Məkkənin “Əl Haram” məscidində zəvvarların üzərinə aşan qaldırıcı kran ben Laden ailəsinin “Saudi BinLaden Group” tikinti holdinqi tərəfindən idarə olunan alman şirkətinə məxsus olub.

APA-nın “Gazeta.ru”ya istinadən verdiyi xəbərə görə, bu barədə “Daily Mail” nəşri yazır.

“Saudi BinLaden Group” tikinti konserni hazırda məscidin ətrafındakı meydanın genişləndirilməsini nəzərdə tutan 14 mlrd dollar dəyərində layihəni həyata keçirir. Layihəyə əsasən, təmir işlərindən sonra məscid eyni vaxtda 2,2 mln-dək zəvvar qəbul edə biləcək.

“Saudi BinLaden Group” şirkəti 1931-ci ildə Üsamə ben Ladenin atası Məhəmməd ben Laden tərəfindən təsis edilib. Şirkət Səudiyyə Ərəbistanında bir çox layihələr reallaşdırıb.

Qeyd edək ki, ötən gün qaldırıcı kranın zəvvarların üzərinə aşması nəticəsində 107 nəfər ölüb, 238 nəfər yaralanıb. Kranın aşmasına səbəb güclü külək olub.

Kəbədə qaldırıcı kranın aşması nəticəsində ölənlərin sayı 107-yə çatıb.

"Dalğa TV" RİA "Novosti" agentliyinə istinadən xəbər verir ki, hadisə nəticəsində azı 238 nəfər xəsarət alıb. Azərbaycan vətəndaşları arasında zərərçəkən yoxdur.

Kranın aşma səbəbinin fırtına olduğu deyilir.

Qeyd edək ki, hazırda Məkkədə Ümrə ziyarəti həyata keçirilir.

Böyük Britaniyanın BBC telekanalı Suriya ermənilərinin Ermənistan və Dağlıq Qarabağa köçürülməsi barədə reportaj yazıb.

 "Dalğa TV" adıçəkilən telekanala istinadən xəbər verir ki, xristian ermənilər Yerevan və Gümrü ilə yanaşı, Dağlıq Qarabağ ərazisinə də yerləşdiriliblər.

Məlumatlara görə, Suriyada münaqişə başlayandan bəri Dağlıq Qarabağa 250-dən artıq erməni ailəsi köçürülüb.

Azərbaycan tərəfi bundan əvvəl dəfələrlə Qarabağa süni şəkildə Suriya ermənilərinin köçürülməsi məsələsini beynəlxalq platformalarda qaldırıb.

Bu gün İraq və Şam İslam Dövləti (İŞİD) terror təşkilatı Nyu-Yorkda 11 sentyabr terror aktının 14 illiyi ilə bağlı dünyanın bir sıra ölkələrinin təşkilat, bank və dövlət qurumlarının saytlarına haker hücumu təşkil edib.

Hücuma məruz qalanlar sırasında Azərbaycan bankı da var. Belə ki, "Əmrahbank”ın amrahbank.az və amrahbank.com ünvanına hücum edən İŞİD-çilər sayta belə bir müraciət yerləşdirib.

AzVision.az-ın məlumatına görə, müraciətdə qeyd edilir:

"Bu, həqiqi yolu izləyənlərdən bütün dünyada olan xaçpərəstlərə bir mesajdır. Biz geri qayıtdıq. Biz sizə müqəddəs 11 sentyabr tarixini xatırlatmaq istəyirik və bildirmək istəyirik ki, yaxın zamanda yenə belə bir hücum olacaq. Və siz bizim dediklərimizi xatırlayacaqsınız.

Siz heç vaxt unutmayacaqsınız, elə biz də. Biz uca Allaha and içirik ki, siz bizi rahat buraxmayınca, biz də sizi rahat buraxmayacağıq, biz öz müsəlman ölkələrimizdə sülh görməyənə qədər, siz də öz ölkənizdə sülh görməyəcəksiniz. Bizi getdiyiniz,olduğunuz hər yerdə görəcəksiniz.

Sizin saytlarınıza, kredit kartları, kompüter və hətta telefonlarınıza haker hücum edəcəyik. Bu sizin ən qorxulu kabusunuz olacaq, proses artıq başlayıb və heç vaxt bitməyəcək. Bu sadəcə başlanğıcdır.
Usamə bin Ladeni öldürməyiniz bizim cihadımızın sonu deyil. Biz hamımız Usaməyik və 11 sentyabr hadisələri dəfələrlə təkrarlanacaq.

Usamə bin Laden dediyi kimi: "Allahın izni ilə biz sizin boynunuzu elə sizin torpaqlarda vuracağıq! Ona görə, bunu necə edəcəyimizi gözləyin və siz sonda kimin qalib gəldiyini görəcəksiniz”.

Biz sizin xeyli sayda bank, dövlət və hərbi saytlarınıza haker hücumu edib, ciddi və həssas məlumatları əldə etmişik və onlardan bəzilərini dərc edəcəyik. Əgər siz dayanmasanız, biz daha sonra bütün məlumatları dərc edəcəyik”
Müraciətdə son olaraq xəbərdarlıq edilib: "Biz müharibəni dayandırmağınız üçün 7 gün vaxt veririk. Əgər siz bunu etməsəniz, biz sizin ölkələrinizin təhlükəsizliyini təhdid edən məlumatları paylaşacağıq”.

Bu gün ABŞ tarixinə faciə kimi həkk olunub.

 "Dalğa TV"-nin məlumatına görə, 2001-ci ilin 11 sentyabrında Nyu-Yorkda Dünya Ticarət Mərkəzinin binaları terror hücumları zamanı partladılmışdı. 11 sentyabr terror aktları-Əl-Qaidə terror təşkilatı tərəfindən ABŞ-ın Nyu-York və Vaşinqton şəhərlərindəki hədəflərə qarşı həyata keçirilən silsilə terror aktlarından ibarət olub.

 Yerli vaxtla saat 08:46-da "American Airlines" şirkətinə məxsus sərnişin təyyarəsi Nyu-Yorkda yerləşən Dünya Ticarət Mərkəzinin Şimal qülləsinə çırpılıb.  

İnsanlar bu terrorun şokunda ayılmamış, 09:03 radələrində Cənub qülləsi bənzər hücuma məruz qalıb. Sonuncu hücumdan 40 dəqiqə sonra ABŞ Müdafiə Nazirliyi-Pentaqonun binası da terroristlərin idarə etdikləri təyyarə tərəfindən vuruldu. Bu hücumdan 25 dəqiqə keçdikdən sonra eyni məqsədlə qaçırılan bir sərnişin təyyarəsinin hava hücumundan müdafiə qüvvələri tərəfindən vurularaq zərərsizləşdirildiyi açıqlandı. Həmin təyyarənin hədəfinin Ağ Ev olduğu bildirildi. 

Bu hadisələr nəticəsində 2976 sadə vətəndaş həlak oldu. Eyni zamanda 6 mindən çox insanın yaralanması ilə nəticələn hadisə ABŞ-ı çox sarsıtdı.  

Bu hadisələr ABŞ-ın beynəlxalq terrorçuluqla mübarizəyə başlamasına, əvvəlcə Əfqanıstan və daha sonra İraqa qarşı hərbi əməliyyatlara start verilməsinə təkan verdi.

Smartfonlar sentyabrın 25-dən satışa çıxarılacaq.

Apple şirkəti yeni iPhone 6s və iPhone 6s Plus smartfonlarını təqdim edib.

"Dalğa TV" xəbər verir ki, iPhone 6s Plus smartfonları 12 MP kamera ilə təchiz olunub.

Yeni İphone Live Photo funksiyasını dəstəkləyir.

Apple şirkəti yeni iPhone 6s və iPhone 6s Plus smartfonlarını sentyabrın 25-dən etibarən 12 ölkədə satışa çıxaracaq. Yeni iPhone 6s-in qiyməti 649 dollar (16 Qb), 699 dollar (64 Qb), 749 dollar (128 Qb) təşkil edir.

Qeyd edək ki, Apple şirkəti yeni məhsulunu: iPad Pro, iOS 9 əməliyyat sistemini və Apple TV üçün application-ı təqdim edib.