Dalga Televiziyasi İqtisadiyyat
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün1904
DünənDünən3396
Bu həftəBu həftə1904
Bu ayBu ay51172
Bu günə qədərBu günə qədər2899613

Bizi Paylaşın

Video Xəbərlər

 

Təqvim


İqtisadiyyat

Gürcüstanda iqtisadi artım 5%-ə çatıb

2017-ci ilin sentyabr ayında Gürcüstanda ÜDM-in artım tempi 5% təşkil edib.

APA-nın yerli bürosu Gürcüstanın Milli Statistika İdarəsinə istinadən xəbər verir ki, 2017-ci ilin ilk doqquz ayı ərzində ÜDM-in artım tempi 4,7%-ə çatıb.

Sentyabr ayının digər iqtisadi göstəricilərinə gəlincə, aylıq inflyasiya 0,7% olub. İstehlak qiymətləri isə avqust ayı ilə müqayisədə 2% artıb. Qonşu ölkənin yanvar-sentyabr aylarında xarici ticarət dövriyyəsi ötən illə müqayisədə 12,1% artıb.

Sentyabr ayında Gürcüstanda 4067 müəssisə qeydiyyatdan keçib ki, bu da ötən illə müqayisədə 0,4% çoxdur.

Dövlət büdcəsinin gəlirləri 863,6 mln. lari, xərcləri isə 757,9 mln. lari təşkil edib.

Özbəkistan Bakı-Tbilisi-Qars dəmir yoluna maraq göstərir

Özbəkistan Bakı-Tbilisi-Qarsdəmir yolu ilə yüklərin daşınmasına maraq göstərir.

APA-nın yerli bürosu Gürcüstanın Maliyyə Nazirliyinə istinadla xəbər verir ki, bu barədə Özbəkistan baş nazirinin müavini Nodir Otajonov Gürcüstanın maliyyə naziri Dmitri Kumsişvili ilə görüşdə deyib. Tərəflər arasında görüş Qazaxıstanda keçirilən İqtisadi Əməkdaşlıq və İnkişaf Təşkilatının (OECD) “Avrasiya həftəsi 2017” tədbiri çərçivəsində baş tutub.

Görüşdə iki ölkə arasında tranzit sahəsində əməkdaşlığın vacibliyi qeyd olunub. Tərəflər  ikitərəfli ticari-iqtisadi əməkdaşlığın inkişafı üçün böyük potensialın olduğunu vurğulayıblar.

Qeyd edək ki, Bakı-Tbilisi-Qars dəmir yolunun rəsmi açılış mərasimi oktyabrın 30-da Bakıda baş tutacaq.

Dmitri Kumsişvili ikinci "CEO Lunch Tbilisi"də iştirak edəcək

Oktyabrın 27-də Gürcüstanda keçiriləcək ikinci CEO Lunch Tbilisi-yə iştirakçıların qeydiyyatı davam edir.

"APA-Economics" xəbər verir ki, bu barədə "Caspian European Club" və "Caspian American Club"un sədrinin birinci müavini və baş icraçı direktoru Telman Əliyev məlumat verib.

Onun sözlərinə görə, foruma qeydiyyat oktyabrın 26-dək açıq olacaq. Qeydiyyatdan keçmək üçün bu linkə daxil olmaq lazımdır: http://www.caspianenergy.org/index.php/ceo-lunch/item/125-ceo-lunch-tbilisi-gruziya-27-10-2017

"Fəxri qonaq qismində tədbirdə Gürcüstanın baş nazirinin birinci müavini, maliyyə naziri Dmitri Kumsişvili və Azərbaycanın Gürcüstandakı səfiri Dursun Həsənov, Gürcüstanın maliyyə nazirinin birinci müavini Giorgi Tabuaşvili, maliyyə nazirinin müavinləri Laşa Xutsişvili, Nikolaz Qaqua, Giorgi Kakauridze iştirak edəcəklər", - deyə T. Əliyev bildirib.

T. Əliyev "CEO Lunch Tbilisi"nin hər bir iştirakçı şirkəti ilə şəxsən söhbət edən, onların problemləri ilə maraqlanan və Azərbaycanla Gürcüstan arasında ikitərəfli iqtisadi və işgüzar münasibətlərin nizamlanmasına dair onların təkliflərini dinləyən Azərbaycanın Gürcüstandakı səfirinin şəxsi dəstəyini və iştirakını xüsusilə vurğulayıb.

O həmçinin xatırladıb ki, birinci "CEO Lunch Tbilisi" sentyabrın 29-da Gürcüstanda "Caspian Energy Georgia"nın fəaliyyətinin rəsmi yenilənmə mərasimi çərçivəsində Gürcüstanın baş naziri Georgi Kvirikaşvilinin iştirakı ilə təşkil olunub. Üçüncü "CEO Lunch Tbilisi" dekabrın 1-də baş tutacaq. T. Əliyev 2018-ci ilin martında Gürcüstan və Azərbaycan hökumətlərinin, həmçinin "Caspian European Club"un dəstəyi ilə 5-ci Beynəlxalq "Caspian Energy Forum"un keçiriləcəyini əlavə edib. Forumun açılışında Gürcüstanın baş nazirinin iştirakı planlaşdırılır.

"Networking"in aparıcı vasitəsi olan "CEO Lunch" şirkət rəhbərlərinin qeyri-rəsmi şəraitdə ünsiyyətinə imkan yaratmaq və yeni əlaqələr qurmaq məqsədilə təşkil olunur. O qeyd edib ki, "Caspian European Club" və "Caspian American Club" (CEİBC) şirkətlərinin top-menecerlərinin iştirakı ilə hər ayın üçüncü çərşənbə günü Bakıda, hər ayın sonuncu cümə günü Tbilisidə "CEO Lunch" təşkil edir.

Sıralarında dünyanın 50 ölkəsindən olan 5 mindən artıq şirkət və təşkilatı birləşdirən "Caspian European Club" Xəzər-Qara dəniz regionunda fəaliyyət göstərən nəhəng neft-qaz şirkətlərinin dəstəyi ilə 2002-ci ilin iyununda yaradılıb. "Caspian European Club" dövlət qurumları ilə özəl sektor arasındakı dialoqun dəstəklənməsi istiqamətində fəal iş aparmaqla yanaşı, həmçinin kiçik və orta biznesin və startapların inkişafı üzrə layihələrə informasiya və təşkilati dəstək göstərir.

Azərbaycanla Gürcüstan arasında ticarət dövriyyəsi 500 mln. dolları ötüb

2017-ci ilin yanvar-sentyabr aylarında Azərbaycanla Gürcüstan arasında ticarət dövriyyəsinin həcmi 567,070 mln. dollar təşkil edib.


APA-nın yerli bürosu Gürcüstanın Milli Statistika İdarəsinə istinadən xəbər verir ki, 9 ay ərzində Azərbaycan Gürcüstandan 167 mln. 787,3 min dollar dəyərində məhsul idxal edib. Azərbaycanın qonşu ölkəyə ixracı isə 399 mln. 282,7 min dollar dəyərində olub.

Hesabat dövründə Gürcüstanın xarici ticarət dövriyyəsinin ümumi həcmi 7 mlrd. 567,5 mln. dollar təşkil edib ki, bu da ötən ilin eyni göstəricisindən 12,1% çoxdur.

Qonşu ölkənin ixracı 28,3% artaraq 1 mlrd. 940,3 mln. dollar, idxal isə 7,4% artaraq  5 mlrd. 627,2 mln. dollar təşkil edib.

Bu ilin 9 ayı ərzində Gürcüstanın ən çox ixrac etdiyi məhsullar arasında mis filizi və konsentratlar (ümumi ixracın 16%-i) birinci yeri saxlayıb. İkinci və üçüncü yerləri isə müvafiq olaraq  ferroərintilər (12,2%) və minik avtomobilləri (7,7%) tutub.

Qonşu ölkənin ən çox idxal etdiyi məhsulların ilk üçlüyünə isə neft və neft yağları (ümumi idxalın 8,7%-i), minik avtomobilləri (6%) və mis filizi və konsentratlarıdır (4,6%).

SOCAR-ın Karbamid Zavodunun tikinti işləri 93,3% yekunlaşıb

SOCAR-ın Karbamid Zavodunun tikinti işləri 99,3% yekunlaşıb.

APA-Economics”in məlumatına görə, bunu “SOCAR Karbamid” şirkətinin rəhbəri Xəyal Cəfərov bu gün Bakıda keçirilən “Argus Azərbaycan Beynəlxalq Neft Sammiti”ndə deyib.

Onun sözlərinə görə, zavodda ümumi işlərin 98,1%-i yerinə yetirilib: “Karbamid zavodunun mühəndislik işləri, satınalmalar 100%, quraşdırma işləri isə 88,5% tamamlanıb. Bu ilin sonuna inşaat işləri başa çatacaq, zavod gələn il istifadəyə veriləcək”.

X. Cəfərov bildirib ki, sentyabr ayına 14 mln. adam/saat təhlükəsiz iş görülüb, Gələn ilin yanvar ayına bu göstərici 15  mln. adam/saata çatacaq. Tikinti dövründə çalışanların sayı 2200-3600 nəfərdir, istismar dövründə 300-350 nəfərişçi olacaq. Müəssisədə ildə 650-660 min ton karbamid istehsal olunacaq”.

Zavod rəhbərinin sözlərinə görə, bunun 150-200 min tonu  daxili bazar üçün, qalan hissəsi isə ixrac üçün nəzərdə tutulub: “İxracda Türkiyə əsas marşrut olacaq. Gürcüstan, digər Qara dəniz və Aralıq dənizi ölkələri də ixrac marşrutları ola bilər".

Gürcüstanın xarici ticarət dövriyyəsi artıb

2017-ci ilin yanvar-sentyabr aylarında Gürcüstanın xarici ticarət dövriyyəsi 7 mlrd. 567,5 mln. dollar təşkil edib.

APA-nın yerli bürosu Gürcüstanın Milli Statistika İdarəsinə istinadən xəbər verir ki, bu göstərici ötən ilin eyni göstəricisi ilə müqayisədə 12,1% çoxdur.

Cari ilin 9 ayı ərzində qonşu ölkənin ixracı 28,3% artaraq 1 mlrd. 940,3 mln. dollara çatıb, idxal isə 7,4% artaraq 5 mlrd. 627,2 mln. dollar təşkil edib.

Ticarət dövriyyəsinin kəsiri 3 mlrd. 686,9 mln. dollar olub.

Gürcüstanın Azərbaycana olan borcu açıqlandı

2017-ci ilin oktyabrın 1-nə Gürcüstanın xarici dövlət borcu 5 mlrd. 5,855 mln. dollar təşkil edir.

Dalga tv xəbər verir ki, bu barədə APA-nın yerli bürosu Gürcüstanın Maliyyə Nazirliyinə istinadən məlumat yayıb. Bildirilir ki, borcun 4,963 mlrd. dolları hökumətin payına düşür.

Qonşu ölkənin Azərbaycana olan borcu 8,995 mln. dollar təşkil edir.

Gürcüstanın ən çox Almaniya (288 mln. dollar), Yaponiya (207 mln. dollar) və Fransaya (131 mln. dollar) borcu var. Türkiyə, Rusiya və Ermənistana Gürcüstanın dövlət borcu müvafiq olaraq 17,2 mln., 72,5 mln. və 10,3 mln. dollar təşkil edir.

"SOCAR Trading" hər il Maltaya 400 mln. kubmetr təbii qaz ekvivalentində maye qaz çatdıracaq

"SOCAR-ın strateji inkişaf prioritetləri arasında xarici bazarlarda fəaliyyətinin genişləndirilməsi, investisiya proqramlarının həyata keçirilməsi məhsuldar iqtisadi əlaqələrin qurulması mühüm yer tutur".


"APA-Economics" xəbər verir ki, bunu SOCAR prezidenti Rövnəq Abdullayev Bakıda keçirilən "Argus Azərbaycan Beynəlxalq Neft Sammiti - 2017"-də çıxışı zamanı bildirib.


Onun sözlərinə görə, SOCAR dünya bazarlarına inamla daxil olan müasir rəqabətədavamlı, şaquli inteqrasiya olunmuş şirkət kimi mövqeyini gücləndirməkdədir: "Gürcüstanda Kulevi terminalı, "SOCAR Energy Georgia", Türkiyə, Ukrayna, Rumıniyada şirkətlərimiz fəaliyyət göstərir. "SOCAR Trading" şirkəti Avropada özünü tanıdaraq Cenevrə, Sinqapur, Birləşmiş Ərəb Əmirlikləri, Nigeriya, Vyetnam, Malta, Şərqi və Qərbi Avropa, Şimalı və Qərbi Afrika və Aralıq dənizi hövzələrindəki bazarlarda öz mövqelərini möhkəmləndirib. "SOCAR Trading" beynəlxalq şirkətlərdən ibarət konsorsiumun tərkib hissəsi olaraq Malta dövlətinin enerji ehtiyatlarının təmin edilməsi, elektrik stansiyasının inşası və qazlaşdırılması üzrə tenderin qalibi olub. Layihə çərçivəsində 2018-ci ildən etibarən hər il 400 milyon kubmetr təbii qaz ekvivalentində maye qazın Maltaya çatdırılması nəzərdə tutulub".

Gürcüstanın baş naziri: “Regionda böyük inkişaf tendensiyası var”

“Bu gün yalnız Gürcüstanda deyil, regionda da böyük inkişaf tendensiyası var”. APA-nın yerli bürosunun məlumatına əsasən, bunu Gürcüstanın baş naziri Giorgi Kvirikaşvili hökumətin iclasında deyib. Baş nazirin sözlərinə görə, Gürcüstanda iqtisadi artım ölkənin Ukrayna hadisələrinə görə regionda yaranmış böhrandan uğurla çıxdığını göstərir.

“İlin sonuna Gürcüstanda iqtisadi artım planlaşdırıldığından daha yüksək olacaq. Beynəlxalq Valyuta Fondu Gürcüstanda iqtisadi artım proqnozunu 4,3%-ə qədər yaxşılaşdırıb, lakin biz ilin sonuna daha böyük artım tempini gözləyirik”, - deyə G.Kvirikaşvili söyləyib.

Qeyd edək ki, 2017-ci ilin ikinci rübündə Gürcüstanda iqtisadi artım 4,7% təşkil edib. Hökumət bu il üçün 4% iqtisadi artım planlaşdırıb. 2016-cı ildə qonşu ölkədə real iqtisadi artım 2,2% təşkil edib. 

SOCAR neft hasilatını azaldıb

SOCAR avqust ayında 626.6 min ton neft hasil edib. 

Dalga tv  şirkətə istinadən xəbər verir ki, iyulda bu rəqəm 631.5 min ton təşkil edib. Beləliklə neft hasilatı avqustda iyul ayı ilə müqayisədə 1,5 faiz azalıb.   

Qeyd edək ki, yanvar-avqust aylarında SOCAR 4 963,5 min ton xam neft hasil olunub.

Gürcüstan Azərbaycandan yanacağın idxalını artırıb

Gürcüstan Azərbaycandan benzin və dizel yanacağı idxalını artırıb.  

APA-nın yerli bürosunun Gürcüstanın Neft Məhsulları İdxalçıları Birliyinə istinadən verdiyi xəbərə görə, qonşu ölkə sentyabr ayında Azərbaycandan 21 min ton benzin və dizel yanacağı idxal edib.

Bu, avqust ayının göstəricisindən 9,4 min ton çoxdur. Ötən ay Gürcüstanın neft məhsulları idxalının 19,2 faizi Azərbaycanın payına düşüb. 
 

Sentyabr ayında Gürcüstanın ən çox benzin və dizel yanacağı idxal etdiyi ölkələrin siyahısında Rusiya (30,5 min ton) birinci yeri tutub. Qonşu ölkə həmçinin Rumıniya (23,3 min ton), Bolqarıstan (14,8 min ton), Türkmənistan (14 min ton) və Yunanıstandan (5,8 min ton) neft məhsullarını idxal edib. Bu ilin ilk 9 ayı ərzində Gürcüstanın idxal etdiyi benzin və dizel yanacağının ümumi həcmi  786,6 min ton təşkil edib ki, bu da ötən ilin eyni göstəricisindən 6,9 faiz azdır. 

Bakı-Tbilisi-Qars dəmir yolu ilə ilk yük qatarının 2 ay sonra yola salınması gözlənilir

Bakı-Tbilisi-Qars dəmir yolunun nəqletmə perspektivləri olduqca böyükdür.”
 

APA-nın Gürcüstan bürosunun məlumatına görə, bunu Gürcüstanın iqtisadiyyat və davamlı inkişaf naziri Georgi Qaxariya deyib. O bildirib ki, dəmir yolu xətti Çin və Avropanı birləşdirəcək: “Bakı-Tbilisi-Qars dəmir yolu bütün növ yüklər üçün nəzərdə tutulacaq və artıq Qazaxıstandan Türkiyəyə yük konteynerlərinin daşınması ilə bağlı təkliflər var”.
 

Nazirin sözlərinə görə, dəmir yolu Gürcüstanın limanları üçün rəqib olmayacaq.


“Gürcüstan Dəmir Yolu” SC-nin sədri Mamuka Baxtadze isə deyib ki, Bakı-Tbilisi-Qars dəmir yolu ilə ilk yük qatarının təxminən 2 aydan sonra yola düşməsi gözlənilir: “Türkiyə və Azərbaycandan olan həmkarlarımızla çalışacağıq ki, buna nail olaq. Sərnişinlərə gəlincə, bunun üçün əlavə infrastruktur işləri başa çatdırılmalı və yeni qatarlar alınmalıdır”.

 
Qeyd edək ki, bu gün Gürcüstanın iqtisadiyyat və davamlı inkişaf naziri Georgi Qaxariya, “Azərbaycan Dəmir Yolları” QSC-nin sədri Cavid Qurbanov və Türkiyənin nəqliyyat, dənizçilik və rabitə naziri Əhməd Arslan Bakı-Tbilisi-Qars dəmir yolunda aparılmış işlərlə tanış olublar.

https://youtu.be/apIG8u9LCnY

Saytda Axtarış

Son xəbərlər