Nyu-Yorkda az qala hər kəs fransalı rəssam JR-in 45 metr uzunluğunda olan fotosundan danışır.

Rəssam yeriyən bir gəncin fotosunu çəkib və sonra onu 62 ədəd böyük hissələrdə çap edib. Aprelin 11-də gecə 20 nəfərlik komandası ilə birgə həmin fotonu Nyu-Yorkda - “FlatironPlaza”nın yaxınlığında yerə yapışdırıb.

İndi nəinki Nyu-York, ABŞ-ın digər şəhərlərində 4 saata hazır olan bu fotodan danışırlar.

Həmin fotodakı gəncsə azərbaycanlı Elmar Əliyevdir. O, Nyu-Yorkda yaşayır və oradakı “Old Baku” restoranında çalışır.

“New York Times” yazır ki, sakinlər əvvəl bu fotoya diqqət yetirməyiblər. Çünki hansısa bir rəsmin üzərindən yeridiklərini bilmək üçün yerə ancaq və ancaq yuxarıdan baxmaq lazım idi. Foto cəmi bir gün Nyu-Yorkda qala bilir. Elə həmin gün küçələri təmizləyən maşın həmin fotonu da təmizləyir. Bəlkə də orada bir rəmzin olduğunu bilmədən.

Maraqlısı odur ki, bu fotonu məşhurlaşdıran məqam onun yerə yapışdırılan andan silininə qədər baş verənlərin yuxarıdan video ilə çəkilməsidir.

JR Nolita küçəsində ötən il Nyu-Yorka gələn 16 nəfərin portretini çəkib. Onlardan biri də ABŞ-a 2014-cü ilin ilin avqustunda - “green cart” udandan sonra gələn Elmar Əliyev olub.

Görünür, Elmarın bəxti bu dəfə yenə gətirib. JR 16 portret arasından məhz onun fotosunu seçib.

Elmar deyir ki, “Evdə tək-2” filmindən tanıdığı Nyu-Yorkun Mərkəzi Parkı və plazanın ətrafında gəzməyi xoşlayır. JR isə deyir ki, Elmarın yeriyərkən əllərini də irəli aparmasından xoşu gəlib.

Ötən gün İstanbulda Türkiyə Böyük Millət Məclisinin (parlament) bir qrupu millət vəkili Azərbaycan Milli Məclisinin deputatı Flora Qasımova ilə görüşüblər.

Modern.az saytının məlumatına görə görüşdə qondarma erməni soyqırımı, Türkiyə-Ermənistan məsələsi müzakirə edilib. Milli Məclisin deputatı Flora Qasımova çıxışında deyib ki, hazırda Türkiyə Ermənistanla bağlı siyasətində sərt mövqe nümayiş etdirmir. “Türkiyənin Ermənistan məsələsində yumşaq mövqedə olması əlavə problemlərə yol açacaq”,-deyə Flora Qasımova bildirib.

Deputat qeyd edib ki, Türkiyənin Ermənistandan gələn vətəndaşlara əlavə imtiyazlar tanıması bu ölkədə ciddi problemlərə, hətta terror təhlükəsinə gətirib çıxara bilər.

“Bununla da Türkiyədə ikinci PKK cəbhəsi açıla bilər. Yeni erməni təhlükəsi hətta PKK-dan da ciddi təhlükə mənbəyinə çevrilə bilər”,-deyə o əlavə edib.

Vətən Partiyası üzvlərindən ibarət bir qrup dünən İstanbulun İstiqlal küçəsində yürüş keçirib. Modern.az Türkiyə mətbuatına istinadən xəbər verir ki, erməni soyqırımı iddialarına etiraz etmək üçün təşkil olunan yürüşə Vətən Partiyasının sədri Doğu Perinçekinlə yanaşı, onun müavini Ola Perinçek və Vətən Partiyası İstanbul Millət Vəkili namizədləri və partiyalar iştirak edib.

İstiqlal küçəsində üzərində "Soyqırım törətmədik, vətən müdafiə etdik", "Türk-Erməni qardaşdır, Amerika qəddardır" və "Qərbin yalanı imperialist planı" şüarları yazılan plakatlar daşıyan mitinqçilər eynu şüarları həm də səsləndiriblər.

Dünyanın ən inkişaf etmiş ölkələri dedikdə həm də ərazisi böyük olan dövlətlər nəzərdə tutulur. Amma bəzi ölkələrin ərazisi bir şəhər boyda olsa da onların sərvəti daha çoxdur.

ANS PRESS kiçik, lakin zəngin olan 10 ölkəni təqdim edir.

10.Vatikan
Vatikan ərazisinə görə dünyanın ən kiçik ölkəsidir. İtaliyanın ərazisində yerləşir. Katolokliyin, Roma papasının qaldığı müqəddəs məkanlardan biridir. Ölkənin əslində 839 əhalisi var. Vatikanın iqtisadiyyatı katoliklərin ianələri və turizmdən formalaşır.

9.San Marino
San Marino dənizə çıxışı olmayan mikro dövlətdir. 61.2 kilometr sahədə 32.576 əhali yaşayır. Gəlir mənbəyi turizm sektoru, ölkənin təbii sərvətləridir.

7.Monako
Krallıq Avropadakı ən zəngin ailələrin yaşadığı yerlərdəndir. Ölkəni kral II Albert idarə edir. Dünyanın ən məşhur Monte Karlo Kazinosu 1858-ci ildə açılanda bütün dünyada böyük əks sədaya səbəb olmuşdu. Bu kazino ölkəni turizm cənnətinə çevirib.

6.Lixtenşteyn
İsveçrə və Avstryanın arasındakı bu ölkə turizm və bank sektoru ilə fərqlənir. Alp dağları mükəmməl qış turizminin yaranmasına da səbəb olub. Nisbətən aşağı faiz, vergi dərəcəsi və bank qanunları avropalılar üçün bir cənnətdir.

5.Monteneqro
625.266 əhalisi ilə müstəqilliyini 2006-cı ildə əldə edən gənc dövlətdir. Bura hər il milyonlarla turist gəlir.

4.Malta
Ada ölkəsi olan Malata nə Afrika, nə də Avropaya məxsusdur. Yerləşdiyi yerə görə dəfələrlə istilaya məruz qalıb. İqtisadiyyatın əsas sütunu turizm və bank sektorudur.

3.İslandiya
İslandiyanaın bu siyahıya düşməsi qəribə gələ bilər. İqtisadiyyatın əsasənı təbii mənbələri təşkil edir. Bu ölkə həm də dünyanın ən önəmli bank və maliyyə xidmətləri göstərən mərkəzlərindən idi. Lakin 2008-ci il böhranı bank sektorunu dağıdıb.

2.Kipr
Aralıq dənizindəki ada ölkədir. Fərqli mədəniyyətlərin qovuşduğu bir məkandır. Bank sektoru böhrandan ziyan çəksə də yaxın gələcəkdə vəziyyətin düzələcəyi istisna deyil.

1.Lüksenburq
Fransa, Almaniya və Belçika arasında yerləşdir. Bura həm də Avropanın ən hüzurlu ölkəsidir. İstehsal və maliyyə sektoru sayəsində büdcəni formalaşdırır.

Hindistanda bir ata uşaqlarını müalicə etdirə bilmək üçün böyrəklərini satacaq.

ANS PRESS-in məlumatına görə, bir ailənin 3 uşağı güclü piylənmədən əziyyət çəkirlər. Bütün gün yemək yeyən uşaqlar normal hərəkət edə bilmirlər. 5 yaşlı Yoqitanın çəkisi 34, 3 yaşlı Anişa 48, 18 aylıq Xarş isə 15 kiloqramdır. Ailənin başçısı Rameşbai Nandvana övladlarının daim aclıqdan şikayət etdiklərini deyib. Onlar bir həftə ərzində iki normal ailənin bir ay ərzində yediyi qədər yemək yeyirlər.

Balacaların valideynləri də övladlarında bu xəstəliyin olmasına təəccüblənirlər. Çünki onların ailəsində heç kim artıq çəkidən əziyyət çəkməyib. Hətta onların 6 yaşlı qızlarının çəkisi də 16 kiloqramdır. Nandvanın fikrincə, uşaqların bu bəlaya düçar olmasının səbəbi onların doğulduğu ilk ildə düzgün qidalanmamasıdır. O, övladlarını müalicə etmək üçün maddi imkanının olmadığını, buna görə də böyrəklərini satacağını deyib.

ATƏT-in Minsk qrupunun həmsədri olaraq Birləşmiş Ştatlar əvvəlki kimi Dağlıq Qarabağ münaqişəsinin möhkəm və dinc nizamlanmasının axtarışı üçün tərəflərlə əməkdaşlığı davam etdirmək niyyətindədir.

ANS PRESS-in məlumatına görə, bu barədə ABŞ-ın ATƏT-dəki səfiri Deniel Beyer Vyanada Daimi Şuranın iclasında bildirib.

Deniel Beyer Azərbaycan və Ermənistan prezidentlərinin Paris sammitində çıxışlarını da alqışlayıb. Onun sözlərinə görə, tərəflər Beynəlxalq Qırmızı Xaç Komitəsinin himayəsi altında Dağlıq Qarabağ münaqişəsində itkin düşənlər barədə məlumat mübadiləsinə sadiqliklərini sübut ediblər.

“Biz ümid edirik ki, prezident bu il dialoqu davam etdirmək üzrə öz öhdəliklərini yerinə yetirəcəklər və ümumi sülh sazişinə gətirəcək rəsmi danışıqlar prosesinin başlamasının vacibliyini qeyd edəcəklər”, - deyə Beyer vurğulayıb.