Gürcüstan baş nazirindən Azərbaycanla sərhəd barədə bəyanat
“Azərbaycanla sərhədin müəyyən olunması üçün yaradılacaq komissiyaya Gürcüstanın bütün dövlət qurumlarının nümayəndələri daxil olacaq və delimitasiya, demarkasiya prosesinə başlanılacaq”.
Bu barədə Gürcüstan baş naziri Mamuka Baxtadze “İmedi” televiziya kanalının efirində yayımlanan “Xronika” verilişində bildirib.
Baş nazir sərhədin müəyyən olunması üzrə prosesin çətin və çox zəhmət tələb edən məsələ olduğunu qeyd edib:
“Mən çox yaxşı başa düşürəm ki, bu məsələ gürcülər üçün çox emosionaldır. Mən hamını yoxlanılmamış informasiyalardan çəkinməyə çağırıram. Gürcüstan və Azərbaycan dost və tərəfdaşdırlar. Biz bu məsələni həll edəcəyik”.
