APA-nın məlumatına görə, bunu bu gün Ümumdünya Gömrük Təşkilatının X illik PİCARD Konfransının açılışında çıxışında Dövlət Gömrük Komitəsinin sədri Aydın Əliyev deyib.

Ümumdünya Gömrük Təşkilatının X illik PİCARD Konfransının Azərbaycanda keçirilməsinin mühüm hadisə olduğunu vurğulayan A. Əliyev gömrükçülərimizin bundan sonra da üzərinə düşən vəzifəni şərəflə yerinə yetirməyə çalışacaqlarını qeyd edib.

Baş nazirin müavini Abid Şərifov isə deyib ki, son 10 ildə Azərbaycan iqtisadiyyatı inkişaf edib, daxili və xarici investorlar üçün əlverişli şərait yaradılıb. Tarixi İpək Yolunun Azərbaycandan keçdiyini xatırladan A. Şərifov deyib ki, tezliklə istifadəyə veriləcək Bakı-Tbilisi-Qars dəmir yolu ilə bağlı gömrük prosedurunun sadələşdirilməsi qarşıda duran vəzifədir.

OPEK Rusiyaya quruma daxil olmağı təklif edib, lakin rəsmi Moskva müşahidəçi kimi qalmağa qərar verib.

Bunu “FT Commodities” konfransının gedişi zamanı “Rosneft” şirkətinin rəhbəri İqor Seçin deyib.
Seçinin sözlərinə görə, belə bir qərarın verilməsinə bir neçə səbəb var. Onlardan biri neft hasilatı metodlarında texnoloji fərqlərdir. Bundan əlavə, Rusiya bazarı bu sahədə demək olar ki, tamamilə özəlləşdirilib və Rusiya hökuməti, OPEK ölkələrində olduğu kimi, bazara birbaşa müdaxilə edə bilməz.
“Rosneft” prezidentinin fikrincə, dünyada neft sahəsinin uzunmüddətli perspektivi Rusiya, Venesuela və İranla bağlı olacaq.
Seçin izah edib ki, məhz bu ölkələrin yeni yataqların kəşf edilməsi və hasilatında daha böyük potensialı var. O vurğulayıb ki, beynəlxalq qiymətləndirilməyə görə, Rusiyanın yanacaq maddələrinin potensial ehtiyatı ABŞ və Yaxın Şərq ehtiyatlarını üstələyir.
OPEK – Neft İxrac Edən Ölkələr Birliyi (ing. The Organization of the Petroleum Exporting Countries- OPEC) neft ixrac edən ölkələr tərəfindən neftin qiymətinin tənzimlənməsi məqsədi ilə yaradılan təşkilatdır. Bu təşkilatın üzvləri iqtisadiyyatı əsasən neftdən asılı olan dövlətlərdir.
OPEK daim fəaliyyətdə olan qeyri-hökumət təşkilatı kimi 1960-cı il sentyabr ayının 10-14-də Bağdadda keçirilən konfransda yaradılıb. Əvvəlcə İran, İraq, Küveyt, Səudiyyə Ərəbistanı və Venesuela (Venesuela təşkilatın yaranması təşəbbüsünə ilk dəfə 1949-cu ildə cəhd göstərib) təşkilata daxil olub.
Bu 5 ölkəyə sonradan Qətər, (1961), İndoneziya (1962), Liviya (1962), Birləşmiş Ərəb Əmirlikləri (1967), Əlcəzair (1969), Nigeriya (1971), Ekvador (1973-1992), Qabon (1975-1994), Anqola (2007) qoşulub.
Ekvador 1993-cü ildə ya təşkilatın üzvlük haqqını ödəyə bilmədiyindən, ya da təşkilatın qərara aldığı miqdardan daha çox neft istehsal etmək istədiyindən təşkilatdan çıxıb. 2007-ci ildə isə İndoneziya təşkilatı tərk edib.
Təşkilatın qərargahı 1965-ci ildən Vyanada yerləşir. Hazırda OPEK-in 12 üzvü var.

SOCAR prezidenti Rövnəq Abdullayev Malta Respublikasının baş naziri Cozef Muskat ilə görüşüb.

"Dalğa TV" SOCAR-ın saytına istinadən məlumat verir ki, Maltanın enerji naziri Konrad Mizzinin də iştirak etdiyi görüşdə SOCAR-ın bu ölkədə həyata keçirdiyi investisiya layihəsi müzakirə edilib, layihənin qrafikə uyğun şəkildə uğurla icra edildiyi qeyd olunub.

Görüşdə tərəflər Azərbaycan və Malta arasında enerji sahəsində əməkdaşlığın inkişaf etdirilməsi üçün mövcud olan imkanlardan danışıb, investisiya layihələrinin genişləndirilməsi perspektivlərini nəzərdən keçiriblər.

Rövnəq Abdullayev Azərbaycan neft-qaz sənayesində əldə olunan nailiyyətlər, ölkə daxilində və xaricdə həyata keçirilən geniş miqyaslı enerji layihələri barədə məlumat verib. Malta hökumətinin başçısı Cozef Muskat ötən il Bakıya səfərini xatırladaraq, neft və qaz sektorunda strateji əməkdaşlıq haqqında imzalanmış Anlaşma Memorandumunun əlaqələrin daha da genişləndirilməsi üçün yaxşı imkan yaratdığını qeyd edib.

Görüşdə tərəfləri maraqlandıran digər məsələlər də müzakirə olunub.

SOCAR-dan “APA-Economics”ə verilən məlumata görə, qonaq ölkəmizdə investisiya üçün əlverişli mühit olduğunu qeyd edib, SOCAR-la əməkdaşlığın rəhbərlik etdiyi şirkət üçün mühüm əhəmiyyət daşıdığını vurğulayıb. Görüşdə “Şahdəniz” layihəsində “Statoil”un payının “Petronas” tərəfindən alındığı xatırlanıb.

R. Abdullayev qonaqlara “Şahdəniz” və Cənub Qaz Dəhlizi layihələrinin gedişi haqqında ətraflı məlumat verib. Bildirilib ki, “Şahdəniz” yatağının işlənilməsinin ikinci mərhələsi və boru kəmərlərinin inşası layihələri üzrə işlər qrafikə uyğun şəkildə uğurla davam etdirilir. Görülən işlər əminlik yaradır ki, 2018-ci ildə ilk qaz həcmlərinin Türkiyəyə ötürülməsi mümkün olacaq.

D. Ariff iki şirkət arasında əlaqələrin daha da genişləndirilməsində maraqlı olduqlarını bildirib.

SOCAR prezidenti isə öz növbəsində Azərbaycanın neft-qaz sənayesində əməkdaşlıq üçün geniş imkanların mövcud olduğunu vurğulayıb, ölkəmizdə investisiyaların təhlükəsizliyinə tam təminat verildiyini qonaqların diqqətinə çatdırıb.

Görüşün sonunda SOCAR və “Petronas” arasında “Qarşılıqlı anlaşma haqqında Memoranduma əlavə” imzalanıb. Sənədi R. Abdullayev və D. Ariff imzalayıblar.

Bakı-Tbilisi-Ərzurum təbii qaz kəməri vasitəsilə mavi yanacağın nəqli bərpa edilib.

 "DalğaTV" APA-ya istinadən xəbər verir ki, bu barədə kəmərin Azərbaycandan keçən hissəsinin operatoru olan “BP-Azerbaijan” şirkətinin mətbuat xidmətinin rəhbəri Tamam Bayatlı bildirib.

T. Bayatlının sözlərinə görə, hasilat və ixrac əməliyyatları normal qaydada həyata keçirilir.

Xatırladaq ki, avqustun 25-də gecə saatlarında PKK terrorçuları Bakı-Tbilisi-Ərzurum qaz kəmərinin Qars vilayətindən keçən hissəsində partlayış törədiblər.

Partlayış kəmərin Qars vilayətinin Sarıqamış qəsəbəsindən keçən hissəsində törədilib. Qars valisi Günay Özdəmir mətbuata açıqlamasında partlayışın 20-dək PKK terrorçusunun hücumu nəticəsində törədildiyini bildirib.

Onun sözlərinə görə, kəmər vasitəsilə təbii qazın nəqli dayandırılıb. Hadisə yerində müşahidə olunan güclü alov qonşu Ərzurum vilayətinin bəzi yaşayış məntəqələrindən də aydın görünüb.

Qeyd edək ki, bundan əvvəl avqustun 4-də də Bakı-Tblisi-Ərzurum qaz kəmərində partlayış törədilib.

APA-nın “vz.ru” saytına istinadən verdiyi xəbərə görə, baş nazir bunu paytaxtda keçirilən “Ambassadorial-2015” forumunda çıxış zamanı deyib.

İ. Qaribaşvili xatırladıb ki, bu ilin fevralında ilk yük qatarı Çindən Gürcüstan vasitəsilə Avropaya gedib: “Bu, Gürcüstan, Azərbaycan, Özbəkistan və Çinin iştirakı ilə həyata keçirilən “Böyük İpək Yolu” layihəsinin bir parçasıdır.”
 

İ. Qaribaşvili bildirib ki, Bakı-Tbilisi-Qars dəmir yolunun tikintisi başa çatmaq üzrədir və bu, Xəzər regionundan Türkiyə vasitəsilə Avropa ilə əlaqə üçün yeni imkanlar açacaq. 
 

Qonşu ölkələrlə münasibətlərə də toxunan Gürcüstanın baş naziri ölkəsinin Azərbaycan, Türkiyə və Ermənistanla da sıx əməkdaşlıq etdiyini söyləyib: “Qonşularımız, o cümlədən Rusiyaya münasibətdə praqmatik siyasətin davam etdirilməsi çox vacibdir. Mən sülh dialoqu və praqmatik siyasətə alternativ görmürəm”.