Türkiyənin cənubundakı Qazientep şəhərində terrorçu-kamikadze özünü partladıb. Modern.az xarici mediaya istinadən bildirir ki, yaraqlı İraq-Şam İslam Dövləti (İŞİD) terror qruplaşmasının üzvü olub.
İlkin məlumata görə, insident zamanı 4 polis əməkdaşı yaralanıb. 

Prezident təcili toplantının keçirilməsini istəyib.

Fransa dəhşətli terror aktları törədən, 129 insanın həyatına son qoyan İŞİD terrorçu qruplaşması daha bir ölkəni hədələyib.

ANS PRESS-in məlumatına görə, Albaniyanın daxili işlər naziri Sami Tahiri bəyan edib ki, İŞİD terrorçularından hədə dolu mesajlar gəlir. İŞİD-dən nazir Tahiriyə gələn elektron müsajda vurğulanır ki, Parisdən sonra növbə Albaniyada, daha dəqiq paytaxt Tiranadadır.

"Siz Allahın önündə müharibəni titrəyərək uduzacaqsınız", deyə İŞİD-in göndərdiyi mesajlarda bildirilir.

Bu məsələni müzakirə etmək üçün daxili işlər naziri Tahiri ölkənin yüksək səlahiyyətli şəxsləri ilə görüşüb. Prezident Buyar Nişani isə təcili toplantı keçirilməsini tələb edib.

Fransada baş verən silsilə terror hadisələrindən sonra paytaxt Parisdəki Eyfel qülləsi qaranlığa bürünüb.

ANS PRESS-in məlumatına görə, azı 129 insanın ölümü ilə nəticələnən hadisələrdən sonra şəhər hakimiyyəti qüllənin işıqlandırılmasını dayandırıb.

Şəhər hakimiyyəti 13 noyabr gecəsi silsilə terror aktlarında həlak olanların xatirəsini yad etmək məqsədilə belə bir addım atıb.

Terror aktlarından sonra Eyfel qülləsinin sosial şəbəkədə paylaşılan şəkli

Bundan başqa, internetdə və sosial şəbəkələrdə "#JeSuisParis" ("Mən Parisəm") və "#PrayForParis" ("Paris üçün dua et") həştəqləri ilə yazılar paylaşılır.

Terror hadisələrindən sarsılan insanlar "mən insanları görürəm, insanlığı deyil" ("I see humans, but no humanity") kimi yazılarla etirazlarını bildirirlər. Bəziləri isə terroru lənətləyən insanlarların küçəyə axışan şəkillərini paylaşırlar.

Sonuncu dəfə Eyfel qülləsi bu ilin yanvarında "Charlie Hebdo" hadisələrindən sonra qaranlığa qərq olmuşdu.

Noyabrın 13-ü Fransanın paytaxtı Parisdə azı 129 insanın ölümü ilə nəticələnən terror hadisələri baş verib. Hadisə metroda və stadionun yaxınlığında 2 partlayış, restorana və konsert zalına silahlı hücum şəklində baş verib.

Parisin 10-cu bölgəsindəki “Le Petit Cambodge” adlı restorana küçədən atəş açılıb. Bu hücumla eyni zamanda Parisin şərqindəki 11-ci bölgədə olan “Bataclan” adlı konsert zalına da atəş açılıb. Futbol üzrə Fransa – Almaniya dostluq qarşılaşmasının keçirildiyi “Stade de France”nin yaxınlığında isə iki ayrı partlayış baş verib.

Fransanın prezidenti Fransua Olland terrorçuların ölkədən qaçmaması və başqa terrorçuların ölkəyə daxil olmaması üçün bütün sərhədlərin bağlandığını bildirib. Fransa prezidenti həmçinin ölkədə fövqəladə vəziyyət elan olunduğunu bəyan edib. İkinci Dünya müharibəsindən sonra Fransada ilk dəfədir fövqəladə vəziyyət elan edilir.

Fransada ötən cümə günü elan olunmuş fövqəlada vəziyyəti daha 3 ay uzadıla bilər.

APA-nın xəbərinə görə, bununla bağlı Fransa prezidenti Fransua Olland bu gün ölkə parlamentinin hər iki palatasının sədrləri ilə məsləhətləşmələr aparıb.

Belə ki, Fransa qanunveciliyinə görə, ölkə başçısı öz qərarı ilə fövqəladə vəziyyəti yalnız 12 gün uzada bilər. Uzunmüddətli fövqəladə vəziyyət üçün parlamentin qanun qəbul etməsinə ehtiyac var. Bu gün Fransua Olland parlamentin müvafiq komitələrindən belə həssas vəziyyətlərdə ölkə qanunvericiliyinin fövqəlada vəziyyətlərə dair 1955-ci il qanununa yenidən baxmağa çağırıb.

Fövqəladə vəziyyət elan olunmuş Paris şəhərinə gələn elektrik qatarları, sərnişin avtobusları vağzallarda, avtomobillər isə şəhərin girişində polis və hərbçilər tərəfindən ciddi yoxlanılır.

APA-nın Parisdəki müxbirinin verdiyi məlumata görə, Parisdə terror aktından sonra bağlanmış metro stansiyaları yerli vaxtla saat 12:00-da (Bakı vaxtı ilə saat 15:00), terror aktları baş vermiş “Bataklan” teatrı, “Stad de France” stadionu yaxınlığındakı metro stansiyaları isə az əvvəl açılıb.

Ən çox insan tələfatının baş verdiyi “Bataklan” teatrının ətrafı polis tərəfindən əhatəyə alınıb, 150 metr radiusda əraziyə heç kim buraxılmır. Teatr Parisin ən böyük bulvarı olan Volter bulvarı yaxınlığında yerləşir və faktiki olaraq bulvarın yarısı giriş üçün bağlıdır. “Eyfel” qülləsi, Luvr muzeyi, konsert salonları və digər turizm məkanları isə ziyarətçilər üçün qapalıdır. Bu məkanların nə zaman ziyarətçilər üçün açılacağı barədə məlumat verilmir.

Polis Parisdə insanların bir yerdə kütləvi toplaşmasına icazə vermir. Bununla belə insanların 50-100 nəfər olmaqla toplaşaraq terror baş verən bir sıra məkanlarda terror qurbanlarını yad etmək üçün gül dəstələri qoymasına mane olmur. Şəhərə çıxmaq qadağan edilməsə də, insanlara daha çox evlərində qalmaq tövsiyə edilir.

Hazırda Parisdə miqrantlara münasibətdə təhlükəli tendensiya müşahidə olunmur. Şəhərdə insanlar bir-birinə təskinlik verməyə, həmrəylik nümayiş etdirməyə çalışırlar.

İnsanlar bu dəfə də “Charlie Hebdo” jurnalının redaksiyasına yanvar ayında edilən terror hücumundan sonra yığışdıqları Parisin Respublika meydanına axışırlar. Polis insanları dağılışmağa çağırsa da, axın davam edir. İnsanlar heykəlin altında şamlar yandırır, gül dəstələri qoyurlar.

Terror aktları ilə bağlı mətbuatda ciddi senzura da müşahidə edilir. KİV-lər yalnız polis orqanları tərəfindən verilən rəsmi məlumatları dərc edir, efirə verir. Məqsəd şayiələrin qarşısını almaqdır.

Gürcüstanın Xalq Müdafiəçisinin təşkilatçılığı ilə Beynəlxalq Tolerantlıq Gününə həsr olunan mükafatlandırma mərasimi keçirilib.

APA-nın Gürcüstan bürosunun məlumatına görə, Tolerantlıq Gününə həsr olunan mükafatlandırma mərasimi ənənəvi tədbirə çevrilib. Xalq müdafiəçisi Uça Nanuaşvili və ABŞ-ın Gürcüstandakı səfirinin müavini Nikolay Berlinski Tolerantlıq Günü münasibətilə tədbir iştirakçılarını təbrik edib və tolerantlığın Gürcüstanda həmişə təntənəli şəkildə qeyd olunduğunu bildiriblər.

Tədbirdə ümumilikdə 10 nəfər mükafatlandırılıb, onlara fəxri mükafat və sertifikatlar verilib. Mükafatlandırma mərasimində Tiflisdə fəaliyyət göstərən Mirzə Fətəli Axundov adına Azərbaycan Mədəniyyət Muzeyinin direktoru Leyla Əliyevaya və onun rəhbərlik etdiyi Mədəniyyət Muzeyinin kollektivinə fəxri mükafat və sertifikatlar təqdim olunub.

Tədbirdə Gürcüstan hökumətinin, diplomatik missiyanın, beynəlxalq və QHT təşkilatların, KİV-lərin və dini və etnik azlıqların nümayəndələri iştirak edib.

L. Əliyeva APA-ya açıqlamasında Tolerantlıq Günü münasibətilə hər il azərbaycanlılar da mükafatlandırıldığını bildirib: "Bundan əvvəl bu mükafata "Gürcüstan" qəzetinin redaktoru Süleyman Süleymanov layiq görülüb. Bu il isə Xalq Müdafiəçisi bu mükafatı mənə və Tiflisdəki Azərbaycan Mədəniyyət Muzeyinə tolerantlığı təbliğ etdiyimizdə göstərdiyimiz xidmətlərə görə təqdim edib".

Xatırladaq ki, 1995-ci noyabrın 16-da YUNESKO tolerantlıq prinsipləri barədə qətnamə qəbul edib. BMT Baş Assambleyasının təşəbbüsü ilə 1996-cı ildə Tolerantlıq Günü elan olunub.