Gürcüstanın Ümumi Daxili Məhsulunun artımı bu ilin yanvar-fevral aylarında ötən ildəki 2.8%-dan 4.2%-dək sürətlənib.

Dalga tv Xəbər.ge-yə istinadən xəbər verir ki, bu barədə Gürcüstanın Milli Statistika Xidmətinə istinadən xəbər verir.

Xatırladaq ki, Azərbaycandan Avropaya nəql olunan Xəzər neft və qaz boruları Gürcüstan ərazisindən keçir. Bu ölkə ticarət partnyoru olan dövləltərdə iqtiasadi vəziyyətin pisləşməsindən sonra ölkəyə gələn ixracın həcmi və pul köçürmələri azalmışdı. Buna görə də Gürcüstan ciddi çətinliklərlə üzləşdi.

2016-ci ilin aprel ayında ÜDM-in artımı 2015-ci ilin 4.3%-dən fərqli olaraq 2.1%-ə düşmüşdü. Müqayisə üçün cari ildə bu göstərici 5.3% təşkil edir.
İqtisadi artım 2015-ci ildəki 2.9%-dən 2.2%-dək yavaşladı və hökümətin ötən ilin 3%-lik proqnozundan daha aşağı oldu.

Vəziyyət bu ilin yanvarından dəyişməyə başladı. Yanvar-aprel aylarında Gürcüstana ixrac edilən məhsulların həcmi 30% artaraq 788 mln. dollara çatıb. Ticarət kəsiri 26.9%-dək azalıb, köçürmələr 19% artaraq 396 mln. dollara çatıb.

Bu il lari də ABŞ dollarına qarşı güclənməyə başladı.

Bu ilin sonuna "SOCAR Turkey Enerji A.Ş."-nin Trans-Anadolu Boru Kəməri (TANAP) layihəsində səhmdar olması məsələsi yekunlaşacaq.

Dalgatv "Report"a istinadən xəbər verir ki, bunu şirkətin baş direktoru Zaur Qəhrəmanov Bakıda jurnalistlərə bildirib.

"Bu ilin sonuna kimi "SOCAR Turkey"in TANAP-da pay alması məsələsi yekunlaşmalıdır", - deyə Z.Qəhrəmanov qeyd edib.

Qeyd edək ki, söhbət "SOCAR Turkey Enerji"nin SOCAR-ın TANAP-dakı 58%-lik payından 7%-in almasından gedir.

“SOCAR Petroleum” QSC-dən ölkədə fəaliyyət göstərən yanacaqdoldurma məntəqələrində (YDM) yanacağın kəmiyyəti və keyfiyyəti ilə bağlı bəzi KİV-lərdə yer alan iddialara aydınlıq gətirilib.

Dalga tv “Report” a istinadən xəbər verir ki, YDM-lərdə avtomobilin çəninə vurulan benzinin həcminin monitorda göstərildiyindən 1-2 litr az olması ilə bağlı iddiaya “SOCAR Petroleum”dan bildirilib ki, göstərilən fərq YDM-lərdə istismar olunan texniki qurğuların göstəricisi və aparılan dövri yoxlamalar zamanı öz əksini tapmır: “Yanacaqdoldurma məntəqələrində istismar olunan sayğacların dəqiqliyi +-0,25% təşkil edir. Hər bir müştəri bunu SOCAR yanacaqdoldurma məntəqələrində olan Nümunəvi Ölçü Qabında test aparmaqla yoxlaya bilər”.

Yanacaqdoldurma məntəqəsində vurulan yanacağın həcmə uyğun gələn məsafəni qət etməyə imkan vermədiyi ilə bağlı iddiaya isə qurumdan bildirilib ki, “SOCAR Petroleum” QSC-nin balansında olan mexaniki və həndəsi ölçmə vasitələrinin (yanacaqpaylayıcı kalonkaların tapançaları, nümunəvi ölçü qabları, manometrlər, metroştoklar, ruletka, lotlu ruletka, areometrlər və s.) kalibrlənməsi işləri Standartlaşdırma, Metrologiya və Patent üzrə Dövlət Komitəsinin Təcrübə Sınaq Mərkəzinin (AzTEST) mütəxəssisləri tərəfindən yüksək dəqiqliklə həyata keçirilir: “Bununla da yanacaqdoldurma məntəqələrimizdə yanacağın kəsilməsindən söhbət gedə bilməz. Bir daha bildiririk ki, yanacaqpaylayıcı kalonkaların tapançaları hər üç aydan bir dövrü yoxlamalardan keçir. Hər zaman qeyd emişik, indi də qeyd edirik ki, bununla bağlı narazılığı olan şəxslər məntəqəmizə yaxınlaşa bilərlər. Şikayətçinin iştirakı ilə istənilən tapançanı yoxlamağa hazırıq. Amma təəssüflər olsun ki, bu məsələni dəfələrlə elan etməyimizə baxmayaraq heç kim bizə müraciət etməyib”,-QSC-dən qeyd olunub.

Avtomobillərin "forsunka"sının tez sıradan çıxmasının benzinlə əlaqədar olması ilə bağlı qeyd olunanlara "SOCAR Petroleum"dan bildirilib ki, şirkətə məxsus yanacaqdoldurma məntəqələrində satışı həyata keçirilən bütün yanacaq növləri hər ay Standartlaşdırma, Metrologiya və Patent üzrə Dövlət Komitəsinin Neft-qaz və neft-kimya məhsullarının Sınaq Laboratoriyasında yoxlanılır və nəticə göstəriciləri ilə bağlı sınaq protokolu təqdim edilir: “Beləliklə, yanacaq növlərinin keyfiyyətinə mütəmadi olaraq səlahiyyətli dövlət qurumları tərəfindən aparılan laboratoriya sınaqları vasitəsilə nəzarət olunur. Bu günə qədər laborator sınaqlar nəticəsində heç bir oktan dəyişikliyi qeydə alınmayıb. İlk növbədə müştərilər avtomobillərinə istehsalçının tövsiyyə etdiyi yanacaqdan istifadə etməlidirlər. Avtomobilin yanacaq sisteminə də periodik texniki baxış keçirilməlidir. Bir çox modellərdə 20000 km-dən bir forsunkalar yuyulmalı və filtrlər yenilənməlidir. Təəssüf ki, bir çox avtomobil sahibləri bu baxışları həyata keçirmirlər və günahı yanacaqda görürlər. Bunlar olmadıqda təbii ki, avtomobillərdə texniki nasazlıqlar baş verəcək”.

Ölkədə fəaliyyət göstərən heç bir yanacaqdoldurma məntəqəsində “menzurka” (nümunəvi ölçü qabları) olmadığı ilə bağlı iddialara gəlincə isə qeyd olunub ki, “SOCAR Petroleum”a məxsus yanacaqdoldurma məntəqələrinin hər birində nümunəvi ölçü qabları mövcuddur: “Vətəndaşın yalnız hər hansı şübhəsi və ya narazılığı olarsa yanacaq kolonkasının yoxlanılmasını tələb edə bilər. Menzurkalar hər sifarişə uyğun deyil, 10 litr və 20 litr həcmə malik olur”.

Uzun şlanqların içərisində qalan benzinin avtomobilin çəninə deyil, geri qayıtması iddiasına isə qurumdan bildirilib ki, “SOCAR Petroleum” QSC-ə məxsus yanacaqdoldurma məntəqələri Yaponiya istehsalı olan “Tatsuno” yanacaqpaylayıcı kalonkalar ilə təchiz edilib: “Şlanqların uzunluğu istehsalçı tərəfindən beynəlxalq norma və standartlara uyğun tənzimlənir. Bütün yanacaqpaylama kolonkalarımızda yanacaq şlanqının uzunluğu 5,4 metrdir. Yanacaq xətti üzərində 4 müxtəlif yerdə əks klapanlar var. Onlardan ikisi şlanqın iki müxtəlif əks tərəflərində yerləşir. Satış üçün operator avtorizasiya olunmayıbsa klapanın açılması mümkün deyil. Satış olmadıqda isə yanacağın əksinə axması əks klapanlar hesabına mümkün olmayacaq. Ümumiyyətlə, YDM-dəki yanacaq xəttində hava olması mümkün deyil. Bu halda sızıntı detektorları işə düşər və yanacağın verilməsi, sayğacların işləməsi bloklanar”,-QSC-dən bildirilib.

“SOCAR Petroleum”dan bildirilib ki, hazırda “Super” və “Premium” markalı yanacaqlar xaricdən idxal olunur və tələbat fasiləsiz olaraq təmin olunur. SOCAR brendli yanacaqdoldurma məntəqələrində xaricidən idxal olunan “Super”, “Premium” və yerli istehsal olunan “A-92”, “Dizel” və LPG neft məhsullarının satışı həyata keçirilir.

Hazırda avtomobil çənlərinə benzin əvəzinə hava vurulması, benzinin nəzərdə tutulan təzyiqdən çox vurulanda havanın da daxil olması ilə bağlı iddiaya isə “SOCAR Petroleum”dan bildirilib ki, yüksək sürətlə yanacağın vurulması zamanı ölçmə dəqiqliyi qətiyyən dəyişmir. Yüksək sürətə görə havanın benzinə qarışması isə ümumiyyətlə mümkün deyil”.

Gürcüstan mayın 17-dən etibarən Rusiyaya elektrik enerjisi ixrac etməyə başlayıb. “APA-Economics” “Georgia Inform” portalına istinadən xəbər verir ki, bu barədə Gürcüstanın elektrik enerjisi sisteminin kommersiya operatorunun yaydığı məlumatda deyilir.

Bildirilir ki, həftə ərzində “Kavkasioni” elektrik enerjisi xətti ilə Rusiyaya sutkada 5 mln. kilovatt elektrik enerjisi ixrac olunub.

Qeyd edək ki, Gürcüstan Türkiyəyə sutkada 2,78 mln. kilovatt, Ermənistana isə 0,7 mln. kilovatt elektrik enerjisi satır.

Operator bildirir ki, mayın 10-dan etibarən Azərbaycanla Gürcüstan arasında elektrik enerjisinin idxal-ixracı dayandırılıb.

"Gürcüstanın enerji təhlükəsizliyinin təmin olunmasında Azərbaycanın rolu olduqca böyükdür". APA-nın Gürcüstan bürosunun məlumatına görə, bunu qonşu ölkənin baş nazirinin müavini, energetika naziri Kaxa Kaladze "Regionda Enerji Sammiti" mövzusunda keçirilən tədbirdə bildirib.

Baş nazirin müavini Azərbaycanı Gürcüstanın strateji tərəfdaşı adlandırıb.

"Biz bu gün Azərbaycan qazından asılıyıq. Belə ki, hazırda Gürcüstan yalnız Azərbaycanda təbii qaz alır. Bu isə bizim üçün çox vacibdir. Azərbaycan bizim strateji tərəfdaşımız olaraq Gürcüstana böyük həcmdə investisiya yatırır. Bizim birgə həyata keçirdiyimiz iri layihələr tezliklə başa çatacaq və biz əlavə həcmdə Azərbaycandan təbii qaz alacağıq", - energetika naziri qeyd edib.

“SOCAR İranın “E&P Companies” şirkətinin tərəfdaşları siyahısına əlavə olunub” . 

Dalga tv Oxu.Az-a istinadən xəbər verir ki, bunu İranın neft nazirinin beynəlxalq məsələlər üzrə müavini Əmirhüseyn Zamaniniya deyib.

Nazir müavini bildirib ki, müvafiq müraciət ötən ay SOCAR tərəfindən daxil olub: “SOCAR ötən ay İrandakı layihələrdə iştirak etmək üçün müraciət edib. Şirkətin müraciətinə baxılıb və müsbət cavab verilib. 

Beləliklə, SOCAR “Shell”, “Total” kimi nəhəng şirkətlərlə paralel İrandakı layihələrdə iştirak edə və ölkəmizə sərmayə yatıra bilər. Biz SOCAR-ı ciddi oyunçu kimi qəbul edirik. 

SOCAR İrandakı ciddi layihələrdə iştirak etmək üçün böyük potensiala malikdir. Bu səbəbdən də onun müraciətinə müsbət cavab verilib”.

Onun sözlərinə görə, SOCAR İranda həm qazma, həm də emal sahəsində reallaşdırılan layihələrdə iştirak edə bilər. “SOCAR-a potensial layihələr təklif olunub və şirkət özü həmin layihələri seçməlidir. Başqa sözlə, biz seçimi SOCAR-ın ixtiyarına buraxmışıq. Bizdə olan məlumata görə, SOCAR layihələrlə bağlı araşdırma aparır”.