Rusiya prezidenti Vladimir Putinin “sağ əli” hesab olunan, eks-mətbuat naziri, “Qazprom-Media”nın keçmiş rəhbəri, iş adamı Mixail Lesinin ölümü ilə bağlı ABŞ polisinin apardığı istintaq işi bağlanıb.

“Qafqazinfo”nun “Lenta.ru”ya istinadən verdiyi xəbərə görə, bu barədə ABŞ Ədliyyə Nazirliyinin “Tvitter” səhifəsində məlumat yerləşdirilib.

Bəyanatda onun həddindən artıq içki içməyi səbəbilə, bədbəxt hadisə nəticəsində öldüyü bildirilib. Həm də Lesinin ölərkən tək olduğu vurğulanıb.

Xatırladaq ki, Mixail Lesinin cəsədi 2015-ci il noyabrın 5-də Vaşinqtonda “Dupont” hotelində aşkarlanmışdı.
M. Lesin 2013-2014-cü illərdə “Qazprom-Media”nın rəhbəri olub, 2000-ci illərdə mətbuat naziri kimi fəaliyyət göstərib, eləcə də V. Putinin məsləhətçisi olub.

Alimlər 500 il ərzində ilk dəfə İsa Məsihin məzarını açıblar. 

AzNews.az “Ren TV”yə istinadən xəbər verir ki, buna səbəb alimlərin İsa Məsihin Qüdsdə yerləşən məzarıyla bağlı araşdırma aparmasıdır. Araşdırmanın məqsədi məzarı örtən mərmər plitələrin tədqiqi və qəbrin ilkin formasının öyrənilməsidir.

Gələcəkdə sənədli film hazırlanması üçün bütün araşdırma prosesi lentə alınır. Bərpa işləri 2017-ci ilin yazına yekunlaşdırılacaq. Xərclərin ümumi məbləği isə 4 milyon dolları ötəcək.

Qeyd edək ki, alimlər İncilə əsasən Məsihin basdırılması üçün nəzərdə tutulan mağaranın daşının orijinal səthini görmək üçün analiz aparmalıdırlar. Müqəddəs məzar üzərində kapella 1810-cu ildə salınmasından sonra ilk dəfə bərpa ediləcək. Məhz burada Müqəddəs Ocaq alışır.

Xatırladaq ki, ilk dəfə plitə XIX əsrdə yanğından sonra və 1927-ci ildə zəlzələdən sonra bərpa edilib.

“Fətullah Gülənin başqa bir ölkəyə qaçmaq üçün planlar hazırladığına dair əlimizdə məlumatlar var”.

“Qafqazinfo”nun “Hurriyet”ə istinadən verdiyi məlumata görə, bu barədə Vaşinqtonda olan Türkiyənin Ədliyyə naziri Bekir Bozdağ jurnalistlərə açıqlamasında bildirib.

Onun sözlərinə görə, “Hizmet” hərəkatının lideri Kanada, Belçika, Norveç və Braziliya kimi ölkələrə qaçmaq üçün axtarışlar aparır və bunun üçün də bəzi ölkələrin rəhbərləri ilə əlaqə qurmağa çalışır:

“ABŞ hökuməti və xalqı Türkiyənin bu məsələdəki həssaslığını başa düşməyə çalışmalıdır. Əgər Barak Obama və ailəsinə sui-qəsd cəhdi edilsə, xalqın üzərinə tanklar sürülsə, 241 ABŞ vətəndaşı öldürülsə, bu terroru törədən təşkilatın rəhbəri Türkiyədə olsa və Türkiyə ABŞ-ın həmin qatilin təhvil verilmə tələbinə müsbət və ya mənfi cavab versəydi, ABŞ hökuməti və xalqı özünü necə hiss edərdi? Hər kəs bilsin ki, biz Gülənin sərbəst gəzməyini qəbul edə bilmərik.

ABŞ Gülənin Türkiyəyə təhvil verilməsinə razılıq verməsə, bu, iki ölkə arasında əlaqələrin pisləşməsinə səbəb olacaq. Üsamə Bin Laden ABŞ üçün nə məna kəsb edirsə, Fətullah Gülən də Türkiyə üçün eyni mənanı daşıyır. ABŞ-ın Türkiyəni bir terrorçuya qurban verməyəcəyinə hələ də ümid edirəm”.

“Türkiyə prezidenti Rəcəb Tayyib Ərdoğanla görüşəndə mənə 15 iyul qiyamının FETÖ tərəfindən həyata keçirildiyini və təşkilatın rəhbəri Fətullah Gülənin ABŞ-da yaşadığını söylədi”.

“Qafqazinfo”nun “Hurriyet”ə istinadən verdiyi məlumata görə, bu barədə “Valday” Beynəlxalq Müzakirə Klubunun Soçidə təşkil olunan toplantısında çıxış edən Rusiya prezidenti Vladimir Putinona Fətullah Gülənlə bağlı ünvanlanmış suala cavabında bildirib.

“Hansı üsulla olursa-olsun, başqa bir ölkənin daxili siyasətinə müdaxilə qəbuledilməzdir. İstər kiber hücumlar, istərsə də ölkə daxilində olan hər hansı bir təşkilatın vasitəsilə dövləti dağıtmağa heç kimin ixtiyarı yoxdur”, - deyə Putin vurğulayıb.

National Geographic" jurnalının üz qabığında fotosu dərc edilmiş Əfqanıstan vətəndaşı olan məşhur qadın Pakistanda həbs edilib.

"Report" "Khaama Press"ə istinadən xəbər verir ki, Şərbət Qula adlı həmin xanımın həbs edilməsinə səbəb olaraq Əfqanıstandan gəldiyi vaxtdan Pakistanda qanunsuz yaşaması göstərilib.

Məlumata görə, ondan şəxsiyyətini təsdiqləyən Əfqanıstan və Pakistana aid sənədlər götürülüb. 

Xəbərdə bildirilib ki, Şərbət Qulanı 14 il azadlıqdan məhrumetmə cəzası gözləyir.

Qeyd edək ki, Şərbət Qula fotosu 1985-ci ildə "National Geographic" jurnalının üz qabığında dərc edildikdən sonra məşhurlaşıb. Həmin fotonun müəllifi jurnalist Stiv Makkaridir. Şəkil Əfqanıstanda qaçqın düşərgəsində çəkilib və jurnalda "Əfqan qız" adı ilə dərc edilib. 

Ukraynanın Melitopol şəhərində ermənilərlə gürcülər arasında silahlı insident baş verib.

Şəhər mərkəzindəki "Coker" kafesinin yaxınlığında 6 nəfərin mübahisəsi atışma ilə nəticələnib.

Məlumata görə, insident nəticəsində iki nəfər ölüb. Onlardan birinin erməni, digərinin gürcü olduğu bildirilir. 

Hadisənin qadın üstündə törədildiyi bildirilir. Tərəflər bir-birinə tapançalardan atəş açıb. Ölənlər Zurab Onanizi və Staqis Badesaryandır.