İnternetdə polis idarəsindən qaçan məhbusun görüntüləri istifadəçilərin böyük marağına səbəb olub.

Rusiyanın Sankt-Peterburq şəhərində həbs olunmuş zərgərlik mağazalarını soyan 25 yaşlı şübhəli dindirilərkən polis idarəsinin kiçik pəncərəsindən çıxaraq qaçıb.

Daxili müşahisdə kameralarının görüntülədiyi qaçış kadrlarını sizə təqdim edirik.

Türkiyənin Muğla rayonunun Bodrum qəsəbəsində qaçaq yolla Yunan adalarına keçməyə çalışan suriyalı qaçqınları daşıyan təknə batıb, 17 nəfər ölüb.

"Dalğa TV" -nin Türkiyənin Anadolu Agentliyinə istinadən verdiyi məlumata görə, ölənlərin cənazələri Turgutreis limanına gətirilib.

Muğla valisi Amir Çiçek deyib ki, 8 metrlik təknəyə 37 nəfər minib. Valinin bildirdiyinə görə, 20 nəfərin həyatını qurtarmaq mümkün olsa da, 17 nəfərin cəzanəsi dənizdən çıxarılıb.

Vali hadisə ilə bağlı araşdırma başladıldığını da qeyd edib.

Məkkədə 750-dən artıq zəvvarın ölümünə, 1000-ə yaxın insanın yaralanmasına səbəb olan izdihama görə 28 nəfər edam olunacaq.

Dalga TV-nin Anspress-ə istinadən məlumatına görə, bu haqda Livanda nəşr olunan qəzetlərdən biri yazıb. Livanda nəşr olunan "əl-Diyar" qəzeti bildirir ki, Səudiyyə Ərəbistanı kralının oğlu Məhəmməd bin Salmanın kortejinin Mina dağına getməsi ilə əlaqədar digər hacıların hərəkət istiqamətinin təcili olaraq dəyişdirilməsi üzündən yüzlərlə hacı bir-birinin üzərinə yıxılıb və onların çoxu dünyasını dəyişib.

"əl-Diyar" qəzeti yazır ki, Səudiyyənin müdafiə naziri olan vəliəhdin xidməti və müdafiəçiləri ilə birgə hərəkət etdiyi silahlı kortejin Minanın mərkəzində olması üzündən Mina dağında 1000-dən çox hacı ölüb.

Moskva, prezident Bəşər Əsədin ordusuna dəstək və İslam dövlətinin, eləcə də digər qruplaşmaların hücumunun qarşısını almaq üçün istənilən an Suriyaya aviazərbələr endirməyə hazırdır.

Bu barədə Amerika kəşfiyyatına istinadən Los Angeles Times yazıb.

Aviazərbələrin endirilməsinə 28 qırıcı və hücum təyyarəsi cəlb edilə bilər, onlar Suriyanın Latakiya əyalətinə gizli olaraq ötürülüb, nəşr iddia edir.

Kəşfiyyatın məlumatına əsasən, Suriyaya 12 qırıcı-bombardmançı Su-24, eyni sayda Su-25 hücum və dörd Su-30 qırıcı təyyarə aparılıb.

Vaşinqtondakı mənbələr bildirib ki, təyyarələr Suriyaya yerləşdiyi məkanı təyinetmə cihazı - transporderləri söndürülmüş halda gətirilib.

Los Angeles Times yazır ki, təyyarələr Suriyaya Rusiyanın, İran və İraq üzərində kommersiya hava dəhlizindən istifadə edən nəqliyyat təyyarələri An-124-ün müşayiəti ilə gətirilib.

Reaktiv təyyarələr istənilən an aviazərbə endirməyə hazırdırlar, hal-hazırda bunun üçün heç bir maneə yoxdur”, - Amerika kəşfiyyatına yaxın mənbə bildirib.

Xəbər verdiyimiz kimi, Səudiyyə Ərəbistanında Həcc ziyarəti zamanı yaranan izdiham nəticəsində 717 nəfər ölüb, 863 zəvvar isə xəsarət alıb.

Azərbaycan Prezidenti İlham Əliyev iki Müqəddəs Ocağın Xadimi, Səudiyyə Ərəbistanının Kralı Salman bin Əbdüləziz Al Səuda başsağlığı verib.

Başsağlığında deyilir:

“Əlahəzrət, Əziz Qardaşım,