2018-ci ildə dünyada güclü zəlzələlərin sayı artacaq.

Dalga tv  "Ölkə.Az"a istinadla xəbər verir ki, bu iddianı Kolordo universitetinin geofiziki Rocer Bilham səsləndirib.

Ekspert 1900-cü ildən bu yana baş verən 7 baldan güclü zəlzələlərin statistikasını tədqiq edib. Məlum olub ki, əgər daxili səbəblərdən Yer öz oxu ətrafında daha asta dövr edirsə, zəlzələlərin sayı artır. Məqalə "Geophysical Research letters" jurnalında dərc edilib.

XX əsr boyu zəlzələlərin sayının orta statistik göstəricilərdən çox olduğu 5 dövr var. Bu dövr müddətində il ərzində 25-30 güclü zəlzələ qeydə alınıb. Digər vaxtlarda isə 15 güclü zəlzələ qeydə alınıb.

İsrai Qəzza bölgəsində yeni müharibəyə hazırlaşır.

Dalga tv RTVI-yə istinadən xəbər verir ki, “Dəmir günbəz” artıq Tel-Əvivin yaxınlığında yerləşdirilib.

Mütəxəssislərin fikrincə İsrailin Qəzza bölgəsindəki hərbi əməliyyatlarından cəmi 3 il keçməsinə baxmayaraq, ölkə yenidən raket zərbələrindən qorunmaq üçün hazırlıqlarını davam etdirir.

Mövzu ilə əlaqədar istefada olan general, Knessetin deputatı Elyazar Ştern telekanala müsahibə verib.

Xəbər verdiyimiz kimi, oktyabrın 20-də, axşam saatlarında içkili vəziyyətdə olan 41 yaşlı bir şəxs sərxoş vəziyyətdə Almaniyanın Kassel vağzalında özünü olduqca aqressiv aparıb, polislər onu sakitləşdirməyə çalışdıqda isə qışqırmağa başlayıb və bildirib ki, yükündə bomba var və onu partladacaq. Virtualaz.org bu xəbəri yerli "Llokalo24" nəşrinə istinadən yaymışdı.

Alman nəşri qeyd etmişdi ki, fransız pasportu daşıyan adamın azərbaycanlı olduğu müəyyənləşdirilib. Hadisə vaxtı o, güclü sərxoşluq vəziyyətində olub. Şəxs 500 avro həcmində cəriməni ödədikdən sonra sərbəst buraxılmışdı.

Hadisənin təfərrüatlarını öyrənmək və partlayış törətməklə alman polisini hədələmiş "azərbaycanlı"nın kimliyi ilə bağlı daha müfəssəl məlumat almaq üçün saytımızın əməkdaşı Azərbaycan Respublikası Daxili İşlər Nazirliyinin Mətbuat Xidməti ilə əlaqə saxlayıb. Xidmətin rəisi Ehsan Zahidov sorğumuza cavab olaraq bildirib ki, məsələ ilə bağlı DİN müəyyən araşdırma aparıb və həmin şəxsin kimliyi artıq tam müəyyən olunub.

"Qeyd olunan hadisəni törətmiş şəxs 3 sentyabr 1976-cı il tarixdə Azərbaycanda anadan olmuş, hazırda Fransada daimi yaşayan erməni milliyyətinə mənsub Sarkisyan Artur Rudolfoviçdir", - Ehsan Zahidov deyib.

Göründüyü kimi, keçmiş "həmvətənlərimiz" fürsət düşdükcə özlərini azərbaycanlı kimi təqdim etməyi unutmurlar. Xüsusilə, söhbət bu cür nalayiq əməllərdən gedirsə. Daxili İşlər Nazirliyinin həyata keçirdiyi araşdırma ermənilərin Azərbaycana qarşı növbəti qara yaxma cəhdinin qarşısını almağa kömək edib və onların maskalarını çıxararaq, dünyaya kimin kim olduğunu göstərib.

Rusiyanın Mariy El rayonunda baş verən ağır qəzada ölənlərin sayı 15-ə çatıb.

Dalga tv Oxu.Az-a istinadən xəbərinə görə, bu barədə Lenta.ru nəşrinə Rusiya İstintaq Komitəsinin nümayəndəsi Svetlana Petrenko məlumat verib.

Bildirilir ki, ölənlərin arasında yetkinlik yaşına çatmayan bir nəfər var.

İranda zəlzələ dağıntıları arasından körpə xilas edilib.

Dalga tv Qafqazinfo-ya istinadən xəbər verir ki, bu barədə ölkənin Fövqəladə Hallar Nazirliyi rəsmisi məlumat verib. Körpə 3 gün dağıntıların altında qalıb. 

Xatırladaq ki, İran-İraq sərhədində noyabrda 12-də 7,3 bal gücündə zəlzələ baş verib. Zəlzələdə ölənlərin sayı 500-ü keçib.

Yunanıstanın Attika bölgəsində baş verən daşqınlar nəticəsində 13 nəfər həyatını itirib.

APA-nın RİA Novosti agentliyinə istinadən verdiyi xəbərə görə, ölənlərin sayının artacağı istisna edilmir.

Məluma görə, şiddətli yağışlar regiona fəsadlarla nəticələnən daşqınlara səbəb olub. Mandra, Maqula, Nea-Paramos, Elefsina və Aspropirqos şəhərləri su altında qalıb. Sinoptiklər yağıntılı havanın noyabrın 19-dək davam edəcəyini proqnozlaşdırıblar.