İndoneziyanın Tangeranq şəhərində yerləşən fişəng zavodunda baş verən partlayış nəticəsində ən azı 46 nəfər ölüb.

Bu barədə Oxu.Az "AFP" agentliyinə istinadən xəbər verir. 

Ölənlərin əksəriyyətinin cəsədləri yandığı üçün kimliklərini təyin etmək çətindir.

Hazırda hadisənin səbəbi araşdırılır. 

Yaponiyanın mərkəzində tüğyan edən “Lan” qasırğası nəticəsində 7 nəfər ölüb, daha 90 nəfər yaralanıb.

Dalga tv Oxu.Az-a istinadən xəbər verir ki, təbii fəlakət, əsasən, Sidzuoka prefekturasında fəsad törədib.

Qasırğa daha sonra Kanto regionundan Yaponiyanın şərq hissəsinə istiqamət alıb.

ABŞ-ın Tennesi ştatında yük qatarı relsdən çıxıb.

Dalga tv Oxu.Az-a istinadən xəbər verir ki, yük qatarı 50 vaqondan ibarət olub. Qatar relsdən çıxdıqdan sonra yaxınlıqdakı binalara çırpılıb.

Məlumata əsasən, ölən və xəsarət alan olmayıb. Bir neçə binaya ciddi ziyan dəyib.

Madaqaskarda taun epidemiyası 107 nəfəin həyatına son qoyub.

Dalga tv  xəbər verir ki, bu barədə DW məlumat yayıb.

Qeyd edilir ki, daha 1150 nəfərin bu xəstəliyə yoluxduğu ehtimal edilir. Laboratoriya testlərinin məlumatına görə, 300 yoluxma hadisəsi rəsmən təsdiqlənib.

Madaqaskarla yanaşı, Afrikanın digər ölkələrində - Konqo Demokratik Respublikasında, Tanzaniyada da tauna yoluxmayla bağlı hadisələr praktik olaraq hər il qeyd edilir.

“Builki epidemiya daha çox təhlükəlidir”, - deyə Beynəlxalq Qırmızı Xaç və Qırmızı Aypara Cəmiyyətlərinin federasiyasından bildirilib. Bu, onunla bağlıdır ki, yoluxma hadisələri ekspertlərin proqnozlaşdırdığından daha erkən dövrdə qeydə alınıb.

Kiyevdə Ali Rada binasının yaxınlığında keçirilən aksiyada polis və aksiya iştirakçıları arasında toqquşma  olub.

Dalga tv APA-ya istinadən verdiyi məlumata görə, Gürcüstanın sabiq prezidenti, Odessa vilayətinin keçmiş qubernatoru Mixail Saakaşvili tribunada çıxışında bildirib ki, polis səs avadanlığı ilə təchiz olunmuş maşın vasitəsi ilə çıxışçıların səsinin aksiyaçılar tərəfindən eşidilməsinə mane olur.

M. Saakaşvili aksiyaçıları maşını götürməyə çağırıb. Polis maşına yaxınlaşan aksiyaçıların qarşısını almağa çalışıb və toqquşma baş verib. Aksiya təşkilatçıları mitinq iştirakçılarına qarşıdurmanı dayandırmağa çağırıb. Bundan sonra toqquşma dayanıb.

Qeyd edək ki, Odessa vilayətinin sabiq qubernatoru Mixail Saakaşvilinin lideri olduğu “Yeni Qüvvələr Hərəkatı” və digər müxalif partiyaların tərəfdarları oktyabrın 18-dən Ali Radanın qarşısındakı Konstitusiya meydanında aksiya keçirir. Aksiya təşkilatçıları və iştirakçıları parlamentdən deputat toxunulmazlığını ləğv etməyi, seçki qanunvericiliyini dəyişməyi, eyni zamanda Antikorrupsiya Məhkəməsi yaratmağı tələb edirlər.

Əfqanıstanda iki məsciddə törədilən partlayış nəticəsində ölənlərin sayı 69-a çatıb, 100-dən çox insan yaralanıb.

Dalga tv-nin Oxu.Az-a istinadən verdiyi xəbərə görə, partlayışlardan biri paytaxt Kabildə, digəri isə Qor əyalətinin inzibati mərkəzi olan Çaqçaran şəhərində baş verib.

Partlayışları terrorçu-kamikadzelər törədib. Kabildəki İmam Zaman məscidində qadın və uşaqlar daxil olmaqla 39 nəfər həyatını itirib. Qor əyalətində isə 30 nəfər terror qurbanı olub.