Ukraynada məmurlara münasib maaşların verilməsinə başlanmasa, dövlət aparatı yaxın aylar ərzində dağılacaq.

APA-nın məlumatına görə, bunu Odessa vilayətinin qubernatoru Mixail Saakaşvili “112 Ukrayna” telekanalına müsahibəsində bəyan edib.

Onun sözlərinə görə, Ukraynada dövlət aparatı demək olar ki, dağılıb: “O, artıq nüfuzunu itirib. Hətta artıq oğurlaya da bilmir. Büdcə pulları əvvəlcədən, büdcəyə daxil olmadan oğurlanır”, deyə M.Saakaşvili bildirib.

“Əgər yaxın 5-6 ərzində gömrükdə ciddi dəyişikliklər baş verməsə, “qara deşik”lər tutulmasa, vergilər azaldılmasa, vergi daxilolmaları artmasa dövlət aparatı dağılacaq. Özü də tam şəkildə. Bununla da hakimiyyət iflic vəziyyətinə düşəcək”, M.Saakaşvili əlavə edib.

Prezident İlham Əliyev Türkiyədə keçiriləcək "Böyük iyirmilik" ölkələrinin sammitində iştirak edəcək.

Dalga TV-nin  anspress-ə istinadən məlumatına görə, Türkiyə mətbuatında sammitdə iştirak edəcək ölkə liderlərinin adları açıqlanıb.

Antalyanın truzim mərkəzi hesab edilən Belek rayonunda noyabrın 15-16-da keçiriləcək "Böyük iyirmilik" ölkələrinin sammitində iktirak edəcək dünyanın ən böyük iqtisadiyyatına malik 19 ölkə lideri və Avropa Birliyindən (AB) başqa bir sıra dövlət başçıları da zirvəyə dəvət olunub.

Türkiyə prezidenti Rəcəb Tayyib Ərdoğan sammitdə iştirak etmək üçün prezident İlham Əliyevə də dəvət göndərib.

Sammitdə ABŞ, Rusiya və Fransa prezidentləri Barak Obama, Vladimir Putin, Fransua Olland, Almaniya kansleri Angela Merkel, Səudiyyə ərəbistanı kralı Salman bin Əbdüləziz, Türkiyə və Böyük Britaniyanın baş nazirləri Əhməd Davudoğlu, Devid Kemeron, Avropa Birliyi Şurasının prezidenti Donald Tusk və başqaları iştirak edəcək.

Türkiyədə ilk dəfə keçiriləcək sammitə görə bir neçə gündür ki, təhlükəsizlik qüvvələri ölkə ərazisində antiterror əməliyyatları həyata keçirir. Onlarla terrorçunun saxlanıldığı bildirilir.

Sammit zamanı təhlükəsizliyin təmin olunması üçün 12 min polis iş başında olacaq.

"Böyük iyirmilik" ölkələrinin zirvə toplantısı 2013-cü ildə Rusiyanın Sankt Peterburq şəhərində, 2014-cü ildə isə Avstraliyanın Brisben şəhərində keçirilib. G20 ölkələrinin 2016-cı ildəki sammiti isə Çin Xalq respublikasında keçiriləcək.

G20 dünyanın ən böyük iqtisadiyyatına malik 19 ölkəsindən və Avropa Birliyindən (AB) ibarətdir. "Böyük iyirmilik" ABŞ, AB, İngiltərə, Türkiyə, Yaponiya, Kanada, Almaniya, Fransa, İtaliya, Rusiya, Avstraliya, Braziliya, Hindistan, Çin, İndoneziya, Meksika, Səudiyyə Ərəbistanı, Cənubi Afrika, Argentina və Cənubi Koreyanın daxil olduğu qrupdur.

Aleksandr Lukaşenko Minskdə rəsmi olaraq Belarusun prezidenti vəzifəsinin icrasına başladı.

"Dalğa TV" xəbər verir ki, andiçmə mərasimi Müstəqillik sarayında baş tutub.

Aleksandr Lukaşenko əlini Konstitusiyanın üzərinə qoyaraq and içib. Daha sonra o, andiçmə haqqında akt imzalayıb.

Belarusun Seçkilər və respublika referendumunun keçirilməsi üzrə Mərkəzi Komissiyasının sədri Lidiya Yermoşina ona Belarus respublikasının prezidenti vəsiqəsini təqdim edib.

Andiçmə mərasimi mindən çox dəvətlinin qarşısında həyata keçib, onların arasında yüksək vəzifəli şəxslər, Nümayəndələr Palatasının deputatları və respublikanın Milli Məclisinin Şura üzvləri, müxtəlif səviyyəli rəhbərlər, diplomatik korpusun nümayəndələri və xarici qonaqlar olub.

Danışıqlar aparılır.

"China Daily" qəzeti 19-cu əsrdə ikinci Opium müharibəsində Tsinsk imperiyasının məğlubiyyətindən sonra Rusiyanın tərkibinə keçən, Ussuriysk yaxınlığında yerləşən, sahəsi təxminən 5 kvadrat km olan torpaq hissəsini ÇXR-nın (Çin Xalq Respublikası) tərkibinə qaytarılması barədə məlumat yayıb.

"Dalğa TV" informing.ru-ya istinadən xəbər verir ki, ərazidən Hubutu çayı axır, onun məcrası isə Çin yüklərinin gəldiyi Rusiyanın ən böyük limanı Ussuriyskdən 60 km uzaqlıqda yerləşir.

İndi ÇXR hakimiyyəti Rusiya hökuməti ilə şəhərdə daha bir limanın açılması haqqında danışıqlar aparırlar.

1858-ci ildən 1915-ci ilə qədər Çin Rusiya imperiyasına öz ərazisinin təxminən 1,5 milyon kvadrat km-ni verib.

Heydər Əliyev Fondunun vitse-prezidenti, Rusiyanın Azərbaycanlı Gənclər Birliyinin (RAGB) sədri Leyla Əliyeva noyabrın 5-də Moskvada Rusiya Federasiyasının Gənclər Məsələləri üzrə Federal Agentliyinin rəhbəri Sergey Pospelovla görüşüb. Modern.az Azərtac-a istinadən məlumat verir ki, görüşdə könüllülük və skaut hərəkatları, ekologiya, istedadlı gənclərin, Azərbaycanda rus dilinin və Rusiyada Azərbaycan dilinin dəstəklənməsi üzrə müştərək layihələrin həyata keçirilməsi imkanları müzakirə edilib. RAGB-nin sədri Leyla Əliyeva qeyd edib ki, Azərbaycanda tədrisin rus dilində olduğu bütün məktəblər qorunub saxlanıb, Rusiya mədəniyyət və incəsənət nümayəndələrinin iştirakı ilə beynəlxalq tədbirlər keçirilir. Bakıda Mixail Lermontovun anadan olmasının 200 illiyinə həsr edilmiş xatirə gecəsi keçirilib. Sergey Yeseninin xatirə gecəsinin keçirilməsi planlaşdırılır. Leyla Əliyeva onu da qeyd edib ki, RAGB Rusiyanın ali məktəblərində təhsil alan əlaçı tələbələr üçün xüsusi təqaüd ayırır. Sergey Pospelov isə qeyd edib ki, Azərbaycan və Rusiya gəncləri bir sıra beynəlxalq məkanlarda vahid mövqedən çıxış edirlər və bu, sevindirici haldır. O, Soçidə F1 yarışlarının keçirilməsi üzrə təşkilat komitəsinin könüllülər korpusunun köməyini təklif edib. Bu təcrübə 2016-cı ildə Bakıda keçiriləcək yarışlar üçün faydalı ola bilər. Heydər Əliyev Mərkəzinin direktoru Anar Ələkbərov, Rusiya Federasiyasının Gənclər Məsələləri üzrə Federal Agentliyinin rəhbərinin müşavirləri Denis Zavarzin və İlya Yarmanov, habelə RAGB idarə heyətinin üzvü Emin Hacıyev görüşdə iştirak ediblər. Tərəflər görüşdə Rusiya Federasiyasının Gənclər Məsələləri üzrə Federal Agentliyi, Azərbaycan Gənclər və İdman Nazirliyi və Azərbaycan Respublikası Prezidenti yanında Gənclər Fondu arasında əməkdaşlıq haqqında razılığa gəliblər.

Sənədi iki ölkə prezidentləri imzalayıblar.

Azərbaycan və Gürcüstan prezidentləri ikitərəfli münasibətlərin dərinləşdirilməsinə dair Bəyannamə imzalayıblar.

Bəyannamədə siyasət, təhlükəsizlik, ticarət və iqtisadiyyat, tranzit, mədəniyyət, təhsil və elm sahələrində münasibətlərin dərinləşdirilməsi nəzərdə tutulur, Oxu.Az Qruziya-onlayn-a istinadən xəbər verir.

Bəyannamədə qeyd edilib ki, tərəflər regional və qlobal məsələlər üzrə strateji dialoqa davam edəcəklər, BMT-də, ATƏT-in ixtisaslaşdırılmış orqan və institutlarında, Avropa Şurasında, GUAM, eləcə də Aİ və NATO ilə əlaqədar məsələlərdə əməkdaşlığı gücləndirəcəklər; ekspert və tədqiqat institutlarının sıx əlaqələrini təşviq edəcək, qarşılıqlı mübadiləni fəallaşdıracaqlar; münaqişələrin sülh yolu ilə həll edilməsinə, sülh və təhlükəsizlik məsələlərinə dair səyləri fəallaşdıracaqlar; Abxaziya, Tsxinvali regionunda və Dağlıq Qarabağda münaqişələrin tezliklə həll edilməsinin vacibliyini, eləcə də yaşayış yerindən məcburi köçürülmüş şəxslərin və qaçqınların öz yaşayış yerlərinə qaytarılmasını vurğulayacaqlar; iqtisadiyyat sahəsində əməkdaşlığı dərinləşdirəcək, investisiyaların artmasına vasitəçilik edəcək, energetika məsələləri üzrə dialoqu, lazım olduğu halda biznes-dairələrin iştirakı ilə yüksək səviyyədə aparacaq, Cənubi enerji dəhlizini inkişaf etdirəcək, Gürcüstanın qazlaşdırmasını, Elektrik ötürücü xəttinin inşasını, İpək yolunun inkişaf etdirilməsinə və genişləndirilməsinə davam edəcək, turizmin inkişafına, kiçik və orta müəssisələrin inkişafına vasitəçilik edəcəklər.

Tərəflər həmçinin müdafiə və hərbi-texniki sahədə əməkdaşlığı gücləndirməyi, hərbi-siyasi məsələlər üzrə konsultasiyalar aparmağı, terrorizm, ekstremizm, separatizm, transmilli cinayətkarlığa, narkotiklərin qanunsuz dövriyyəsinə, qaçaqmalçılıqla, qanunsuz silah alveri, insan alveri, mədəniyyət və tarixi abidələrə qarşı cinayətlərə, pulların yuyulması və digər cinayətkar fəaliyyətə qarşı mübarizədə əməkdaşlığa dair razılığa gəliblər.

Tərəflər elm, təhsil, mədəniyyət sahəsində əməkdaşlıq etmək, tədris, elmi və tədqiqat institutları arasında, o cümlədən tələbə və doktor qrantları sayəsində mübadilələrin artırılmasına, mədəniyyətlərarası və sivilizasiyalararası dialoqların dəstəklənməsi, sərgilərin, mədəni tədbirlərin keçirilməsi, səhiyyə, sosial müdafiə, idman, KİV sahəsində əlaqələrin möhkəmləndirilməsi; iki ölkənin şəhərləri, regionları arasında təşəbbüslərə vasitəçilik etmək, insan haqlarının müdafiəsi və populyarlaşdırılması üzrə fəaliyyəti dəstəkləmək barədə razılığa gəliblər.