Bu gün İvane Cavaxişvili adına Tiflis Dövlət Universitetində qafqazşünas alimlərin qatıldığı IV Beynəlxalq Qafqaz Konqresinin açılışı olub.

APA-nın Gürcüstan bürosunun məlumatına görə, konqresdə TDU rektoru Georgi Şarvaşidze, TDU nəzdində fəaliyyət göstərən Qafqazşünaslıq İnstitutunun direktoru Tsira Baramidze, parlamentin diaspora məsələləri üzrə komitəsinin sədri Zviad Kvaçantiradze, Bakı Dövlət Universitetinin baş elmi işçisi, Azərbaycan-Udin Mədəni cəmiyyətinin rəhbəri Robert Mobili, Dağıstandan gələn alimlər və beynəlxalq ekspertlər iştirak ediblər.

T. Baramidze Qafqaz xalqlarının Şərq və Qərb sivilizasiyalarının kəsişməsində yaşadığını, onların dillərinin inkişafının təhlükədə olduğunu bildirib. G. Şarvaşidze isə UNESCO-nun gürcü əlifbasının dünya dilləri qrupuna mədəni irs kimi daxil edilməsi barədə qərar verdiyini bildirib.

T. Baramidze APA-ya açıqlamasında konqresin banerində Azərbaycan adının, xüsusilə Alban mədəniyyəti və dili ilə bağlı məlumatların yer aldığını bildirib: “Bizim üçün Azərbaycan çox vacib bir ölkədir. Azərbaycanda olan nəsillərin varisinin tarixini öyrənməliyik”.

R. Mobili isə tədbirdə “Azərbaycanda multikulturalizm Udin modeli çərçivəsində” adlı mövzu ilə çıxış edəcəyini bildirib: “Çıxışımla Azərbaycan həqiqətlərini dünyaya çatdıracağam və bildirəcəyəm ki, bu ölkədə xalqlar və etnoslar özlərinin multikultural dəyərlərini qoruyub saxlayır”.

“Türkiyəni Qərb dövləti kimi xarakterizə etmək doğrudur, amma tam deyil. Türkiyəni Şərq ölkəsi adlandırmaq doğrudur, amma yenə tam deyil. Qara dəniz, Aralıq dənizi ölkəsi da deyilə bilər, lakin bu da bizi tam ifadə etmir. Avropa öz dəyərlərinə zidd gedərək bizi istədiyi qədər kənara atmağa çalışa bilər, amma nə qədər əksini söyləyirsə söyləsin, Türkiyə bir Avropa ölkəsidir”.

APA-nın “Hürriyet”ə istinadən verdiyi xəbərə görə, bu sözləri Türkiyə prezidenti Rəcəb Tayyib Ərdoğan deyib. O bildirib ki, Türkiyə 650 ildir Avropada öz mədəniyyəti ilə yer alır və yer almağa davam edəcək: “Bizi Avropadan kənarlaşdırmağa Avropa ölkələrinin gücü yetməz. Biz Avropada qonaq yox, ev sahibiyik. Avropa ölkələri ilə son vaxtlar yaşadığımız problemlər gündəlik siyasi mübahisələrdir. Avropa İttifaqı ikili standartdan vaz keçərsə, bu quruma elə günü sabah üzv olmağa hazırıq. Amma birtərəfli addım atmaq dövrü bitib. Aİ söz verib yerinə yetirmədiyi addımları atarsa, bizdə təbii ki, niyyətimizi göstərəcəyik. Bizə nə versəniz, əvəzini alacaqsınız, amma Avropanın dalınca qaçmağa səbrimiz, taqətimiz qalmayıb”.

R. T. Ərdoğan Qərblə münasibətləri Şərqə alternativ kimi və əksinə, Şərqlə münasibətləri Qərbə alternativ kimi görmədiklərini söyləyib: “Bunlar bir-birini tamamlayan münasibətlərdir”.

Türkiyə prezidenti Suriya ərazisində həyata keçirilən “Fərat qalxanı” əməliyyatının hər hansı ölkəyə və ya şəxsə qarşı yox, terror təşkilatlarına qarşı yönəldiyini vurğulayıb: “Dəfələrlə bunu dilə gətirmişik. Kimsə söylədiklərimizi başqa yerlərə çəkməsin. Türkiyə təkbaşına bu mübarizəni aparacaq. Qərb ölkələrinin dəstəyi bir yana, ciddi əngəlləri ilə qarşılaşırıq. Siz bizim Çanaqqala dastanımızı oxudunuzmu? Xaç yürüşləri tarixdə qalıb, bəlkə buna dönüş etmək istəyirsiniz? Əgər belə bir düşüncəniz varsa, bu, çox yanlışdır. Biz bir NATO ölkəsiyik. Yanlış yoldasınız, özünüzü çox ciddi şəkildə test edin və doğru yola gəlin”.

Amerika KİV-i 2014-cü ilin yanvarından 2016-cı ilin mayına qədər olan dövrdə ABŞ-ın yeni seçilmiş prezidenti Donald Trampın Azərbaycanda nə qədər pul qazandığını açıqlayıb. Məlum olub ki, Tramp özü yalnız "Trump" adından istifadə üçün 2,8 milyon dollardan çox pul alıb.

Söhbət Azərbaycandakı təmtəraqlı Trump International Hotel & Tower Baku mehmanxanasından gedir.

"Qafqazinfo" xəbər verir ki, virtualaz.org bir müddət öncə Amerika KİV-nə istinadən Azərbaycanda Donald Trampla əlaqəli ən azı beş obyektin olduğu barədə yazmışdı. Bu arada qeyd edək ki, prezidentliyə namizəd kimi qeydiyyata alınmaq üçün Trampın ABŞ-ın Hökumət Etikası üzrə İdarəsinə göndərdiyi hesabatların yalnız birində Bakının adı 21 dəfə xatırlanır (Yeri gəlmişkən, orada Yerevan və ya Ermənistanın adı çəkilmir)!

Amerika nəşri ProPublica-nın yazdığı kimi, bütün bunlar əxlaq üzrə hüquqşünasların və ekspertlərin diqqətini çəkib. Çoxları hesab edirlər ki, hüquqi nöqteyi-nəzərdən Trampın xarici lisenziya razılaşmaları ABŞ Konstitusiyasını - hansının ki müddəaları prezidenti istənilən pul mükafatının, vəzifənin və ya titulun qəbulundan çəkindirir,- poza bilər. Konstitusiyanın pozulması isə impiçmentə gətirib çıxara bilər.

Ancaq bir "əmma" var. "Biz Trampın müddəaları pozduğunu necə biləcəyik?”-deyə ProPublica nəşri sual edir. Və özü də cavab verir: “Heç cür. Hər şeydən əvvəl informasiyanın açılması üzrə prezidentlərə qoyulan məhdudiyyət tələbinə görə”.

Bundan başqa Tramp, ABŞ-ın Hökumət Etikası üzrə İdarəsinin tələblərinə uyğun olaraq, 2018-ci ilin mayına qədər öz aktivləri, gəlirlər, hədiyyələr və qiymətli kağızların portfelləri üzrə illik kompleks hesabatı hazırlamaya bilər.

ABŞ-da keçirilən prezident seçkilərinin dünyanı şoka salan nəticələri ətrafında səs-küy səngiməmiş proseslər gözlənilməz istiqamətdə dəyişir.

Milyarder Donald Trampın öz komandasını formalaşdırıb başa çatdırmaq üzrə olduğu bir vaxtda gözlənilmədən seçkilərin üçüncü iştirakçısı, Yaşıllar partiyasının namizədi Cill Stayn noyabrın 25-də kritik ştatda-Viskinsonda səslərin yenidən sayılması üçün ərizə verib

Qeyd edək ki, ABŞ-da prezidentlik uğrunda mübarizə ənənəvi olaraq iki partiyanın-respublikaçıların və demokratların namizədləri arasında gedir. Çünki onlar ABŞ siyasi sisteminin iki əsas oyunçusudur və bu ölkədə çoxsaylı başqa siyasi partiyalar qeydiyyatda olsa da heç biri ümumölkə miqyasında ciddi populyarlığa malik deyil. Demokratların siyasi platformasına yaxın olan Yaşıllar partiyası da belədir və bu partiyanın namizədi hər dəfə prezident seçkilərində öz namizədini irəli sürür. Və bir qayda olaraq 1-2 faizdən çox səs toplaya bilmir. Lakin indi istisna deyil ki, Yaşıllar partiyasının seçki dövründə heç kimin yadına düşməyən namizədi səsvermənin dünyanı heyrətə salan nəticələrinin ləğvinə səbəb ola bilər.

Məsələ burasındadır ki, Viskinson ştatında Donald Tramp 0.7 faizlik cüzi səs üstünlüyü ilə Hillari Klintona qalib gəlib. Bu ştatda bülletenlərin əllə sayıldığı məntəqələrdə Hillari Klinton qalib gəlib. Səslərin elektron sayıldığı məntəqələrdə isə Tramp udub. İndi Cill Staynın müraciəti əsasında həmin məntəqələrdə bülletenlərin əllə sayılması prosesi başlayacaq. O, Viskinsonla yanaşı Miçiqan və Pensilvaniyada da “statistik anomaliyalarla bağlı” səslərin yenidən sayılmasını tələb edəcəyini bildirib. Əgər bu üç ştatda səslərin yenidən sayılması nəticəsində nəticələr ləğv olunarsa Trampın qələbəsi əlindən alınacaq və prezident Hillari Klinton olacaq.

Türkiyə tərəfi Suriyada vətəndaş müharibəsi və son dövrlərdəki terror hücumları ilə bağlı sərhəddə təhlükəsizlik tədbirlərini gücləndirir.

Donald Trampın Kuba lideri Fidel Kastronun arxasınca danışması onun vicdanına qalıb.