Ukrayna Moskvaya kütləvi PUA hücumu həyata keçirib

Ötən gecə Moskva və Moskva vilayəti Ukraynanın pilotsuz uçuş aparatlarının (PUA) kütləvi hücumuna məruz qalıb. Bu barədə Moskva meri Sergey Sobyanin məlumat verib.

Mərin sözlərinə görə, Rusiya hava hücumundan müdafiə qüvvələri paytaxt istiqamətinə yaxınlaşan 32 PUA-nı vurub. Zelenoqrad, Ramenskoye, Dubna və Sergiev Posad şəhərlərində partlayış səsləri eşidilib.

PUA hücumu ilə əlaqədar Moskvanın bütün hava limanlarında uçuş və enişlər müvəqqəti olaraq məhdudlaşdırılıb, hava məkanı tam qapadılıb. Domodedovo, Şeremetyevo, Vnukovo və Jukovski hava limanlarında ümumilikdə 133 reys ləğv edilib, gecikib və ya digər hava limanlarına yönləndirilib. Uçuşların böyük hissəsi Sankt-Peterburqdakı Pulkovo hava limanına istiqamətləndirilib. Moskva hava limanlarının fəaliyyəti yerli vaxtla saat 08:00-da bərpa edilib.

Rusiya Müdafiə Nazirliyinin məlumatına görə, 10-dan 11 dekabr gecəsi ərzində ölkə üzərində ümumilikdə 287 Ukrayna PUA-sı məhv edilib. Onlardan 40-ı Moskva regionu üzərində vurulub. Nazirlik müxtəlif vilayətlər üzrə ümumi məhv edilən PUA sayını da təqdim edib.