Əliyevdən sərt sözlər: “Bu qələbə təkcə Ermənistan üzərində deyil, erməni faşizmi üzərində bir qələbədir”

“Qələbə təkcə Ermənistan üzərində əldə edilmiş qələbə deyil, biz erməni faşizmini məhv etdik”.
Bu sözləri Azərbaycan Prezidenti İlham Əliyev xalqa müraciətində deyib.

Əliyev hərzaman olduğu kimi ermənilərin yenə Kəlbəcərdə vandalizim törətdiklərini deyib:

“Kəlbəcər rayonunda böyük meşə əraziləri vardır. Kəlbəcər rayonunda 24 min hektar meşə ərazisi var. Bu, böyük sərvətimizdir. Mənfur düşmən bu meşələri qırıb, talayıb, satıb. Görün, son günlər ərzində onlar hansı çirkin işlərlə məşğuldur, meşələri yandırırlar ki, ekoloji faciə, fəlakət yaratsınlar.

Bu oğrular meşələri qırırlar, aparırlar ki, Ermənistanda satsınlar. Evləri yandırırlar, hansı ki, o evləri onlar tikməyiblər. Onlar kəlbəcərlilərin evlərinə giriblər, soxulublar, orada yaşayıblar. Məktəbləri yandırırlar, apara bilmədikləri ev heyvanlarını öldürürlər. Görün, biz kimlərlə, hansı vəhşilərlə üz-üzə idik! Mən bir daha deyirəm və hər dəfə də deyəcəyəm, bizim Qələbəmiz təkcə Ermənistan dövləti üzərində əldə edilmiş qələbə deyil, biz erməni faşizmini məhv etdik”, – deyə İ. Əliyev bildirib.