Axır vaxtlar Azərbaycandan xaricə Gürcüstan vasitəsilə gedənlərin sayı çoxalıb. 

Xüsusi ilə də az büdcəylə səyahət edənlər bileti Gürcüstandan alıb ya Tbilisi, ya da Kutaisi aeroportundan uçurlar. Səbəbini bilənlər bilir, bu yazıda bilməyənlər üçün izah etməyə çalışacam ki, bileti Gürcüstandan almaq niyə sərfəlidir?

Dünyada bahalı bilet satan və nisbətən yaxşı xidməti olan avia şirkətlərlə  yanaşı çox ucuz, hətta bəzən su qiymətinə bilet satan şirkətlər də var. Bircə fərq odur ki, bu şirkətlər təyyarədə yemək vermir və müştəriyə yalnız 9 kiloluq bel çantası götürməyə icazə verir. Yəni ondan artıq olarsa müştəri buna görə əlavə pul ödəməlidir.

Təəssüf ki, belə şirkətlər Azərbaycandan heç bir uçuş həyata keçirmirlər. Amma Azərbaycandan fərqli olaraq bu şirkətlərdən ikisi qonşu Gürcüstandan Avropaya və dünyanın digər ölkələrinə uçuşlar edirlər. Bunlar Türkiyənin “Pegasus Hava Yolları” və Macarıstanın “Wizz Air” şirkətləridir.

Pegasus Hava YollarıTbilisi Aeroportundan həftənin müxtəlif günlərində Türkiyənin və dünyanın müxtəlif şəhərlərinə uçur, qiymətləri də digər avia şirkətlərdən daha ucuzdur. Digər ucuz bilet satan  şirkətlərdən fərqli olaraq “Pegasus”da yük daşıma ilə bağlı limit daha böyükdür, yəni baqaj götürə bilərsiniz.

Tbilisi Aeroportuna necə getmək olar?

Birinci variant taksidir. Şəhərdən aeroporta taksilərin qiyməti 20 laridir, bundan çox ola bilməz. Hətta aerportun çıxış qapısı tərəfdə taksi qiymətlərinin 30 lari olduğu yazılıb, amma siz bunu turist qiyməti kimi qəbul edin. Nəinki 20 lariyə, hətta şəhərin mərkəzindən taksilər 15 lariyə da gedir.

İkinci variant isə avtobusdur. 37 nömərli avtobus aeroporta gedir və 24 saat işləyir. Bu avtobus şəhərin mərkəzindəki Rustaveli prospektindən və Station Square adlı vağzaldan keçir. Bu vağzala isə Rustaveli metrosundan iki stansiyalıq yoldur.

Tbilisi aeroportu

Wizz Air isə əsl cənnətdir. 23-25 euro-ya Avropanın müxtəlif şəhərlərinə uçmaq mümkündür. Özü də aeroportlarda vaxt itirmədən – birbaşa. “Pegasus” dan fərqli olaraq “Wizz Air” Gürcüstandan daha az ölkəyə uçuşlar edir. Bu ölkələr – Almaniya, Macarıstan, Polşa, Yunanıstan, İtaliya, Litva və Kiprdir. Bu məsələni isə  həll etmək elə də çətin deyil. Məqsəd səyahət etməkdirsə, bu ölkələrdən birinə gedib daha sonra yaxın şəhər və ölkələrə də avtobusla getmək olar, Avropada ölkələr arası avtobus qiymətləri elə də baha deyil. Qeyd edim ki, “Wizz Air”-in yük götürməklə bağlı qaydaları çox ciddidir, ancaq bel çantası götürə bilərsiniz, yükünüz isə nəzərdə tutulandan bir az artıq olsa ya onu azaltmalı  ya da buna görə pul ödəməli olacaqsınız.

Bəs Kutaisi Aeroportuna necə getmək olar?

Kutaisi aeroportuna hər gün axşam saat 10-da Tiflisdən avtobuslar yola düşür. “Georgian Bus” şirkətinə məxsus bu avtobuslar şəhərin mərkəzindəki “Puşkin Parkı”ndan gedir. “Puşkin Parkı”Liberty Square metrosuna yaxındır, “Azadlıq Meydanı” ilə üzbəüz yerləşir. Avtobusun qiyməti isə 20 laridir. Avtobus bütün sərnişinləri birbaşa Kutaisi aeroportuna aparır. Bu avtobuslarda mütləq “Georgian Bus” şirkətinin ingilis və rus dilini bilən bir əməkdaşı da olur.

Tiflisdə Azadlıq Meydanı. Yerli sakinlər arxada gördüyünüz binaya “köhnə meriya binası” deyirlər. Sağdakı bina  isə məşhur “Marriott” oteldir.

Tiflisə ucuz və asan yolla necə getmək olar? 

Bakıdan Tiflisə avtobus qiymətləri 12 manatdır. Axşam saat 9 yaxud 11 avtobusu ilə çıxanda səhər artıq Tiflisdə olursan. Tiflisdə axşama qədər şəhəri gəzib, dadlı gürcü yeməklərindən yeyib axşam da yolunuza davam edə bilərsiniz.

Aprelin 20-21-də Tbilisidə (Gürcüstan) kommunikasiya üzrə "Baltic Weekend" beynəlxalq forumu keçiriləcək. "Report"un "Vestnik Kavkaza" saytına istinadən verdiyi xəbərə görə, tədbirdə

Azərbaycan, Gürcüstan, Türkiyə, Rusiya, Almaniya, Niderland, Xorvatiyadan 100-ə yaxın iştirakçı toplaşacaq.

"Tbilisi kommunikasiya bazarının nümayəndələrini, PR, GR, "digital", reklam və marketinq sahəsinin mütəxəsisslərini bir araya toplayacaq", - deyə məlumatda qeyd edilib.

Forumda dünya PR-sənayesinin aktual məsələləri müzakirə ediləcək, iştirakçılar yeni texnologiyalar sahəsində əldə etdikləri bilik və təcrübə ilə bölüşəcəklər, lokal və qlobal səviyyələrdə ictimaiyyətlə əlaqələrin inkişaf perspektivlərini qiymətləndirəcəklər.

"Baltic Weekend" - Mərkəzi və Şərqi Avropada kommunikasiya sahəsində ən iri tədbirlərdən biridir. 

Xəbər verdiyimiz ki, Gürcüstanın Kutaisi şəhərində yerləşən hava limanında bir neçə loukosterlər fəaliyyət göstərir.

Bu, Avropa ölkələrinə və digər istiqamətlərə ucuz aviabilet əldə etməyə imkan verir.  Həmin hava limanında fəaliyyət göstərən  aviaşirkətlər bunlardır:

Ukraine İnternational Airlines, Wizz Air və Belavia.

Turizm fins.az Kutaisi hava limanından Avropaya aviareyslərin bilet qiymətlərini təqdim edir. Məlumat üçün bildrirək ki, aşağıdakı qiymətlər gediş-gəliş biletlərinin cəmi qiymətidir

Kutaisi-Berlin-Kutaisi – 161 dollar
Kutaisi-Budapeşt-Kutaisi – 192 dollar
Kutaisi-Praqa-Kutaisi – 236 dollar
Kutaisi-Buxarest-Kutaisi –142-287 dollar
Kutaisi-Paris-Kutaisi – 130-259 dollar
Kutaisi-London-Kutaisi –168-310 dollar

Qeyd edək ki,  biletləri bu  qiymətləri 2–30 iyun tarixlərində  qüvvədə olacaq.

Türkiyənin Nəqliyyat, Dənizçilik və Rabitə naziri Əhməd Arslan Bakı-Tbilisi-Qars dəmiryolunun iyunda açılacağını xəbər verib. Dalga tv

Xəbər.ge-ə istinadən xəbər verir ki, Arslan Qarsdan qərbə doğru gedən qatar yükünün Qaradənizə də getməsinin önəmli olduğuna işarə edərək deyib:

“Qarsdan qərbə gedən qatar yükünün Qaradənizə də getməsi lazımdır. Bu səbəbdən Kırıkkale, Çorum, Samsun, Ərzincandan Trabzona əlaqə qurulacaq.

Ərzincandan cənuba, Sivasdan cənuba, yəni Elazığ, Malatya, Diyarbakır, Mardinə də enən dəmiryolu şəbəkələri inşa ediləcək. Bunlar bir-birini tamamlayacaq. Bunlar bizim üçün də, ölkəmiz üçün də çox əhəmiyyətlidir.

Bu layihələrin ən əhəmiyyətli halqalarından biri də Londondan qalxan bir qatarın Pekinə gedə bilməsi üçün Bakı-Tbilisi-Qars (BTK) dəmiryolu layihəsi. Bu layihə bölgəmiz və Qars üçün çox önəmlidir. İnşallah, iyunda istifadəyə veriləcək”

Bu gündən Azərbaycanda ilk dəfə olaraq Bakı Ticarət Festivalının (Şopinq Festivalı) keçirilməsinə başlanacaq.

Dalga tv  Trend-ə istinadən xəbər verir ki, mayın 10-dək davam edəcək festival Prezident İlham Əliyevin 2016-cı il sentyabrın 1-də imzaladığı “Azərbaycan Respublikasında turizmin inkişafı ilə bağlı əlavə tədbirlər haqqında” sərəncama uyğun olaraq keçirilir.

Ticarət festivallarının keçirilməsində məqsəd Azərbaycanın turizm və iqtisadi potensialının yüksəldilməsi, sahibkarlıq fəaliyyətinin təşviq edilməsi ilə ölkənin ticarət dövriyyəsinin artırılmasının stimullaşdırılmasıdır. Bu festivallar həm də vergi sisteminin təşviqini, fiziki şəxslər tərəfindən Azərbaycanın ərazisində alınmış istehsal, yaxud kommersiya məqsədləri üçün nəzərdə tutulmayan mallara görə ödənilmiş əlavə dəyər vergisinin qaytarılması (ƏDV) sisteminin ölkədə tətbiqi ilə vergi inzibatçılığının daha da təkmilləşdirilməsini, rezident və qeyri-rezident vergi ödəyicilərinin xidmət sisteminin inkişaf etdirilməsini nəzərdə tutur.

Festival zamanı ilk dəfə olaraq Azərbaycan vətəndaşlarına da “tax free” sistemi tətbiq ediləcək.

ƏDV qaytarılması sisteminə qoşulmuş obyektlərin üzərində xüsusi “Baku Shopping Festival – Tax Free” stikeri yerləşdiriləcək. Yalnız həmin nişan olan obyektlərdən mal alan Azərbaycan vətəndaşlarına ƏDV qaytarılacaq.

ƏDV-ni 5 bankın - Kapital Bank, PASHA Bank, Yapi Kredi Bank Azerbaijan, Bank Silk Way və Azərbaycan Sənaye Bankının filiallarında geri almaq mümkün olacaq.