Şimali Atlantika Müqaviləsi Təşkilatının (NATO) baş katibi Gürcüstanda birgə təlim bazasının açılışında iştirak edib. 

  "DalğaTV"-nin  Gürcüstan bürosunun gürcü mətbuatına istinadən məlumatına görə, baş nazir İrakli Qaribaşvili ilə birgə mətbuat konfransında cənab Stoltenberg "Bizim ortaq təhlükəsizlik üçün güclü və etibarlı tərəfdaşımız" kimi Gürcüstanı təsvir edib. O, həmçinin NATO-nun Əfqanıstandakı Qətiyyətli Dəstək missiyasına ikinci böyük töhfəsini verdiyi üçün Gürcüstana təşəkkür edib.

 Daha sonra prezident Giorgi Marqvelaşvili, baş nazir Qaribaşvili,xarici işlər naziri Tamar Beruçaşvili və müdafiə naziri Tinatin Xidaşeli  baş katib cənab Stoltenberg ilə NATO-Gürcüstan birgə Təlim və İnkişaf Mərkəzinin açılışında iştirak edib.

"DalğaTV"-nin Gürcüstan KİV-lərinə istinadən verdiyi xəbərə görə, bu barədə qonşu ölkənin Baş Prokurorluğu məlumat yayıb.

Məlumata görə, qatillər L. Qvazavaya Tbilisi-Tabaxmela şossesində pusqu qurub, onu Rezo Kalomletsavi adlı qohumu ilə birgə güllələyiblər.

R. Kalomletsavi hadisə yerində ölüb.

L. Qvazava isə baş nahiyyəsindən ağır yaralanıb və komaya düşüb. Hazırda sabiq nazir müavini süni tənəffüs aparatına qoşulub.

Faktla bağlı istintaq aparılır. Hələlik qətlin kim tərəfindən sifariş olunduğu barədə versiya yoxdur.

Diplomat vurğulayır ki, Azərbaycan yalnız öz nəhəng neft və qaz yataqlarına görə deyil, eyni zamanda, Mərkəzi Asiyanın enerji resurslarının Avropaya ötürülməsində xüsusi geostrateji önəmə malikdir. Müəllif Azərbaycan Prezidentiİlham Əliyevin uğurlu siyasəti nəticəsində ölkəmizin qısa zamanda əldə etdiyi nailiyyətləri sadalayaraq, Azərbaycanın sürətli sosial-iqtisadi inkişaf və müasirləşmə yolu keçərək bu gün yerləşdiyi regionun iqtisadiyyatının 80%-ə nəzarət etdiyini bildirir. Diplomat, Azərbaycanın tarixən malik olduğu və bu gün də böyük qürur hissi ilə yaşatdığı qədim tolerantlıq ənənələrindən bəhs edir və bu ənənələrin neft-qaz resursları qədər ölkəmizin ən qiymətli sərvətlərindən olduğunu vurğulayır.

Həmçinin, N. Ağayev Ermənistan tərəfindən Azərbaycana qarşı həyata keçirilmiş işğalçılıq siyasəti barədə oxucuları məlumatlandırır.

Məqalə ilə bu link vasitəsilə tanış olmaq olar:

 http://www.washingtontimes.com/news/2015/aug/26/nasimi-aghayev-caspian-natural-gas/

Türkiyənin Osmaniyə, Qaziantep və Van şəhərlərində polis PKK terrorçularının hücumuna məruz qalıb.

APA-nın “Anadolu” agentliyinə istinadən verdiyi məlumata görə, Osmaniyə şəhərində terrorçular patrul vəzifəsi icra edən xüsusi hərəkat polislərinə hücum ediblər.

Ölən və yaralananların olmadığı hadisənin ardından qısa müddətli qarşıdurma yaşanıb. Bölgəyə dəstək üçün hərbçilər göndərilib və əməliyyat başlayıb.

Eyni zamanda PKK terrorçuları Qaziantep şəhərində polis bölməsini atəşə tutublar. Bölmənin yaxınlığında terrorçulara məxsus avtomobildə silah-sursat aşkar edilib. Hazırda hücumu törətməkdə şübhəli bilinən 3 nəfərin yaxalanması istiqamətində əməliyyat-axtarış tədbirləri həyata keçirir.

Vanda isə polis avtomobilinin minaatanlardan atəşə tutulması nəticəsində 2 nəfərin yaralandığı bildirilir. Hücumu törədən PKK silahlılarının tapılması üçün genişmiqyaslı əməliyyat hazırlanıb.

Azərbaycan Respublikasının Prezidenti İlham Əliyev Moldova Respublikasının Prezidenti Nikolaye Timoftiyə təbrik məktubu ünvanlayıb.

DalğaTV AZƏRTAC-a istinadən xəbər verir ki, təbrikdə deyilir:

"Hörmətli cənab Prezident,

Ölkənizin milli bayramı - Müstəqillik günü münasibətilə Sizə və xalqınıza öz adımdan və Azərbaycan xalqı adından ən səmimi təbriklərimi yetirirəm.

İnanıram ki, Azərbaycan ilə Moldova arasındakı ənənəvi dostluq münasibətlərinin möhkəmləndirilməsi, əməkdaşlığımızın genişləndirilməsi yolunda birgə səylərimizi bundan sonra da davam etdirəcəyik.

Bu xoş gündə Sizə möhkəm cansağlığı, işlərinizdə uğurlar, dost Moldova xalqına sülh və rifah arzulayıram".

Türkiyə prezidenti Rəcəb Tayyib Ərdoğan parlament seçkilərindən sonra ilk dəfə ictimaiyyət qarşısında çıxış edib. Türkiyə prezidenti hər kəsi eqolarını kənara qoymağa və qısa zamanda hökuməti qurmağa çağırıb.

ANS PRESS-in məlumatına görə, prezident tez bir zamanda hökumət qurmağın vacibliyindən danışıb.

"Ortaya çıxan nəticə millətin iradəsidir, hər kəs millətin seçiminə hörmət etmək məcburiyyətindədir. Seçkinin nəticəsi xalqımızın tək partiyanın iqtidara gəlməsinə imkan verməyən siyasi tabloya üstünlük verdiyini göstərdi. Bu tablonu siyasi partiyaların da olduğu kimi görməsini istəyirəm. Türkiyəni hökumətsiz, başsız qoyanlar, eqolarına məhkum olanlar, bunun hesabını nə tariximizə, nə də millətimizə verə bilməzlər. Hər kəs eqolarını bir kənara qoyub, tez bir zamanda hökuməti qurmalıdır", - Türkiyə prezidenti belə deyib.

Ərdoğan həmçinin bildirib ki, milli gəliri 800 milyard dollara çatan, ixracatını 60 milyard dollara çatdıran, işsizlik və inflyasiyanı azaldan bir ölkə bir addım da geri getməməlidir. Heç bir siyasətçi "mən" demək haqqına sahib olmamalı və "biz" deməlidir.