 nəfər həyatını itirib. Ötən həftə isə Karib adalarında qasırğa nəticəsində 20-dən çox insan ölüb. Qeyd edək ki, “İrma” son 10 ilin ən güclü qasırğası sayılır

Avqust ayının sonundan bu günə qədər Myanmarın Rohingya əyalətindən olan ən azı 102 müsəlman qaçqın Banqladeş sərhədini keçmək istəyərkən ölüb.  

APA-nın bdnews.24-ə istinadən verdiyi xəbərə görə, onların hamısı Myanmar-Banqladeş sərhədindəki Naf çayında boğulublar.

Qeyd edək ki, qaçqınlar nasaz vəziyyətdə olan və həddən artıq yükləndiyi üçün tab gətirməyib batan qayıqlarla sərhədi keçməyə çalışırlar.

Banqladeş bölgəsinin polis əməkdaşı bildirib ki, cəsədlərdən 7-si tapılıb.

Bildirilir ki, Myanmar hadisələrinə görə, avqustun 25-dən indiyədək ümumilikdə 400 nəfər ölüb, 370 min nəfər isə Banqladeşə qaçmağa müvəffəq olub.  

Qeyd edək ki, Myanmar ordusunun silahlı qruplaşmalarla mübarizə adı altında ölkənin Arakan bölgəsində yerli müsəlmanlara hücumları nəticəsində son bir həftədə çoxlu sayda müsəlman öldürülüb. Onlarla kənd yandırılıb, on minlərlə müsəlman təhlükəsizlik məqsədilə bölgədən qaçmağa çalışır.

Avstraliyalı jurnalist Lük Houpvel özünün “Twitter” mikrobloqunda yazıb ki, Sidneydəki “Apple” mağazasında yeni “iPhone” smartfonlarının satışının başlamasını gözləyir.

Dalga tv-nin Oxu.Az-a istinadən xəbərinə görə, “telefonun təqdim edilməsinə 2 gün qalmış o, “Sydney Apple Store”un qarşısında çadır qurub”, - Houpvel yazır.

Qeyd etmək lazımdır ki, şəbəkədə bundan da əvvəl sentyabrın 8-dən mağazanın qarşısında növbə tutmuş insanların da şəkilləri peyda olub.

Xatırladaq ki, “Apple” korporasiyasının yeni telefonlarının - “iPhone 7s” və “7s Plus”un, eyni zamanda, hələ necə adlandırılacağı dəqiq məlum olmayan “iPhone 8”-in təqdimat mərasimi bu gün keçiriləcək.

ABŞ-da “iPhone 8”-in ən azı 900 dollara satılacağı gözlənilir. Rusiyada ən sadə 128 Gb yaddaşlı “iPhone 8” 90 min rubla (təxminən 2600 manata), ən bahalı model isə 110 min rubla (3200 manata) satılacaq. Azərbaycanda yeni modellərin qiyməti hələlik açıqlanmayıb.