Baş nazir: Gürcüstan-Azərbaycan sərhədi ilə bağlı məsələ dostluq münasibətlərimizin ruhuna uyğun həll olunacaq

Əminəm ki, Gürcüstan-Azərbaycan sərhədi ilə bağlı bütün məsələlər iki ölkə arasındakı strateji tərəfdaşlıq və dostluq münasibətlərinin ruhuna uyğun həll olunacaq.
AZƏRTAC xəbər verir ki, bu fikirləri Gürcüstanın Baş naziri Mamuka Baxtadze mayın 23-də keçirdiyi brifinqdə söyləyib.
Hökumət başçısının sözlərinə görə, tərəflər yeni komissiyalar yaratmaq və işə başlamaq barədə qərar qəbul ediblər. Amma bu, çox zəhmət tələb edən məsələdir və hər bir nüans xüsusi diqqət tələb edir.