XİN məlumat yaydı.

Pulitzer mükafatının qalibi, jurnalist, “National Geographic” jurnalının əməkdaşı, ABŞ vətəndaşı Paul Salopek Azərbaycan hökumətinə məktubla müraciət edərək, adının “Arzuolunmaz şəxslər siyahısı”ndan çıxarılmasını xahiş edib.

Bu barədə Oxu.Az-a XİN-nin Mətbuat xidmətinin rəhbəri Hikmət Hacıyev bildirib.

Onun sözlərinə görə, məktubunda P.Salopek Azərbaycan Respublikasının beynəlxalq səviyyədə tanınmış sərhədləri daxilində ərazi bütövlüyü və suverenliyinə və qanunlarına hörmət etdiyini və Ermənistan tərəfindən işğal edilmiş Azərbaycan ərazilərinə bilmədən və səfərin fəsadlarından əvvəlcədən məlumatlı olmadan səfər etdiyini qeyd edib.

O, bu səfərin Azərbaycanın suverenliyi və ərazi bütövlüyünə hörmətsizlik mənası daşıya bilməyəcəyini vurğulayıb.

Səfərlər əlaqədar təəssüfünü ifadə edərək, Paul Salopek Ermənistan tərəfindən işğal olunmuş Azərbaycan ərazilərinə səfərin heç bir halda Azərbaycanın işğal olunmuş ərazilərində yaradılmış qondarma rejimin təşviqinə xidmət etmədiyini bildirib.

İşğal olunmuş ərazilərə qanunsuz səfər ilə əlaqədar Azərbaycan hökuməti və xalqından üzr istəyən Paul Salopek gələcəkdə işğal olunmuş ərazilərə bu kimi səfərlərdən çəkinəcəyinə dair zəmanət verib.

Paul Salopekin müraciəti müvafiq qaydada nəzərdən keçirilib və onun adının arzuolunmaz şəxslər siyahısından çıxarılmasına və qədim insanların hərəkət marşrutunun piyada səfərlə öyrənilməsinə xidmət edən “Out of Eden Walk” layihəsi çərçivəsində Azərbaycana səfərinə icazə verilib.

İtaliya paytaxtının sakinləri və turistlər eynək almaq üçün Vatikanı tərk edib optika mağazasına gedən Roma Papası Frantsiski yaxından görmək şansı əldə ediblər.

"DalğaTV"-nin xarici KİV-ə istinadən verdiyi xəbərə görə, Roma Papası mağazaya adi maşında gəlib və orada 40 dəqiqəyə yaxın vaxt keçirib. Nəticədə yeni eynəklərdən heç birini bəyənməyən Frantsisk eynəyinin şüşəsini dəyişdirməyi və buna görə ödəniş edəcəyinə israr edib.

“Mənə yeni eynək lazım deyil, sadəcə, əvvəlki eynəyimin şüşəsini dəyişmək lazımdır, çox pul xərcləmək istəmirəm”, - KİV Roma Papasının belə dediyini yazır.

Mağazanın sahibi Alessandro Spitsia əvvəllər də Papanı eynəklə təmin edib, ancaq adətən, Vatikana özü çatdırıb.

Türkiyənin Vaşinqtondakı səfiri Sərdar Kılıç ABŞ-ın “New York Times” qəzetində dərc olunan “ABŞ-ın Türkiyə ilə təhlükəli iş birliyi” başlıqlı məqalə ilə əlaqədar redaksiyaya etiraz məktubu göndərib.

Dalga TV-nin Publika.az-a istinadən verdiyi məlumata görə, türk səfir sözügedən məqaləyə görə ABŞ-ın Ankaradakı sabiq səfiri Eric Edelmana etirazını bildirib:

“Cənub sərhədlərimizdə təhlükə yaradan, 2003-cü ildən İraqı işğal etməklə bölgəmizdə münaqişə və təhdid ocaqları yaradanlara qarşı Türkiyə də özünün müdafiə gücünü tətbiq etməyə borcludur. ABŞ-ın sabiq səfirinin Türkiyəyə qarşı bu ittihamları isə çox ironik görünür. Bir terror təşkilatına qalib gəlmək üçün digər terror təşkilatının cinayətlərini unudaraq, onunla razılaşma imzalayanlar Türkiyəni öz əməllərinə ortaq edə bilməzlər”.

Xatırladaq ki, “New York Times” qəzetinin 2015-ci il 27 avqust tarixli sayında Birləşmiş Ştatların Ankaradakı sabiq səfiri Eric Edelmanın adından dərc olunan “ABŞ-ın Türkiyə ilə təhlükəli işbirliyi” başlıqlı məqalədə iddia olunur ki, prezident Rəcəb Tayyib Ərdoğan ölkə daxilində apardığı vətəndaş mübarizəsinin qarşısını almaq üçün “İncirlik” hərbi hava bazasını koalisiya qüvvələrinin üzünə açıb.

Məqalədə həmçinin ABŞ prezidenti Barak Obamaya Ərdoğan hökuməti ilə münasibətləri sərtləşdirmək və qarşılıqlı kəşfiyyat məlumat mübadiləsinin azaldılması çağırışları edilir.

Türkiyə prezidenti Rəcəb Tayyub Ərdoğan, Qazaxıstan dövlət başçısı Nursultan Nazarbayev və Fələstin lideri Mahmud Abbas Rusiyada bir araya gələcək.

Dalga TV-nin Qafqazinfo-ya istinadən məlumatına görə dövlət başçıları Moskvada Avropanın ən böyük məscidinin açılışında iştirak edəcəklər. Bu barədə məlumatı Rusiya Müftilər Birliyi nümayəndəsi Gülnur Gaziyeva yayıb. Gaziyeva üç liderin mərasimdə iştirakını təsdiq etdiyini vurğulayıb.

Açılış mərasimində müsəlman ölkələrin bir çox nümayəndələri də iştirak edəcək.

Moskva Ulu Məscidi Qurban bayramından bir gün əvvəl, yəni sentyabrın 23-də açılacaq. Açılış mərasiminə Rusiya dövlət başçısı Vladimir Putin də qatılacaq.

Məscid Moskvanın ən böyük prospektlərindən biri olan Prospekt Mirada tikilir. Məscid 19 min kvadrat metr ərazini əhatə edir.

Buraya konfrans və sərgi salonları da daxildir.

Türkiyə üzərindən Suriyaya keçərək İŞİD-ə qoşulanların statistikası yayılıb.

Dalga TV Publika.az-a istinadən xəbər verir ki, dünyanın 112 ölkəsindən Türkiyə vasitəsilə İŞİD-ə qoşulanların sayı 19 min 626 nəfərdir. Türkiyənin həbs edərək deportasiya etdiyi İŞİD-çilərin sayı isə 2 min 122-dir.

Ekspertlər dünyanın 112 ölkəsindən İŞİD-in əsgər toplamasını dəhşətli statistika adlandırıb. Bu terror təşkilatının gücünü nümayiş etdirir. Qeyd edək ki, 112 ölkə arasında Azərbaycanın da adı var.

Avropa qaçan miqrantları sayı gündən-günə artır.

"DalğaTV" xəbər verir ki, qaçqınların pənah gətirdikləri ölkələr onlara heç də xoş münasibət göstərmir. Gecələdikləri çadırlar yerlilər tərəfindən tez-tez hücumlara məruz qalır.

Ailəsi ilə birgə Suriyadan qaçan Kənan adlı oğlan isə Macarıstana gəlib. Onlar səfərlərini davam etdirmək üçün polisin icazəsini gözləyir. Kənan onlara göstərilən münasibətin heç də yaxşı olmadığını bildirib.

“ Siz müharibəni dayandırın, biz onsuz da gəlmərik”