Gürcüstan parlamentinin deputatı: “Xocalı soyqırımını bütün dünya tanımalıdır”

“Azərbaycanın Xocalı şəhərində 28 il öncə törədilən qətliamı bütün dünya soyqırımı kimi tanımalıdır”.

“Report”un yerli bürosu xəbər verir ki, bunu Gürcüstan parlamentinin deputatı Azər Süleymanov bildirib.

Onun sözlərinə görə, bu faciənin soyqırımı olması barədə faktlar mövcuddur: “Xocalı faciəsi yalnız ildönümü günündə deyil, ilboyu xatırlanmalı və bu barədə faktlar dünya ictimaiyyyətinə fəal olaraq çatdırılmalıdır”.

A.Süleymanov Gürcüstan parlamentində Xocalı soyqırımı ilə bağlı bir neçə dəfə çıxış etdiyini və qanunverici orqanın faciəyə qiymət verməsi məsələsini qaldırdığını qeyd edib.

Deputat Xocalı həqiqətlərinin Gürcüstan ictimaiyyətinə çatdırılması üçün genişmiqyaslı tanıtım aksiyalarına ehtiyacın olduğunu deyib.

Leave a Reply

Your email address will not be published. Required fields are marked *

GeorgiaAzerbaijanRussiaTurkey