Neft İxrac Edən Ölkələrin Təşkilatı (OPEC) 2015-ci il üzrə dünyada gündəlik neftə olan tələbat üzrə proqnozunu 40 min barel artırıb.

"Dalğa TV" xəbər verir ki, bu barədə təşkilatın oktyabr ayı üzrə hesabatında qeyd olunub.

Proqnoza görə, bu il neftə olan tələbat gündəlik 92,86 mln barel həcmindədir ki, bu da ötən ildəkindən gündəlik 1,5 mln. barel artıqdır. Bu il üçün proqnozun yaxşılaşdırılmasını ekspertlər neft sənayesi üzrə III rübdəki rəqəmlərin gözləntilərdən daha yaxşı olması ilə əlaqələndirirlər.

Təşkilat gələn il üçün isə gündəlik neft tələbatı proqnozunu 40 min barel azaldıb.

OPEC-in proqnozuna görə, proznozun azalmasına baxmayaraq, gündəlik tələbat 2015-ci ildəkindən 1,25 mln. barel çox olacaq və 94,11 mln. barel təşkil edəcək.

2016-cı il üzrə proqnozun 40 min barel azalmasını isə ekspertlər 2015-ci ildəki yüksək baza effekti ilə əlaqələndirirlər.

Eyni zamanda, OPEC dünyada neft hasilatının azalacağını proqnozlaşdırır. Eyni zamanda, təşkilata üzv olmayan ölkələrdə gündəlik hasilatın sentyabrla müqayisədə 160 min barel azalacağı pronozlaşdırılır.

Hazırda OPEC-in ekspertləri 2015-ci il üzrə hazırkı göstəricinin gündəlik 0,72 mln. bareldən 57,24 mln. barelədək artmasını gözləyir.

Qeyd edək ki, OPEC 1960-cı ildə yaradılıb. Hazırda İran, İraq, Küveyt, Səudiyyə Ərəbistanı, Venesuela, Qatar, Liviya, Birləşmiş Ərəb Əmirlikləri, Əlcəzair, Nigeriya, Ekvador, Anqola təşkilata üzvdür.

"Bakı-Tiflis-Qars layihəsi ilə bağlı işlərin 60%-i yerinə yetirilib".

"Dalğa TV" xəbər verir ki, bunu "Azərbaycan Dəmir Yolları" QSC-nin sədri Cavid Qurbanov bildirib.

"Qarsa qədər olan yol hazırdır.Tuneldə demək olar ki, işlər yekunlaşıb. Bir balaca maliyyə məsələsində çətinliklərimiz var. Onları da həll edəcəyik", - deyə sədr bildirib.

"Kommersiya bazarı tənzimlənib və hər hansı bir şirkətin özü üçün əlverişli qiymətə təbii qaz almaq imkanı var.

"Dalğa TV" Gürcüstan KİV-inə istinadən"xəbər verir ki, bu barədə jurnalistlərə Gürcüstan baş nazirinin müavini və energetika naziri Kaxa Kaladze bildirib.

Gürcüstanın "Qazprom"la təbii"qazın alınması ilə bağlı"danışıqlar aparması və bu sahədəki rəqabət məsələlərini şərh edən Kaxa Kaladze qeyd edib ki, Azərbaycan Gürcüstanın strateji tərəfdaşıdır, elə bu səbəbdən də bu barədə danışmaq yersiz olardı.

"Söhbət yalnız kommersiya qazının alınmasından gedir. Siz bilirsiniz ki, kommersiya bazarı tənzimlənib və hər hansı bir şirkətin özü üçün əlverişli qiymətə Azərbaycan, Rusiya, İran, Türkiyə və Ermənistandan təbii qaz almaq imkanı var.

Buna heç vaxt məhdudiyyat qoyulmayıb, qoyulmur və qoyulmayacaq", - Kaladze bildirib.

Baş nazirin müavini bildirib ki, Bakıda Prezident İlham Əliyevlə baş nazir İrakli Qaribaşvili arasında ötən həftə baş tutan danışıqlarda Azərbaycandan qaz alınması ilə bağlı məsələnin müzakirə olunduğu barədə məlumatı yoxdur, çünki o, nümayəndə heyətinin tərkibində olmayıb.

"SOCAR-ın Gürcüstandakı fəaliyyətilə bağlı dırnaqarası gərginliyi yalnız mətbuat səhifələrində hiss edirik".

Bu barədə "Report"a Azərbaycan Dövlət Neft Şirkətinin Gürcüstandakı törəmə müəssisəsi "SOCAR Energy Georgia"nın baş direktoru Mahir Məmmədov "Qazprom" şirkəti ilə Gürcüstan hökumətinin Rusiyadan təbii qaz həcminin artırılması ilə bağlı danışıqlarından sonra Azərbaycan Dövlət Neft Şirkətinin (SOCAR) Gürcüstan bazarında fəaliyyətinə mənfi təsiri barədə yazılanları şərh edərkən bildirib.
O qeyd edib ki, SOCAR-ın Gürcüstandakı fəaliyyətində heç bir gərginlik yoxdur:
"Biz öz öhdəliklərimizi yerinə yetiririk. Gürcüstan hökuməti ilə SOCAR arasında 2025-ci ilədək sosial qazın təminatı barədə müqavilə var. Gürcüstan tərəfindən, yaxud bizim tərəfdən bu müqavilənin birtərəfli kəsilməyə başlaması üçün hər hansı məqama əsas yoxdur. Ümumiyyətlə, hər hansı müddəanın yenidən baxılmasına əsas yoxdur".
M.Məmmədov əlavə edib ki, Gürcüstan bazarında sosial qaz qiymətləri həddindən artıq aşağıdır:
"Keçmiş sovet ölkələri arasında Türkmənistanı istisna etməklə, Gürcüstanda olan sosial qaz qiymətləri Rusiya və Azərbaycanla müqayisə oluna bilər. Qonşu ölkələrə nisbətən Gürcüstanda sosial qazın qiyməti nəzərəçarpacaq dərəcədə aşağıdır. Uzun illər Azərbaycan qazının mövcud qiymətlərlə Gürcüstanda satılması bizim qonşu Gürcüstanla birgə siyasətimiz əsasında həyata keçirilir".
Eyni zamanda, SOCAR-ın Gürcüstandakı törəmə müəssisəsinin baş direktoru xatırladıb ki, Azərbaycan Dövlət Neft Şirkəti birbaşa Gürcüstanın sosial və kommersiya bazarına 1 mlrd. 400 mln. kubmetr həcmində qaz nəql edir:
"Gürcüstan bazarının ümumi qaz istehlakı isə 2 mlrd. 200 mln həcmindədir".
M.Məmmədov əlavə edib ki, Azərbaycan qazının Gürcüstan bazarında həcmi 90%-dən bir qədər artıqdır:
"SOCAR-ın nəql etdiyi qazdan başqa, Gürcüstana həm də "Şahdəniz" yatağından Türkiyəyə nəql olunan qazın tranzitinə görə müəyyən həcm verilir. Həm də Rusiyanın Ermənistana qaz nəqlinə görə tranzit haqqı olaraq bu ölkəyə qaz verilir. Yəni hazırda Gürcüstan 3 mənbədən qaz alır: Birbaşa SOCAR-ın satdığı təbii qaz, "Şahdəniz" və Rusiya qazının tranziti".
Qeyd edək ki, ötən həftə Gürcüstanın energetika naziri Kaxa Kaladze Gürcüstanın Rusiyadan daha çox qaz almaq niyyətində olduğunu və "Qazprom" şirkəti ilə danışıqlar apardığını qeyd edib. Bundan sonra isə kütləvi informasiya vasitələrində (KİV) "qaz savaşı"nın başlanması barədə yazılar yayımlanıb.
Gürcüstan müxalifəti tərəfindən K.Kaladzenin bu niyyəti etirazla qarşılanıb. Müxalifət bu məsələnin əsas strateji partnyor olan Azərbaycanla münasibətlərin korlanacağından ehtiyat etdiyini bəyan edib. Daha sonra isə Gürcüstan baş nazirinin Rusiya ilə münasibətlərin nizamlanması üzrə xüsusi nümayəndəsi Zurab Abaşidze bildirib ki, söhbət sırf kommersiya danışıqlarından gedir və istənilən halda Azərbaycan Gürcüstanın əsas qaz tədarükçüsü olaraq qalacaq.
SOCAR-ın törəmə şirkəti olan "SOCAR Energy Georgia "MMC 2006-cı ildə qurulub. Şirkətin bütün fəaliyyəti Gürcüstanda həyata keçirilir. "SOCAR Energy Georgia" MMC-nin əsas fəaliyyət sahəsi Gürcüstanda neftin topdan və pərakəndə satışı, neft və neft məhsullarının, həmçinin mayeləşdirilmiş qazın ölkəyə idxalı, neft terminalı və anbarlarının tikintisidir.

Azərbaycanın işğal altındakı Dağlıq Qarabağ ərazisində beynəlxalq şirkətlərin iştirakı ilə yeni ekokənd salınacaq.

"Dalğa TV"  Ermənistan KİV-nə istİnadən xəbər verir ki, Əsgəran rayonunun Həsənriz (ermənicə Norqyux) kəndinin yaxınlığında yaradılacaq mərkəz aqrar, təhsil və turizm sahələrində müəssisələrin cəmləşdiyi kompleks rolunu oynayacaq.

Oktyabrın 11-də Xankəndidə təqdimatı keçirilən layihəni Rusiyada yaşayan erməni biznesmeni Ruben Vardanyanın təsisçisi olduğu "İDEA" təşkilatı maliyyələşdirəcək. Bunun üçün biznesmen 20 milyon dollar vəsait ayırıb.

Eko-kəndin yaradılmasında İsveçrənin "Gutundgu" şirkəti əməkdaşları Kristian Müller və Rafael Enzler konsultant rolunda çıxış edəcəklər. İşğal altındakı torpaqlarda gerçəkləşəcək tikinti işlərinə isə Böyük Britaniyanın "Tim Flynn Architecs" memarlıq bürosunun rəhbəri Tim Flin başçılıq edəcək.

Ekokənd - bir qrup insan üçün ekoloji baxımdan təmiz ərazidə yaşamaq imkanı verən yaşayış tipinə deyilir. Belə kəndlərdə müalicəvi və istirahət mərkəzləri, ekoloji təmiz məhsulların istehsalı üçün aqrar müəssisələr və s. olur.

SOCAR-ın Xaricdə təhsillə bağlı Təqaüd Proqramı Müsabiqə Komissiyasının növbəti iclası keçirilib.

SOCAR-dan APA-Economicsə verilən məlumata görə, iclasda Proqram çərçivəsində 8-i magistr, 1-i bakalavr və 1-i uzman olmaqla Böyük Britaniya, Almaniya və Türkiyənin universitetlərində təhsil almış 10 məzun komissiya üzvləri qarşısında hesabatla çıxış edib. Məzunlar təhsil aldıqları ixtisas və ali təhsil ocağı, eləcə də ictimai fəaliyyətləri barədə ətraflı məlumat veriblər.

İclasda 2016-2017-cı tədris ili üçün xaricdə təhsillə bağlı Təqaüd Proqramının ixtisas qrupları üzrə kvotalara baxılıb, hüquq, risklərin idarə olunması və mühasibat uçotu ixtisasları Proqrama daxil edilməyib. 2016-2017-ci tədris ili ərzində SOCAR-ın Xarici Təqaüd Proqramına müraciət edən gənclər kimya mühəndisliyi, inşaat mühəndisliyi, kompüter mühəndisliyi, mexanika mühəndisliyi, geologiya mühəndisliyi, neft-qaz mühəndisliyi və elektroenergetika mühəndisliyi ixtisasları üzrə təqaüd ala biləcəklər.