Xaricdə yaşayan azərbaycanlılarla bağlı qanunvericilikdə dəyişiklik edilir.

Milli Məclisdən APA-ya verilən məlumata görə, “Xaricdə yaşayan azərbaycanlılarla bağlı dövlət siyasəti haqqında” qanunun 5.3-cü maddəsinə təklif olunan dəyişiklikdə bildirilir ki, “Azərbaycan Respublikası vətəndaşlığına qəbul edilməsi barədə vəsatət qaldıran, xaricdə yaşayan azərbaycanlı müvafiq dövlət rüsumunu ödəməkdən azad edilir” cümləsində “müvafiq dövlət rüsumu ödəməkdən azad edilir” sözləri “tərəfindən dövlət rüsumunun ödənilməsi məsələsi “Dövlət rüsumu haqqında” qanunla tənzimlənir” sözləri ilə əvəz edilir.

Beləliklə, xaricdə yaşayan azərbaycanlı Azərbaycan Respublikasının vətəndaşlığına qəbul olunmaq üçün müraciət edən zaman ondan bununla bağlı qanuna müvafiq olaraq rüsum tələb olunacaq.

Layihə Milli Məclisin plenar iclasına tövsiyə olunub və noyabrın 29-da müzakirəyə çıxarılacaq. 

"Tramp haqqında şəxsi fikrim çox müsbətdir. Keçirilən sorğulara və Amerikanın aparıcı media qurumlarının gözləntilərinə baxmayaraq, ona qarşı aparılan aqressiv kampaniyaya baxmayaraq, Amerika xalqı ona böyük dəstək göstərdi, o, seçkilərdə qalib gəldi. Bu seçkilərə görə o, ancaq özünə borcludur".

APA-nın məlumatına görə, bunu Azərbaycan prezidenti İlham Əliyevnoyabrın 17-də Dünya Xəbər Agentliklərinin V Konqresinin iştirakçılarının bir qrupu ilə görüşündə deyib.

Dövlət başçısı Donald Trampın böyük hörmətə layiq olduğunu bildirib.

"Ümid edirik ki, əvvəlki illərdə ABŞ-la Azərbaycan arasında inkişaf edən əlaqələr onun prezidentliyi dövründə uğurla davam edəcək. Əməkdaşlıq üçün bir çox sahə, o cümlədən siyasi, iqtisadi, enerji və başqa sahələr var. Dünyada da onun siyasəti üçün çox böyük gözləntilər var. Bunun üçün də Azərbaycan olaraq ona uğurlar arzulayırıq və düşünürəm ki, Azərbaycan xalqı seçkilərdə baş verənləri qiymətləndirir", - deyə prezident qeyd edib.

ABŞ-ın 45-ci prezidenti Donald Trampın qızı İvankanın “CBS” kanalında “60 Minutes” verilişində çıxışı efirdə yayımlandıqdan sonra o, tənqidlərə səbəb olub.

“Qafqazinfo”nun “Spletnik.ru”ya istinadən verdiyi məlumata görə, verilişdən sonra İvanka Trampın şirkətinin marketinq şöbəsinin əməkdaşı reklam məqsədli press-reliz yayaraq bildirib ki, prezidentin qızı “60 Minute” proqramının studiyasında ona məxsus “Metropolis” zinət əşyaları kolleksiyasından olan qolbaqla çıxıb. 
Bu bəyanat isə qalmaqala səbəb olub. Belə ki, siyasətçinin qızı atasının mövqeyindən yararlanaraq öz biznesininin tanıtımı ilə məşğul olmaqda günahlandırılır.

Hazırda İ. Trampın mətbuat xidməti bu məsələyə reaksiya göstərməyib.

Xatırladaq ki, verilişdə Donald Trampla ailə üzvləri, xanımı Melaniya Tramp, uşaqları Tiffani, Erik və Donald Jr də iştirak etmişdi. İvanka Tramp çıxışı zamanı nazir olmaq istəmədiyini bildirmişdi.

ABŞ-ın yeni seçilmiş prezidenti Donald Tramp gələcək administrasiyasını formalaşdırmaq üçün yaxın dairəsindən namizədlərin seçimini davam etdirir.

AZƏRTAC Euronews telekanalına istinadla xəbər verir ki, Tramp iqtisadiyyatla bağlı yüksək mövqelərə “Wall Street”dən nüfuzlu şəxsləri dəvət edib. Hələlik yeni seçilmiş prezidentin planında bir nəfər də qadın namizəd yoxdur. Bu baxımdan adı ölkənin baş prokuroru postuna təklif edilən namizədlərin sırasında yer alan Pem Bondi istisna ola bilər.

Yeni seçilmiş respublikaçı-prezident maliyyə naziri postuna may ayından onun seçki qərargahına başçılıq edən multimilyonçu Stiv Mnuçini dəvət edib. Mnuçinin kütləvi vergi islahatlarının tərəfdarı olduğu bildirilir. Tramp ticarət naziri postuna 78 yaşlı milyarder Uilbur Rossu dəvət etməyi planlaşdırır. “Wall Street”in iri oyunçusu Ross ilk kapitalını iflasların idarə olunmasından qazanıb. Son 15 ildə o, sənaye sahəsinə investisiya yatırmaqla məşğuldur.

Nyu-Yorkun sabiq meri Rudolf Culiani isə dövlət katibi ola bilər. O, bu postu ABŞ-ın baş prokuroru vəzifəsindən imtina edərək seçib. Dövlət katibi postuna alternativ namizəd isə ABŞ-ın BMT-dəki keçmiş daimi nümayəndəsi Con Boltondur.

Analitiklər Rayns Pribusun Ağ ev administrasiyanın başçısı seçilməsini Trampın aralarında onu seçkilərdə dəstəkləməyənlərin də olduğu respublikaçıların dominantlıq etdiyi Konqreslə işçi münasibətlərin qurulması istəyi kimi xarakterizə edirlər.

Tramp prezident müşaviri roluna ifrat-sağ qanada mənsub mühafizəkar siyasətçi Stiv Bennonu dəvət edib.

“Rusiya Prezidenti Vladimir Putinin ABŞ dövlət başçısı Barak Obama ilə görüşü hələlik planlaşdırılmır”.

Modern.az-ın Rusiya KİV-ə istinadən verdiyi xəbərə görə, bunu Rusiya prezidentinin mətbuat katibi Dmitri Peskov deyib.

D.Peskov bildirib ki, prezidentlər noyabrın 19-20-də Peruda keçiriləcək Asiya-Sakit Okean İqtisadi Əməkdaşlığı (APEC) sammitində görüşə bilərlər.

O söyləyib ki, V.Putin və B.Obama bu tədbirdə birlikdə iştirak etsələr, onların bir-biri ilə ünsiyyət quracağını istisna etmək olmaz.

İstanbulun Maltəpə Zümrüdevlər məhəlləsində partlayış olub.

AzNews.az Türkiyə KİV-lərinə istinadən xəbər verir ki, elektrik mallar istehsal edən şirkətin binasına karqo daşımaları ilə gətirilən paket açılarkən partlayış baş verib. Hadisə nəticəsində 3 nəfər ağır yaralanıb. Partlayış yerinə təcili tibbi yardım maşınları, polis qüvvələri cəlb olunub. Faktla bağlı araşdırma aparılır.