Rusiya Hava Kosmik Qüvvələrinə məxsus Su-24 bombardmançı təyyarəsi Suriyanın Hmeymim aerodromundan havaya qalxarkən qəzaya uğrayıb. İ,ki pilot ölüb.

Dalga tv-nin Oxu.Az-a istinadən məlumatına görə, bu barədə Rusiya Müdafiə Nazirliyi xəbər yayıb.

“Oktyabrın 10-da Su-24 bombardmançı təyyarəsi Hmeymim (Suriya) aerodromundan havaya qalxmağa çalışarkən, uçuş-enmə zolağından kənara çıxaraq parçalanıb. Təyyarənin heyəti katapult etməyə imkan tapmayıb və həlak olub”, - deyə məlumatda bildirilir.

Müdafiə Nazirliyinin hadisə yerindən hesabatına əsasən, qəzaya təyyarənin texniki nasazlığı səbəb olub.

ABŞ polisi Nyu-Yorkda terror aktı hazırlamaqda şübhəli bilinən 3 nəfəri saxlayıb.

APA-nın məlumatına görə, bu barədə NBC telekanalı xəbər verib.

Məlumata görə, əhalinin sıx olduğu və gediş-gəlişli ərazilərdə hücumlar planlaşdıran şəxslər ötən ilin yayında saxlanılsalar da, istintaq sirri olduğu üçün bu barədə məlumat verilməyib.

Saxlanılanların adları açıqlanıb. Bunlar 19 yaşlı Kanada vətəndaşı Əbdürrəhman əl-Bəhnəsavi, 19 yaşlı ABŞ vətəndaşı Təlha Xarun və 37 yaşlı Filippin vətəndaşı Rassel Salikdir. NBC-nin məlumatına əsasən, saxlanılanların hər üçünə ömürlük həbs cəzası verilə bilər.

Qırğız Respublikası baş nazirinin müavini yol-nəqliyyat hadisəsi nəticəsində ölüb.

APA-nın "azattyk"a istinadən verdiyi xəbərə görə, bu gün səhər saatlarında Bişkek-Qara balta yolunda baş nazirin müavini Temir Cumakadırovun xidməti avtomobili ilə yük maşını toqquşub. Nəticədə minik maşınında olan T. Cumakadırov və daha iki nəfər aldığı xəsarətdən ölüb.

1979-cu il təvəllüdlü T. Cumakadırov bu il baş nazirin müavini təyin edilib. 

Braziliyada uşaq bağçasındakı yanğını törədənin kimliyi bəlli olub.
Bağçada mühafizəçi kimi çalışan 50 yaşlı Damiao Soares dos Santos qərəzli şəkildə bağçaya benzin tökərək yandırıb. Hadisə ilə bağlı şəhərdə 7 günlük matəm elan edilib.
Ölən uşaqların ailələrinə baş sağlığı verilib.

Rusiyanın Moskva vilayətində avtobus aşıb.

Oxu.Az-ın RF Daxili İşlər Nazirliyinin region üzrə Baş İdarəsinə istinadən verdiyi məlumatına əsasən, hadisə nəticəsində 5 nəfər ölüb, 9 nəfər xəsarət alıb.

Qeyd edilir ki, Ozyor şəhərindən Moskva istiqamətində hərəkət edən avtobusda 39 nəfər olub. 

Hazırda, hadisə yerində polis işləyir.
 
İlkin məlumata görə, qəza sürücünün idarəetməni itirməsi səbəbindən baş verib. 

Dəqiq səbəblər aydınlaşdırılır. 

Türkiyənin Hakkari əyalətinin Yüksəkova rayonunda törədilən terror aktı nəticəsində 4 hərbçi şəhid olub, 4-ü yaralanıb.

Dalga tv bu barədə CNN TÜRK-ə istinadən xəbər verir.

Terrorçu PKK qruplaşmasının silahlıları hərbçilərə əl qumbarası atıb.

Yaralı hərbçilər xəstəxanaya yerləşdirilib.

Hazırda terrorçuların tutulması istiqamətində əməliyyat keçirilir.