Azərbaycan Mərkəzi Bankının (AMB) oktyabrın 1-ə olan rəsmi məzənnələr bülleteninə əsasən, dolların rəsmi məzənnəsi dəyişib 1,0485 (1,0480) manat təşkil edib.

"Dalğa TV"-nin məlumatına görə, manata nəzərən avronun kursu isə 1,1688 (1,1795) manat olub.

"Bakı-Tbilisi-Qars" dəmir yolu xəttində istismarı nəzərdə tutulmuş yataq tipli sərnişin vaqonlarının istehsalına start verilib.

Azərbaycan Dəmir Yolları Qapalı Səhmdar Cəmiyyətinin Mətbuat Katibliyinin rəisi Nadir Əzməmmədovun Trend-ə verdiyi məlumata g örə, sentyabrın 28-də "Stadler Rail Group" şirkətinin İsveçrənin Altenrayn şəhərində yerləşən zavodunda Azərbaycan Dəmir Yolları nın sifarişi ilə və gələcəkdə "Bakı-Tbilisi-Qars" dəmir yolu xəttində hərəkət edəcək yataq tipli sərnişin vaqonlarına baxış və hazır birinci vaqon gövdəsinin qəbulu həyata keçirilib.

Tədbirdə "Azərbaycan Dəmir Yolları" Qapalı Səhmdar Cəmiyyətinin sədri Cavid Qurbanov, "Stadler Rail Group" şirkətinin prezidenti Peter Şpuler, Azərbaycanın İsveçrə Konfederasiyasında səfiri Əkrəm Zeynallı və hər iki tərəfin nümayəndə heyəti iştirak ediblər.

Gələcəkdə Bakı-Tbilisi-Qars marşrutu üzrə hərəkət edəcək qatarlar üçün Azərbaycan tərəfi "Stadler" şirkətinə 30 ədəd yataq tipli vaqon sifariş edib. Vaqonlar "standart", "komfort", "biznes" və "restoran" olmaqla d örd kateqoriyada istehsal olunur. Kateqoriyasından asılı olaraq vaqonlar 10, 20 və 32 yerlik olacaq.

Müasir texnoloji üstünlüklərlə təchiz olunmuş vaqonların alt hissəsinin müvafiq rels ölçüsünə uyğunlaşdırılması avtomatlaşdırılmış sistem sayəsində mümkün olacaq ki, bu da sərhəd-keçid məntəqələrində vaxt itkisinin qarşısını alacaq və sərnişinlərin daha da rahat səfər etmələrini təmin edəcək. Müqaviləyə əsasən 2016-cı ilin iyul-avqust aylarında ilk on vaqonun istismara buraxılması nəzərdə tutulub.

Səfər zamanı Azərbaycan Dəmir Yolları QSC-nin sədri Cavid Qurbanov həmçinin "Stadler Rail Group" şirkətinin Bussnanq regionunda yerləşən ən b öyük zavoduna baxış keçirib. Tədbirdə şirkət haqqında ümumi məlumat verilib, 1942-ci ildə təsis olunması, 1997-ci ildə holdinqə çevrildiyi vurğulanıb.

Qeyd edək ki, 6100 əməkdaşın çalışdığı holdinq səkkiz ölkədə istehsal və xidmət müəssisələrinə malikdir. Metro, tramvay, çarxlı və relsli dəmiryolu üçün müxtəlif ölçülü və təyinatlı qatar və vaqonlar istehsal edir.

Azərbaycan Dövlət Neft Şirkətinin İnsan resursları Departamentində Vakant yerlərin daxili imkanlar hesabına komplektləşdirilməsi Qaydalarının tətbiqinə dair seminar-müşavirə keçirilib.

Qaydaların tətbiqində məqsəd SOCAR-ın strukturuna daxil olan qurumlarda yaranmış vakansiyaların həmin qurumların imkanları hesabına operativ doldurulması, işçilərin qurum daxilində iş yerlərinin (vəzifələrinin) dəyişdirilməsi və onlara karyera yüksəlişi üçün əlverişli şəraitin yaradılması ilə əlaqədar yaranan münasibətlərin tənzimlənməsindən ibarətdir.

Tədbirdə qaydaların tətbiqi, müəssisələr tərəfindən həyata keçirilən işçilərin başqa işə keçirilməsi prosesinin avtomatlaşdırılması istiqamətində edilmiş dəyişikliklər haqqında məlumat verilib, SOCAR-ın müəssisələri üzrə vakant yerlərin daha effektiv formada komplektləşdirilməsi məqsədi ilə İnsan resursları Departamentinin kadr xidmətləri ilə birgə müvafiq kadr ehtiyacı planının hazırlanması prosesi tədbir iştirakçılarının nəzərinə çatdırılıb. Qaydaların tətbiqi ilə bağlı müxtəlif məsələlər müzakirə olunub və meydana çıxan suallar ətraflı cavablandırılıb.

"Cənub Qaz Dəhlizi" bütövlükdə region üçün böyük fayda verəcək

"Dalğa TV"-nin məlumatına görə, bunu bu gün Bakıda keçirilən "Azərbaycan və Xəzər dənizi Neft və Qaz Həftəsi 2015" (Azerbaijan Caspian Sea Oil Gas Week 2015) konfransında Gürcüstanın Neft və Qaz Korporasiyasının (GOGC) strateji planlaşdırma üzrə məsləhətçisi David Oniani bildirib.

D. Onianinin sözlərinə görə, "Cənub Qaz Dəhlizi" bütövlükdə region üçün böyük fayda verəcək: "Məsələn, Gürcüstan öz nəqliyyat potensialını inkişaf etdirə, o cümlədən qlobal və regional miqyasda tranzit roluna malik olan oyunçuya çevrilə bilər. "Cənub Qaz Dəhlizi" Avropa bazarını bizim regiona daha da yaxınlaşdıracaq. Bu layihə Azərbaycan, Gürcüstan və Türkiyə iqtisadiyyatlarının daha da inkişaf etməsi üçün vacibdir və bu ölkələrin strateji planlarına uyğundur".

O, deyib ki, "Cənub Qaz Dəhlizi" Avropa Birliyi üçün prioritet layihələrdən biridir.

Azərbaycan 2015-ci ilin yanvar-iyun aylarında Türkiyəyə ən çox investisiya yatıranölkələrin siyahısında 6-cı yeri tutub. Azərbaycan investorlarının Türkiyə iqtisadiyyatına məcmu investisiyalarının həcmi 2014-cü ilin müvafiq dö;vrü ilə müqayisədə 103 mln. dollar və ya 58% artaraq 281 mln. dollara çatıb.

"Dalğa TV"-nin Türkiyə İqtisadiyyat Nazirliyinə istinadən verdiyi xəbərə gö;rə, 2015-ci ilin ilk yarısında Türkiyəyə ən çox kapital daxilolması Rusiya tərəfindən (752 mln. dollar) həyata keçirilib. Bununla da Rusiya keçən il lider olan Hollandiyanı qabaqlayıb. Hollandiyanın kapital qoyuluşu isə bu il 586 mln.dollar olub.

Qeyd edək ki, Azərbaycan Türkiyəyə kapital transfertlərində Bö;yük Britaniya, Yaponiya, Almaniya, Fransa və ABŞ kimiölkələri geridə qoyub.

Azərbaycanın Supsa, Batumi və Ceyhan limanları vasitəsilə dünya bazarına çıxararaq satdığı "Azeri LT CIF" markalı xam neftin bir barelinin qiyməti 0,24 dollar yaxud 0,49% bahalaşıb.

"Dalğa TV" xəbər verir ki, hazırda "Azeri LT CIF" markalı neftin bir barelinin qiyməti 49,75 dollara bərabərdir.

Xatırladaq ki, "Azeri LT CIF" kotirovkasının minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.