Gürcüstan parlamenti proporsional seçki sisteminə keçidi dəstəkləməyib
“2020-ci ildə Gürcüstanda parlament seçkiləri 3%-li baryer, blokların iştirakı və qarışıq sistem üzrə keçiriləcək”.
Bu barədə Gürcüstan parlamentinin sədri Arçil Talakvadze bildirib.
Onun sözlərinə görə, qanunverici orqanda səsvermə zamanı proporsional seçki sisteminə keçid yetərli səs toplamayıb.
Spiker qeyd edib ki, gələn il ölkədə parlament seçkiləri proporsional və majoritar sistemlərin tətbiqi ilə baş tutacaq.
