Beynəlxalq Aviasiya Komitəsinin icraçı direktoru Viktor Soroçenko bəyan edib ki, Misirdə qəzaya uğrayan “Koqalımavia” şirkətinə məxsus Airbus A321 təyyarəsi havada ikən parçalanıb.
Modern.az-ın Rusiya mediasına istinadən verdiyi xəbərə görə, o deyib ki, səbələri barədə danışmaq hələ tezdir: “Parçalanma havada baş verib və təyyarənin hissələri böyük əraziyə səpələnib”.
Şarm-əl-Şeyxdən Sankt-Peterburqa uçan təyyarə oktyabrın 31-də havaya qalxdıqdan 23 dəqiqə sonra radarlardan yoxa çıxıb. Sonradan məlum olub ki, Airbus A321 Snay yarımadasında qəzaya uğrayıb.

Qəza zamanı təyyarədə 224 nəfər olub. Onların 217 nəfəri sərnişin, 7 nəfəri ekipaj üzvüdür. Qəza nəticəsində sağ qalan olmayıb.

Xəbər verdiyimiz kimi, İraq Şam İslam Dövləti (İŞİD) oktyabrın 31-də Misirdə baş verən dəhşətli təyyarə qəzası ilə bağlı məsuliyyəti öz üzərinə götürüb. Rusiya Nəqliyyat Nazirliyi faktı təkzib etsə də, son yayılan videolar hadisəni İŞİD-in törətdiyi ilə bağlı məlumatları təsdiqləyir.

AzNews.az xarici KİV-lərə istinadən xəbər verir ki, İŞİD üzvləri təyyarənin vurulduğu yerdən lentə alınmış video yayıblar. Ekstremist döyüşçülər Sinay yarımadası səmasında rusların təyyarəsini vurduqları anı yerindəcə lentə alıblar. Bu da bir daha təyyarənin onlar tərəfindən vurulduğunu təsdiq edir.

Təşkilat videonu artıq İŞİD-in qeyri-rəsmi saytı olan “Amaq”da da yerləşdirilib.

Qeyd edək ki, Misirdə vurulan Rusiyaya məxsus А-320 təyyarəsinin göyərtəsində 217 sərnişin, 7 ekipaj üzvü olmaqla, ümumilikdə 224 nəfər olub. Onlardan heç biri sağ qalmayıb. Təyyarə Misirin kurort zonası olan Şarm-aş-Şeyxdən Sankt-Peterburda uçurmuş. Misir xilasediciləri isə Rusiya təyyarəsinin texniki nasazlıq səbəbindən qəzaya düşdüyünü bildirib.

Hadisə ilə əlaqədar olaraq Rusiya prezident Vladimir Putin ölkədə bir günlük matəm elan edib.

Rusiyanın Xabarovsk vilayətinin Korfovski qəsəbəsində yerləşən üçmərtəbəli yaşayış binasında baş verən partlayış nəticəsində 5 nəfər həyatını itirib.

"Dalğa TV" TASS-a istinadən xəbər verir ki, sonuncu olaraq dağıntılar altından uşaq meyiti çıxarılıb.

Bina sakinlərinin sözlərinə görə, binada partlayışa mənzillərdən birinin qanunsuz olaraq mərkəziləşdirilmiş qaz təchizatı sisteminə qoşulması səbəb ola bilər.

Hadisə oktyabrın 29-da axşam baş verib. Partlayış nəticəsində üçüncü girişin konstruksiyası uçub. Xilasedicilər dağıntılar altından iki yaşlı qız uşağını çıxartmağa müvəffəq olublar. Hazırda insanların axtarışı davam etdirilir.

BMT Baş Assambleyasının (BA) İnsan Haqları Şurasına 18 yeni üzv seçilib.
"Dalğa TV"nin qurumun saytına istinadən verdiyi xəbərə görə, Şərqi Avropa ölkələri qrupundan Sloveniya və Gürcüstan müvafiq olaraq 179 və 177 səs toplayaraq üzvlüyə haqq qazanıb.

Qərbi Avropa və digər ölkələr qrupundan isə Şuraya İsveçrə, Almaniya və Belçika seçilib. Afrika ölkələri üçün olan 5 vakant yer Toqo, Efiopiya, Kot d-İvuar, Keniya və Burundi tərəfindən tutulub.

Asiya ölkələri qrupundan Şuraya Monqolustan, Qırğızıstan, Koreya respublikası, Filippin, Latın Amerikası və Karib hövzəsindən Panama, Ekvador və Venesuela Şuraya daxil olub.

Qeyd edək ki, İnsan haqları üzrə Şuranın yaradılması barədə qərar 2005-ci ildə qəbul edilib. Şuranın səlahiyyətləri və onun yaradılması barədə qətnamə isə BMT BA-nın 15 mart 2006-cı il qətnaməsi ilə qəbul edilib.

İnsan Haqları üzrə Şuranın tərkibinə 47 dövlət daxildir.

Şuranın üzvləri 3 illiyə seçilir və iki dəfə ard-arda seçilə bilməz.

Şuranın hər üzvü Baş Assambleya üzvləri tərəfindən gizli səsvermə yolu ilə seçilir, üzvlər insan haqlarının müdafiə standartlarına nəzarət etməlidirlər. Üzvlərin fəaliyyətində insan haqlarının kütləvi və sistematik pozulması halları müşahidə olunduğu halda, onların Şurada iştiraklarına Baş Assambleya üzvlərinin 2/3 səs çoxluğu ilə xitam verilə bilər.

"Məndə Suriyada müqavilə əsasında xidmət edən Rusiya hərbi qulluqçusunun həlak olması ilə bağlı məlumat yoxdur".

"Dalğa TV" Anspress-ə istinadən məlumatına görə, bu sözləri Rusiya prezidentinin mətbuat katibi Dimitri Peskov jurnalistlərə açıqlamasında deyib. Onun sözlərinə görə, bu məlumatı ölkənin Müdafiə Nazirliyindən dəqiqləşdirmək lazımdır.

Sentyabrın 30-dan əməliyyatlara başlayan Rusiya ordusunun əsgərlərinin döyüşlərdə öldürüldüyü barədə dəfələrlə məlumatlar yayılıb. Amma bu məlumatları təsdiq etmək mümkün olmayıb.

Rusiya rəsmisi təsdiqləməsə də sosial şəbəkələrdə hərbi qulluqçunun döyüşlərdən birində öldürülməsi ilə bağlı şəkillər yayılıb. Sosial şəbəkələrdə yayılan şəkillərdə Rusiyanın Krasnodar vilayətindən olan 19 yaşlı Vadim Kostenkonun Suriyada həlak olduğu bildirilir. Kostenko iyun ayında həqiqi hərbi xidmətini başa vurub. Amma Vadim Kostenko müqavilə əsasında yenidən hərbi xidmətə qayıdıb. Məlumata görə, Kostenko pilot kimi deyil, hərbi aerodromda texniki xidmət əməkdaşı kimi fəaliyyət göstərib.

Digər bir məlumata görə, əsgərlərdən biri sevdiyi qızla aralarında baş verən münaqişəyə görə intihar edib. Rusiyanın Müdafiə Nazirliyi Xmeymim təyyarə bazasında baş verən intiharı təstiq edib.

Rusiya sentyabrın 30-dan etibarən Suriya ərazisini bombalayır. Hava hücumları Su-24M, Su-30SM, Su-25 və Su-34 daxil olmaqla aviaqrup tərkibində 50 təyyarə və vertolyot var.

Rusiya Suriya ərazisində terrorçulara qarşı sentyabrın 30-dan başlatdığı əməliyyatlarda Xmeymim hərbi bazasından 934 hərbi uçuş edilib və terrorçuların 819 obyekti dağıdılıb. Həmçinin bir müddət əvvəl yayılan məlumatlarda Rusiyanın Suriyaya dəniz yolu ilə silah-sursat və ərzaq yardımı aparan gəmilərinin sayının 100-dən çox olduğu bildirirdi.

Rusiyanın bu qədər silah göndərməsinə baxmayaraq, ölkənin Müdafiə Nazirliyi yerüstü əməliyyatlara başlamaqla bağlı açıqlama verməyib. Amma Rusiya prezidentinin mətbuat katibi Dimitri Peskov quru əməliyyatları aparılmadan terrorçulara qalib gəlməyin mümkün olmadığını açıqlayıb.

Rusiya əsgərlərinin Suriya əazisindən ölməsi və mütamadi olaraq orada sosial şəbəkələrdə yayılan videolarda quru əməliyyatların aparıldığı görünür. Yayılan videolarda Rusiyaya məxsus TOS-1A "Solntsepyok" raket qurğularının terrorçuların mövqelərini bombaladığı məlum olur.

Pilot olmayan əsgərlərin ölümü və ağır silahlarla terrorçuların mövqelərinin bombalanması ilə bağlı yayılan videolar Rusiyanın Suriya ərazisində quru əməliyyatlara başladığını sübut edir. Hətta Rusiya Suriyada hərbi əməliyyatlarda muzdlu döyüşçülərdən belə istifadə edir.

Ərəb əsilli 23-yaşlı İsrail vətəndaşı Nida Saleh İŞİD-ə qoşulmaq üçün paraşütlə Suriya ərazisinə uçub.

"Dalğa TV" Oxu.Az-a istinadən xəbər verir ki, o İzrail ordusunun nəzarət etdiyi Qolan yüksəkliklərini keçərək İŞİD-in tərkibinə daxil olan "Şuhad əl-Yarmuk" terrorçu qruplaşmasına qoşulmağa gedib.

"Biz bilmirik, onu o tərəfdə kimsə gözləyirdi, ya yox. Lakin əgər kimsə paraşütlə yanlış istiqamətdə uçursa, o bunu bilərəkdən edir", - jurnalistlərə açıqlamasında İzrail ordusunun nümayəndəsi Moti Almoz bildirib. O qeyd edib ki, hərbçilərin məlumatına görə, Saleh oktybarın 25-də uçuşa başlayıb.

CNN isə xəbər verir ki, əvvəlcə hərbçilər vətəndaşın təxliyyə edilməsi üçün geniş miqyaslı əməliyyata başlayıblar, lakin sonr qərara gəliblər ki, sərhəddən qaçış könüllü olub.

İsrailin baş naziri Salehin vətəndaşlıqdan məhrum ediləcəyinə söz verib.

"İsrailin düşmənlərinə qoşulan və İsrailə qarşı döyüşən hər kəs ölkə vətəndaşlığından məhrum ediləcək", - baş nazir qeyd edib.