Ürək üçün ən faydalı 3 MƏHSUL

Ürək-damar sistemi xəstəlikləri bütün dünyada ölümün əsas səbəbidir. Həkimlər təəssüflə qeyd edirlər ki, ildən ilə bu xəstəliklər “cavanlaşır” və son zamanlarda tez-tez cavan insanlarda aşkar olunur.

1. Ürəyin sağlamlığının qorunmasında qəbul etdiyimiz qidalar çox böyük rol oynayır. Bəzi məhsullar ürək üçün xüsusilə faydalıdır. Bu məhsulları qidalanmaya daha tez-tez daxil edin.
2. 1. Qızılbalıq (losos)

   Saglamolun.az bildirir ki, Omeqa 3 polidoymamış yağlı turşularla xüsusilə zəngin olan qızılbalıq aterosklerozun inkişafını ləngidir, damarları xolesterindən (piyə oxşayan maddə) təmizləyir.

   Ateroskleroz zamanı damarlarda xolesterin yığılır. Bunun nəticəsində damar daralır, onun keçirmə qabiliyyətini pozulur. Ateroskleroz ürək-damar sistemi xəstəliklərinin, infarktın və insultun əsas səbəbidir.

   Omeqa 3 yağlı turşular həmçinin ürək ritminin tənzimlənməsinə kömək edir.

   2. Ərik qurusu

   Ərik qurusu kaliumla zəngindir. Kalium ürəyin normal fəaliyyəti, normal yığılması üçün olduqca vacib olan mineraldır. Kaliumun orqanizmdə çatışmamazlığı ağır aritmiyaların inkişafına səbəb olur.

   3. Badam

   Badam “arginin” adlı aminturşusu ilə zəngindir. Bu maddə damarları genişləndirir ki, nəticədə orqanizmdə və o cümlədən ürəkdə qan dövranı yaxşılaşır. Həmçinin arginin arterial təzyiqin tənzimlənməsinə kömək edir.