Gürcüstan prezidenti Giorgi Marqvelaşvilinin kürəkəni, qızı Annanın həyat yoldaşı Qiqi Çiçua güllələnib.

Dalga TV-nin “Lenta.ru”ya istinadən verdiyi xəbərə görə, hadisə yanvarın 11-də Tiflisdə Balançivadze küçəsində baş verib.

Q. Çiçua xəstəxanaya yerləşdirilib.

Silahlı insidentlə bağlı ətraflı məlumat verilmir.

Əraziyə hüquq-mühafizə orqanlarının əməkdaşları, eləcə də ekspert-kriminalistlər cəlb olunublar.

Gürcüstan DİN-dən prezidentin kürəkəninin yaralanması ilə bağlı məlumatı təsdiqləyiblər.

Faktla bağlı cinayət işi açılıb.

Qeyd edək ki, Anna Marqvelaşvili Gürcüstan prezidentinin birinci evliliyindən olan qızıdır. O, dicey Qiqi Çiçua ilə 2014-cü ilin dekabrında ailə qurub. 

"Vahid Miqrasiya Məlumat Sistemi vasitəsilə müəyyən edilib ki, 2016-cı il ərzində Azərbaycan Respublikasına gələn əcnəbilərin və vətəndaşlığı olmayan şəxslərin ümumi sayı 1 milyon 143 min 951 nəfər, ölkəni tərk edənlərin sayı isə 1 milyon 137 min 351 nəfər təşkil edib. 2016-cı il ərzində 672 min 337 nəfər əcnəbi olduğu yer üzrə qeydiyyata alınıb, 51 min 710 nəfərə isə müvafiq yaşama icazələri verilib. 2016-cı ildə haqqı ödənilən əmək fəaliyyəti ilə məşğul olmaq üçün müraciət etmiş əcnəbilərdən əmək miqrasiyası kvotası üzrə 9 min 480 nəfərə iş icazəsi verilib".

APA-nın məlumatına görə, Dövlət Miqrasiya Xidmətinin rəisi Firudin Nəbiyev bunu Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunan iclasında söyləyib.

Onun sözlərinə görə, son beş il ərzində 68 min 270 nəfərin Azərbaycan Respublikasının vətəndaşlığına mənsubiyyəti müəyyənləşdirilib: "58 nəfərin Azərbaycan Respublikasının hüdudlarından kənarda dini ekstremizm və terrorçuluq fəaliyyətində iştirak etmələri barədə hüquq-mühafizə orqanlarından daxil olmuş materiallar əsasında Dövlət Miqrasiya Xidməti tərəfindən həmin şəxslərin Azərbaycan Respublikası vətəndaşlığını itirməsi ilə bağlı icraata başlanılıb, aidiyyəti sənədlər məhkəmələrə təqdim olunub və məhkəmələr tərəfindən artıq müvafiq qərarlar qəbul edilib.

2016-cı ildə 7 min 956 ikili vətəndaşlığı olan şəxslər müəyyənləşdirilib, onların adları müvafiq bazaya daxil edilib və hazırda statistikası aparılmaqdadır. Hesabat dövründə "qaçqın" statusu almaq niyyətində olan 95 əcnəbinin (ailə üzvləri ilə birlikdə 209 nəfər) Dövlət Miqrasiya Xidmətinə müraciət edib. Hazırda üçüncü ölkə vətəndaşlarından qaçqın statusu almış 73 nəfər Dövlət Miqrasiya Xidmətində qeydiyyatdadır".

"Hesabat dövründə 26 min 435 əcnəbi və vətəndaşlığı olmayan şəxs tərəfindən miqrasiya qanunvericiliyinin tələblərinin pozulması müəyyən olunub, onlardan əsas olduğu üçün 2372 nəfərin ölkə ərazisində yaşamaları leqallaşdırılıb, 18 min 540 nəfərin 48 saat ərzində ölkə ərazisini tərk etməklə, 5523 nəfərin isə inzibati qaydada ölkə hüdudlarından kənara çıxarılma və girişinə məhdudiyyət qoyulması ilə bağlı Xidmətin müvafiq qərarlarının icrası təmin olunub, qanunsuz miqrantların sayı minimuma endirilib. Hazırda vizalarının müddəti bitmiş 929 nəfər əcnəbinin Azərbaycanda qanunsuz qalması faktı müəyyən edilib və həmin şəxslərin ölkədən çıxarılması istiqamətində hüquq-mühafizə orqanları ilə birgə iş aparılır", - deyə Firudin Nəbiyev qeyd edib.

Beynəlxalq informasiya portalı olan “Numbeo” dünyanın yaşayış üçün ən bahalı və ucuz ölkələrinin siyahısını hazırlayıb.

"Dalğa TV" portala istinadən xəbər verir ki, 122 ölkənin yer aldığı reytinqdə əsas kriteriyalar – mənzil kirayəsi, xidmətlər və ərzaq qiymətləri, həmçinin ictimai nəqliyyatda gedişhaqları olub.

Yaşamaq üçün ən ucuz ölkə Hindistan (122-ci) seçilib.

Bundan başqa, Moldova (121), Pakistan (120), Qazaxıstan (119), Nepal (118), Ukrayna (117), Gürcüstan (116), Əlcəzair (115), Azərbaycan (114) və Kolumbiya (113) dünyanın ən ucuz 10 ölkəsi seçilib.

Keçmiş sovet respublikalarından Ermənistan (101), Rusiya (91), Belarus (88), Özbəkistan (72), Litva (68), Latviya (67) və Estoniya (58) da siyahıda yerləşib.

Yaşayış üçün ən bahalı ölkələrin siyahısında Bermud adaları (1-ci), İsveçrə (2-ci), Baham adaları (3-cü), Norveç (4-cü), İslandiya (5-ci), Danimarka (6-cı), Sinqapur (7-ci), Lüksemburq (8-ci), Küveyt (9-cu) və Honkonq (10-cu) qərarlaşıb.

İzmir şəhərində partlayış baş verib. Ədliyyə binası yaxınlığında atışma baş verib və nəticədə 2 terrorçu öldürülüb.

1 terrorçunun qaçdığı deyilir. Hadisə yerinə çox sayda təcili tibbi yardım maşını cəlb edilib.

Partlayış məhkəmə binasının C qapısında, yalnız hakim və prokurorların avtomobillərinin saxlanılmasına icazə verilən yerdə törədilib.

Hadisə nəticəsində 1 polis və 1 ədliyyə işçisi şəhid olub. Partlayış zamanı 3-ü polis olmaqla 7 nəfər yaralanıb. Yaralılar təcili yardım maşınları ilə ən yaxın xəstəxanalara aparılıblar.

Terrorçulara məxsus 2 avtomat silah və 8 əl bombası aşkarlanıb.

Bu gün Gənclər və İdman Nazirliyi 2016-cı ilə yekun vurub.

Rusiya Müdafiə Nazirliyinin Qara dənizə düşən Tu-154 təyyarəsində məşhur A. V. Aleksandrov adına mahnı və rəqs ansamblının 3 solistindən başqa bütün üzvləri olub.