"Biz "WizzAir" şirkətinin təkliflərinin 99%-ini qəbul etdik və sonunda razılaşdıq".

"Dalğa TV"nin xəbərinə görə, bunu "Azərbaycan Hava Yolları" QSC-nin (AZAL) vitse-prezidenti Arif Məmmədov deyib.
A. Məmmədov bildirib ki, 3 gün sonra, oktyabrın 27-si "WizzAir"in rəsmiləri Bakıya səfər edəcək və oktyabrın 28-i AZAL və Macarıstan şirkəti arasında rəsmi imzalanma mərasimi baş tutacaq.
"Biz onlara təklif etmişik ki, qış mövsümündə uçuşlar həyata keçirsinlər. Amma onlar mart ayından etibarən Budapeşt reyslərini bərpa edəcəklər. Özü də onların istədiyi güzəştlər əsasında", - deyə AZAl rəsmisi bildirib.

Azərbaycan Respublikasının Prezidenti İlham Əliyev gömrük sahəsində nəzarətin həyata keçirilməsi ilə əlaqədar bəzi yoxlamaların sadələşdirilməsi haqqında fərman imzalayıb.

"Dalğa TV"nin məlumatına görə, dövlət başçısı gömrük-buraxılış məntəqələrində gömrük-keçid qaydalarının sadələşdirilməsi məqsədilə fiziki şəxslər tərəfindən Azərbaycan Respublikasının gömrük ərazisinə gətirilən və istehsal, yaxud kommersiya məqsədləri üçün nəzərdə tutulmayan ümumi gömrük dəyəri 10000 ABŞ dolları ekvivalenti məbləğindən (müşayiət edilən hər bir yetkinlik yaşına çatmamış fiziki şəxsə görə əlavə 2000 ABŞ dolları ekvivalenti məbləğindən) artıq olmayan mallar (aksizli mallar, avtonəqliyyat vasitələri və səfər zamanı fiziki şəxsin zəruri ehtiyaclarının ödənilməsi üçün nəzərdə tutulan əşyalar istisna olmaqla) gömrük ödənişi ödənilmədən gömrük sərhədindən keçirilməsini qərara alıb.
Dövlət Gömrük Komitəsinə “Azərbaycan Respublikasının İnzibati Xətalar Məcəlləsində dəyişiklik edilməsi haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2011-ci il 3 mart tarixli 396 nömrəli Fərmanının 3.1-ci və 3.2-ci bəndlərinə uyğun olaraq, gətirilməsi və aparılması qadağan edilən və məhdudlaşdırılan əşyaların siyahısının dövlət sərhədinin buraxılış məntəqələrində hər kəsin yaxşı görə biləcəyi lövhələrdə yerləşdirildiyinə dair məlumatı bir ay müddətində Prezidentə təqdim etmək tapşırılıb.
Nazirlər Kabineti Nazirlər Kabinetinin normativ hüquqi aktlarının bu fərmana uyğunlaşdırılmasını üç ay müddətində təmin edib Prezidentə məlumat verməli, mərkəzi icra hakimiyyəti orqanlarının normativ hüquqi aktlarının bu fərmana uyğunlaşdırılmasını nəzarətdə saxlamalı və bunun icrası barədə beş ay müddətində Prezidentə məlumat verməli, bu fərmandan irəli gələn digər məsələləri həll etməlidir.
Ədliyyə Nazirliyinə mərkəzi icra hakimiyyəti orqanlarının normativ hüquqi aktlarının və normativ xarakterli aktların bu fərmana uyğunlaşdırılmasını təmin edib Nazirlər Kabinetinə məlumat vermək tapşırılıb.

"Azərbaycan Gürcüstan əhalisnin təbii qaza olan tələbatını tamamilə ödəyə bilər və demək olar ki, ödəyir".

"Dalğa TV"nin "Georgia Online" xəbər portalına istinadən verdiyi məlumata görə, bu barədə ARDNŞ-in Gürcüstan nümayəndəliyinin baş direktoru Mahir Məmmədov bildirib.

Xatırladaq ki, Gürcüstanın baş nazirinin müavini, energetika naziri Kaxa Kaladze yerli KİV-ə açıqlamasında bildirib ki, Azərbaycan tərəfi qonşu ölkənin təbii qaza olan tələbatını ödəyə bilmir. K. Kaladze əlavə edib ki, Gürcüstan tərəfi Rusiyanın "Qazprom" şirkəti ilə qaz nəqli ilə bağlı danışıqlar aparır və Rusiya tərəfi münasib qiymət təklif edərsə, əməkdaşlıq baş tuta bilər.

Buna cavab olaraq M. Məmmədov bildirib: "Hər gün Gürcüstana 5 milyon kubmetr həcmində təbii qaz nəql olunur. Üstəlik, 1 milyon kubmetr qaz "Şahdəniz" yatağından nəlq edilir. Gürcüstanda gündəlik istehlak olunan təbii qazın həcmi 6,2 milyon kubmetrdir. Beləliklə, demək olar ki, biz tələbatı tamamilə ödəyirik".

Bu gün SOCAR və Avstriyanın "Poerner" şirkəti arasında Bitum qurğusu üzrə müqavilələrin imzalanma mərasimi keçirilib.
SOCAR-dan "APA-Economics"ə verilən məlumata g"rə, mərasimdə SOCAR-ın prezidenti R"vnəq Abdullayev və şirkət rəhbərliyinin nümayəndələri, "Poerner" şirkətinin baş direktoru Andreas Poerner, satış üzrə direktoru Volfqanq Heqer (Wolfgang Heger) iştirak edib.

R. Abdullayev bildirib ki, Heydər Əliyev adına NEZ-in rekonstruksiya və modernizasiyası ilə bağlı işlər çərçivəsində qısa müddət ərzində zavodun illik emal gücünün artırılması və zavodda "Avro 5" standartlarına cavab verən daha yüksək keyfiyyətli neft emalı məhsullarının istehsalı nəzərdə tutulur. Bu məqsədlə zavodun ilkin emal, katalitik krekinq və katalitik reforminq qurğularının və ümumi-zavod təsərrüfatının rekonstruksiya edilməsi və bir neçə yeni qurğunun inşası planlaşdırılır. Rekonstruksiya tədbirləri çərçivəsində zavodda ilkin olaraq 2018-ci ilin ortalarında yeni bitum istehsalı qurğusu istismara veriləcək. Bu tədbir keçmiş "Azərneftyağ" NEZ-in m"vcud infrasturkturunun tamamilə istismardan çıxarılmasına, H.Əliyev adına NEZ-in istismar xərclərinin optimallaşdırılmasına imkan verəcək, yüksək keyfiyyətli bitum istehsalına və Bakı şəhərində ekoloji durumun yaxşılaşdırılmasına k"mək edəcək.

A. Poerner SOCAR ilə əməkdaşlıq əlaqələrinin inkişafı üçün n"vbəti imkanın yaranmasından məmnun olduqlarını bildirmiş, yeni bitum qurğusunun inşası məqsədilə bu sahədə qabaqcıl təcrübəyə malik "Poerner" şirkətinin seçilməsindən qürur duyduqlarını qeyd etmişdir. Sonra SOCAR və "Poerner" şirkətləri arasında bitum qurğusu üzrə müqavilə imzalanıb.

Sənədi SOCAR tərəfdən H. Əliyev adına NEZ-in direktoru Elman İsmayılov, qarşı tərəfdən "Poerner" şirkətinin baş direktoru A. Poerner imzalayıblar.

"Şahdəniz" yatağından Türkiyəyə və Gürcüstana qaz nəqlinin həcmi açıqlanıb.

Bu ilin 9 ayı ərzində "Şahdəniz" yatağından 7 189,0 mln. kubmetr qaz hasil edilib.
"Dalğa TV" xəbər verir ki, bu barədə energetika naziri Natiq Əliyevin "Respublika" qəzetində dərc olunmuş məqaləsində qeyd olunub.
Onun sözlərinə görə, bu həcmin 2 315,4 mln. kubmetri SOCAR-a, 4 239,9 mln. kubmetri Türkiyəyə, 519,7 mln. kubmetri Gürcüstana nəql edilib:
"Cari ilin doqquz ayı ərzində əhalini, ölkə iqtisadiyyatının müxtəlif sahələrini və ixracı təmin etmək üçün 9 728,8 mln. kubmetr proqnoza qarşı, 10 402,8 mln. kubmetr (yəni 674,0 mln. proqnozdan çox) qaz resursu yaradılıb".
Nazir, həmçinin qeyd edib ki, doqquz ay ərzində ölkədə hasil edilmiş 21,6 milyard kubmetr qazın 16,4 milyard kubmetri "Azəri-Çıraq-Günəşli" və "Şahdəniz" yataqlarından çıxarılıb.
O əlavə edib ki, hazırda Azərbaycanda gündə təqribən 120 min ton neft və 89 milyon kubmetr qaz hasil edilir.
Qeyd edək ki, "Şahdəniz" yatağı Bakıdan 70 kilometr cənub-şərqdə, suyun dərinliyinin 50-500 m arasında dəyişdiyi Xəzər dənizinin şelf zonasında yerləşir.
"Şahdəniz" perspektiv sahəsinin kəşfiyyatı, işlənməsi və hasilatın pay bölgüsü haqqında saziş 1996-cı il iyunun 4-də Azərbaycan Dövlət Neft Şirkəti və xarici şirkətlər arasında imzalanıb. 2006-cı il dekabrın 15-də "Şahdəniz" yatağından ilk qaz hasil olunub.
Hazırda yatağın işlənməsinin birinci mərhələsi üzrə hasil olunan qaz Azərbaycan bazarı üçün SOCAR-a, Gürcüstan bazarı üçün Gürcüstanın Neft və Qaz Korporasiyasına (GOGC şirkətinə), Türkiyə bazarı üçün "BOTAŞ" şirkətinə verilir.
2007-ci il mart ayından etibarən "Şahdəniz" yatağından hasil olunan təbii qaz Cənubi Qafqaz Boru Kəməri vasitəsi ilə Gürcüstana nəql olunmağa başlanıb. 2007-ci il iyulun 3-də isə "Şahdəniz" qaz-kondensat yatağından hasil edilən təbii qaz Bakı-Tbilisi-Ərzurum marşrutu üzrə Cənubi Qafqaz Boru Kəməri ilə Türkiyə sərhədlərini aşaraq, bu ölkənin qaz kəmərləri sisteminə daxil olub.

Bu ilin yanvar-sentyabr aylarında Gürcüstandan Azərbaycana 55 148,4 min dollar dəyərində 3 049 ədəd minik avtomobili ixrac olunub.

Bu barədə "Dalğa TV" Gürcüstan Milli Statistika Xidmətinə istinadən məlumat verib.

Bu, ötən ilin eyni dövrü ilə müqayisədə 11 773 ədəd avtomobil və ya 4,86 dəfə azdır. Ötən ilin analoji dövrü ilə müqayisədə Gürcüstandan ixrac olunan minik avtomobillərinin həcmi dəyər baxımından 3,76 dəfə azalıb.

Qeyd edək ki, bu 9 ayı ərzində Gürcüstandan Azərbaycana ixrac olunan malların ümumi həcmində bu kateqoriyanın xüsusi çəkisi 27,69% təşkil edib.

Hesabat dövründə Gürcüstandan Azərbaycana ixrac olunan avtomobillərin həcmi bu ölkənin ümumi avtomobil ixracının 39,14%-ni təşkil edib.

Bu ilin yanvar-sentyabr ayları ərzində ölkənin ümumi ixracında isə Azərbaycana ixrac olunan məhsulların xüsusi çəkisi 12,10% təşkil edib.

Qeyd edək ki, bu ilin yanvar-sentyabr ayında Gürcüstandan Azərbaycana 199 142,9 min dollar dəyərində məhsul ixrac edilib ki, bu da ötən ilin 9 ayı ilə müqayisədə 2,14 dəfə azdır.