Bu ilin avqustunda Suriyada müxalifət qüvvələrinin nəzarətində olan Əl-Katerji məhəlləsində hökumət və Rusiyaya məxsus təyyarələr tərəfindən həyata keçirilən hava hücumu zamanı yaralanan və dünya mətbuatının gündəminə düşən 5 yaşlı Ümranın yenə də yaralandığı bildirilir.

“Qafqazinfo”nun “Milliyet”ə istinadən verdiyi məlumata görə, suriyalı Ümran dünən gecə saatlarında Rusiyanın həyata keçirdiyi hava hücumu zamanı ağır yaralanıb.

Xatırladaq ki, 5 yaşlı Ümran Dakneşin hadisədən sonra görüntüləri yayılmışdı və bu, Suriyada baş verən daxili qarşıdurmanın ən dramatik şəkillərindən biri kimi mətbuatda, eləcə də sosial şəbəkələrdə geniş yayılmışdı.

Görüntülərdə bütün bədəni toza batmış uşaq dağılmış evlərdən birindən çıxarılır və təcili tibbi yardım maşınındakı oturacağa əyləşdirilir. Ümranı xilas edən şəxs daha sonra onu avtomobildə tək qoyub digər uşaqları qurtarmağa gedir. Bu anda baş verənlərin şokunu yaşayan Ümran sakitcə ətrafı, ona baxan insanları izləyir və üzündən axan qanı görüncə əlini başına aparır. Əlinə bulaşan qana baxan uşaq heyrətlər içində qalır. O, əlini oturacağa silərək qan izlərindən xilas olmağa çalışır.

Ümran xəstəxanalardan birində müalicə almış, ordan fotosu da yayılmışdı.

Monqolustanda keçirilən Dünya Üz Gözəli yarışmasının qalibi rusiyalı iştirakçı Alena Raeva oldu.

AzNews.az Rusiyanın Sputnik xəbər agentliyinə istinadən xəbər verir ki, ABŞ, Çin, İspaniya,Portuqaliya və Yaponiyanın da qatıldığı 60 ölkədən yarışmaya qatılan namizədlər arasında idman müsabiqələri, yaradıcılıq imtahanları və milli geyim şousu təşkil olunub.

22 yaşlı Raeva müsahibəsində yerli qəzetlərdən birində jurnalist işlədiyini və Sant Peterburq Universitetinin Dünya və Sosial Elmlər fakültəsini bitirdiyini deyib. O, yarışmada qalib olmasını onun üçün surpriz olduğunu deyib.

Maldiv adaları hökuməti Böyük Britaniya və onun keçmiş koloniyalarının çoxunun daxil olduğu Britaniya Millətlər Birliyini tərk etmək qərarına gəlib.

"Report" xəbər verir ki, bu barədə adıçəkilən ölkənin Xarici İşlər Nazirliyinin bəyanatında bildirilib.

Sənəddə vurğulanıb ki, bu qərara səbəb Millətlər Birliyinin Maldiv adalarının ölkədə demokratiya mədəniyyətinin inkişafında, eləcə də demokratik təsisatların yaradılması və möhkəmlənməsində əldə etdiyi nailiyyətləri tanımamasıdır. 

Bu ilin 9 ayı ərzində Gürcüstana səfər edən turistlərin sayı ötən ilin müvafiq dövrü ilə müqayisədə 19,5% artaraq 2 156 731 nəfər təşkil edib. "APA-Economics" xəbər verir ki, bu barədə Gürcüstanın Milli Turizm Administrasiyasının rəhbəri Georgi Çoqovadze bildirib.

Onun sözlərinə görə, sentyabr ayında ölkəni 631 302 nəfər xarici vətəndaş ziyarət edib ki, bu da ötən ilin analoji ayı ilə müqayisədə 11% çoxdur. Bunlardan 304 814 nəfəri turistdir. Beləliklə, ötən ilin sentyabr ayı ilə müqayisədə ötən ay turist qismində Gürcüstana səfər edənlərin sayı 34,2% artıb.
 

Azərbaycan Gürcüstana səfər edən turistlərin sayı baxımından liderliyini qorumağı bacarıb. Sentyabr qonşu ölkəyə 130 851 nəfər Azərbaycan vətəndaşı səfər edib ki, bu da ötən ilin müvafiq ayı ilə müqayisədə 7,6% çoxdur. İkinci yerdə Ermənistan (130 815 min nəfər, +4,2%) qərarlaşıb. İlk üçlüyü Rusiya (119 096 min nəfər, +31,3%) qapayır.

Avropa İttifaqının Ukrayna və Gürcüstanla vizasız rejiminə dair qərarı 2017-ci ilin yazında qəbul oluna bilər.

APA-nın xəbərinə görə, bu barədə “RİA Novosti” Brüsseldəki diplomatik mənbəyə istinadən məlumat yayıb.   

Mənbə qərarın gələn ilin yazından tez qəbul olunmayacağını Aİ-nin bir neçə ölkəsində seçkilərin keçirilməsi ilə əlaqələndirib.   

Avropa Parlamentinin ədliyyə və daxili işlər komitəsində məlumatı şərh etməkdən boyun qaçırıblar.

Bundan əvvəl Avropa Parlamentinin Komitəsi Ukrayna ilə vizasız rejimin tətbiq edilməsini dəstəkləyib.  

Dünyada ilk dəfə olaraq 3 valideyni olan uşaq dünyaya gəlib.

“Qafqazinfo” xarici mətbuata istinadən xəbər verir ki, uşaq Meksikada doğulub. Uşağın sağlam doğulması üçün həkimlər 3 nəfərin genindən istifadə ediblər.

Həkimlərin belə bir yola əl atmasının isə səbəbləri olub. Belə ki, İordaniyadan olan ailənin uşaqları bir neçə dəfə doğulduqdan az sonra ölürmüş. Elm adamları bunun səbəbinin qadının qanında olan Ley sindromu ilə əlaqəli olduğunu aşkar ediblər. Amerikalı genetiklər qadının xəstə geninin uşağa keçməməsi üçün həmin genin sağlam formasını kənar qadın donordan götürüblər. Qalan genlər isə ana və ataya məxsus olub.

Hazırda uşağın normal olduğu bildirilir.