İrakli Kobaxidze İlham Əliyevi Gürcüstana səfərə dəvət edib

Baş nazir İrakli Kobaxidze Azərbaycan Respublikasının Prezidenti İlham Əliyev ilə görüşüb.
Bu barədə Hökumət administrasiyası məlumat yayıb.

Məlumata əsasən, təkbətək görüş Bakıda BMT-nin İqlim Dəyişikliyi üzrə 29-cu Konfransı çərçivəsində keçirilib.

Görüş zamanı tərəflər konfransda müzakirə olunacaq məsələləri və iki ölkənin strateji tərəfdaşlığını müzakirə ediblər. Onlar müxtəlif sahələrdə uğurlu əməkdaşlığın mövcudluğunu, regional əhəmiyyətli birgə layihələrin ölkələrin və regionun inkişafı üçün rolunu vurğulayıblar.

Görüşdə regionda təhlükəsizlik problemlərinə də diqqət yetirilib. Tərəflər regionda sülhün və sabitliyin təmin edilməsinə imkan daxilində kömək etməyə hazır olduqlarını təsdiqləyiblər.

Qeyd edək ki, baş nazir İrakli Kobaxidze İlham Əliyevi Gürcüstana rəsmi səfərə dəvət edib.